ຮູ້ເລິກ ປະຫວັດຫຍໍ້ ສະຫາຍ ສຈ.ດຣ ພັນດວງຈິດ ວົງສາ ອະດີດການນຳ ຜູ້ຈາກໄປບໍ່ມີວັນຫວນຄືນ

ຮູ້ເລິກ ປະຫວັດຫຍໍ້ ສະຫາຍ ສຈ.ດຣ ພັນດວງຈິດ ວົງສາ ອະດີດການນຳ ຜູ້ຈາກໄປບໍ່ມີວັນຫວນຄືນ

17th April 2020 0 By Admin

ຊີວະປະຫວັດຫຍໍ້ ສະຫາຍ ສຈ. ດຣ ພັນດວງຈິດ ວົງສາ ເກີດເມືອວັນທີ 12/12/1947 ທີ່ບ້ານສົບສານ, ເມືອງຊຽງຄໍ້, ແຂວງ ຫົວພັນເປັນບຸດຂອງ ທ່ານ ບຸນທອງ ແລະ ນາງ ໂປ້ຍ; ສະຫາຍໄດ້ສ້າງຄອບຄົວກັບ ນາງ ບົວຈັນ ວົງສາ, ມີລູກນຳກັນ 04 ຄົນ, ປັດຈຸບັນຢູ່ບ້ານຮ່ອງແກ, ເມືອງໄຊເສດຖາ, ນະຄອນຫລວງວຽງຈັນ.

ການເຄື່ອນໄຫວປະຕິວັດແຕ່ລະໄລຍະ ໂດຍຫຍໍ້ ດັ່ງນີ້:
– ປີ 1968 ຫາ 1971 ເປັນຄູສອນຢູ່ໂຮງຮຽນສ້າງຄູສູນກາງນາຄາວ-ວຽງໄຊ ແຂວງຫົວພັນ;
– ປີ 1971 ຫາ 1974 ຮຽນທິດສະດີ ຢູ່ ສສ ຫວຽດນາມ;
– ປີ 1974 ຫາ 1976 ເປັນເລຂາ ທ່ານ ສີສົມພອນ ລໍວັນໄຊ, ຢູ່ຄະນະຈັດຕັ້ງສູນກາງພັກ;
– ປີ 1976 ຫາ 1980 ເປັນຄູສອນຢູ່ມະຫາວິທະຍາໄລສູນກາງສ້າງຄູຢູ່ນາຄາວ-ວຽງໄຊ ແລະ ເປັນຄູສອນຢູ່ມະຫາວິທະຍາໄລສ້າງຄູວຽງຈັນ-ດົງໂດກ.

– ປີ 1980 ຫາ 1983 ຮຽນຕໍ່ຢູ່ໂຮງຮຽນພັກຊັ້ນສູງ ທີ່ ມົດສະກູ ສະຫະພາບໂຊວຽດ;
– ປີ 1983 ຫາ 1991 ເປັນຄະນະເລຂາສູນກາງຊາວໜຸ່ມ ປະຊາຊົນປະຕິວັດລາວ;
– ປີ 1992 ຫາ 1993 ເປັນຫົວໜ້າວາລະສານອາລຸນວັນໃໝ່;
– ເປັນສະມາຊິກສະພາແຫ່ງຊາດ ຊຸດທີ III ເຂດ 6 ແຂວງຫຼວງພະບາງ (1992-1995);
– ປີ 1993 ຫາ 1998 ເປັນຮອງຫົວໜ້າຜູ້ປະຈໍາການຄະນະໂຄສະນາ-ອົບຮົມສູງກາງພັກ;
– ປີ 1996 ເປັນກຳມະການສູນກາງພັກ ສະໄໝທີ VI.

– ປີ 1997 ໄປຄົ້ນຄວ້າປະລິນຍາເອກ ທີ່ ສສ ຫວຽດນາມ;
– ປີ 1998 ຫາ 2001 ເປັນກຳມະການສູນກາງພັກ ສະໄໝທີ VII, ເປັນຫົວໜ້າສະຖາບັນການເມືອງ -ການປົກຄອງແຫ່ງຊາດ;
– ປີ 2001 ຫາ 2005 ເປັນລັດຖະມົນຕີ ກະຊວງຖະແຫຼ່ງຂ່າວ-ວັດທະນະທໍາ;
– ປີ 2006 ຫາ 2011 – ເປັນກຳມະການສູນກາງພັກ ສະໄໝທີ VIII, ເປັນຫົວໜ້າຄະນະໂຄສະນາອົບຮົມສູນກາງພັກ;
– ເປັນສະມາຊິກສະພາແຫ່ງຊາດ ຊຸດທີ VI ເຂດ 4 ແຂວງອຸດົມໄຊ (2006-2010);
– ປີ 2011 ຫາ 2015 ເປັນກຳມະການສູນກາງພັກສະໄໝທີ IX, ເປັນປະທານສູນກາງແນວລາວສ້າງຊາດ, ເປັນສະມາຊິກສະພາແຫ່ງຊາດ ຊຸດທີ VII ເຂດ 15 ແຂວງຈໍາປາສັກ;
– ປີ 2015 ໄດ້ຮັບນະໂຍບາຍປິ່ນປົວຍາວນານ.

ມາຮອດປີ 2017 ຍ້ອນສຸຂະພາບ ແລະ ອາຍຸກະສຽນ ສະຫາຍຈຶ່ງໄດ້ຂໍອອກພັກການ-ຮັບເບ້ຍບຳນານ ຕາມນະໂຍບາຍຂອງພັກ ແລະ ລັດ.

ຫຼ້າສຸດ, ມາຮອດວັນທີ 16 ເມສາ 2020 ທ່ານໄດ້ເຖິງແກ່ມໍລະນະກໍາ ໃນເວລາ 00:30 ໂມງ ດ້ວຍພະຍາດຂອງເພິ່ນເອງ ລວມອາຍຸ 73 ປີ.