ບໍ່ແກ້ວຄຸມເຂັ້ມປ້ອງກັນໂຄວິດ ເວນຍາມ 24 ຊົ່ວໂມງ ຕິດຕາມການສັນຈອນຂອງປະຊາຊົນ

ບໍ່ແກ້ວຄຸມເຂັ້ມປ້ອງກັນໂຄວິດ ເວນຍາມ 24 ຊົ່ວໂມງ ຕິດຕາມການສັນຈອນຂອງປະຊາຊົນ

16th April 2020 0 By Admin

ແຂວງບໍ່ແກ້ວ, ໄດ້ເພີ່ມຄວາມເຂັ້ມງວດ ໃນການກັນກອງ ແລະ ວັດແທກອຸນຫະພູມ ຂອງປະຊາຊົນສັນຈອນໄປມາ ໃນເທດສະບານ ແຂວງ ເພື່ອກວດຫາ ພະຍາດໂຄວິດ 19.


ທ່ານ ພັນຕີ ເຂັມທິບ ພັນຍາວົງ ຮອງຫົວຫນ້າພະແນກຈາລະຈອນ ແຂວງບໍ່ແກ້ວຕ່າງໜ້າໃຫ້ໜ່ວຍສະເພາະກິດໃນການປ້ອງກັນຕ້ານພະຍາດໂຄວິ 19 ໃຫ້ຮູ້ວ່າ: ເພື່ອປະຕິບັດຕາມຄໍາສັ່ງ ເລກທີ 06 / ນຍ ແລະ ຄໍາແນະນໍາ ເລກທີ 316 /ຈຂ,ບກ ວ່າດ້ວຍການເພີ່ມທະວີມາດຕະການ ປ້ອງກັນ ສະກັດກັ້ນ ການລະບາດຂອງພະນາດ ໂຄວິດ 19 ແລະ ບັນດານິຕິກາຕ່າງໆ, ຍົກລະດັບການປ້ອງກັນ ທາງຫນ່ວຍສະເພາະກິດ ຂັ້ນແຂວງ – ເມືອງ ໄດ້ແບ່ງຄວາມຮັບຜິດຊອບ ໃນການລົງຈັດຕັ້ງປະຕິບັດ ຢູ່ແຕ່ລະຈຸດກວດກາກັນກອງ ແລະ ວັດແທກອຸນຫະພູມ ຢູ່ 4 ຈຸດ ໃນເທດສະບານ ແຂວງ, ຈຸດ ກວດກາ ບ້ານປ່າອ້ອຍ, ຈຸດປະຕູໂຂງ ບ້ານໃຫມ່ພູຄາ, ຈຸດບ້ານໃຫຍ່ ຫ້ວຍຊາຍໃຕ້ ແລະ ຈຸດກວກ ກາ ບ້ານຂອນແກ້ວ, ເຊິ່ງມີ ເຈົ້າ ຫນ້າທີ່ 22 ຄົນ ມາຈາກພະແນກຈາລະຈອນແຂວງ, ພະແນກ ສາທາລະ ນະ ສຸກແຂວງ ແລະ ທະຫານແຂວງ ມາປະຈໍາແຕ່ລະຈຸດຕະຫຼອດ 24 ຊົ່ວ ໂມງ.

ນອກຈາກນີ້, ຍັງມີຫນ່ວຍໂຄສະນາ ເຄື່ອນທີ່, ໄດ້ຂັບລົດໄປຕາມເສັ້ນທາງສາຍຕ່າງໆ ເພື່ອໂຄສະນາໃຫ້ປະຊາຊົນຮັບຮູ້ ກ່ຽວກັບ ວິທີການປ້ອງກັນພະຍາດອັກເສບປອດ ຈາກເຊື້ອຈຸລະໂລກສາຍພັນໃຫມ່ ຫຼື ໂຄວິດ 19. ໃນການປ້ອງກັນ ຕົວເອງ ແລະ ຄອບຄົວ, ຜ່ານການລົງຕິດຕາມ ໃນແຕ່ລະຈຸດ ຍັງພົບເຫັນ ການສັນຈອນໄປມາ ຂອງພາຫະນະຍັງຫຼາຍ ແຕ່ມີປະຊາຊົນຈໍານວນຫນຶ່ງ ຍັງຖືເບົາບໍ່ໃສ່ຜ້າອັດປາກ ແຕ່ທາງເຈົ້າຫນ້າທີ່ ໄດ້ສຶກສາອົບຕັກເຕືອນ ແລະ ແຈກຜ້າອັດປາກ ໂຟດສະເຕີ້ໃຫ້ເພື່ອຮັບຮູ້ ແລະ ເຂົ້າໃຈ ໃນການປ້ອງກັນຕົນເອງ ແລະ ຄອບຄົວ ຈາກພະຍາດ ໂຄວິດ 19.


ໂອກາດດຽວກັນທ່ານຍັງໄດ້ຮຽກຮ້ອງ ມາຍັງ ພໍ່ – ແມ່ ປະຊາຊົນຈົງເປັນເຈົ້າການມີສະຕິລະວັງຕົວຖ້າບໍ່ຈຳເປັນແມ່ນບໍ່ໃຫ້ອອກຈາກບ້ານເຮືອນ, ໃສ່ຜ້າອັດປາກທຸກຄັ້ງເມືອອອກຈາກເຮືອນ. ຫຼີກລ້ຽງບ່ອນທີມີຜູ້ຄົນຫຼາຍ.

ທີ່ມາ: ໜັງສືພິມບໍ່ແກ້ວ Bokeo Newspaper