ໜຸ່ມໄວ 32 ປີ ຈົບປະລິນຍາເອກ ເປັນພຽງຄົນສົ່ງອາຫານ ຝາກຂໍ້ຄິດ ຄວາມຮູ້ບໍ່ໄດ້ມີແຕ່ໃນຫ້ອງຮຽນ !

ໜຸ່ມໄວ 32 ປີ ຈົບປະລິນຍາເອກ ເປັນພຽງຄົນສົ່ງອາຫານ ຝາກຂໍ້ຄິດ ຄວາມຮູ້ບໍ່ໄດ້ມີແຕ່ໃນຫ້ອງຮຽນ !

16th November 2019 0 By Admin

ສື່ເພື່ອນບ້ານ (ໄທ) ເຜີຍເລື່ອງລາວຂອງໜຸ່ມໄວ 32 ປີ ທີ່ຮຽນຈົບປະລິນຍາເອກ ຄະນະ ວິທະຍາສາດ ສາຂາຊີວະວິທະຍາ ມາຕັ້ງແຕ່ປີ 2017 ແບະ ຜ່ານມາ 2 ປີປາຍ ເຂົາໃຊ້ເວລາຫາວຽກເຮັດງານທໍາຕາມບໍລິສັດຕ່າງໆ, ບໍ່ວ່າຈະເປັນວຽກແນວໃດກໍໄປສະໝັກມາທັງນ້ອຍ ແລະ ໃຫຍ່, ແຕ່ບໍ່ມີບໍລິສັດໃດຮັບລາວເຂົ້າເຮັດວຽກເລີຍ.

ໂດຍບໍລິສັດຕ່າງໆໃຫ້ເຫດຜົນວ່າ: ເຈົ້າມີຄຸນສົມບັດເກີນຄວາມຈໍາເປັນ”

ໜຸ່ມຄົນນີ້ເຄີຍເອົາໃບປະກາດເຂົ້າມາສະໝັກວຽກ ແຕ່ກັບຖືກກ່າວຫາວ່າ ເອົາເວລາໄປເຮັດຫຍັງຢູ່ຕັ້ງ 8 ປີ, ບໍ່ມີຮອດປະສົບການ…

ຈາກສິ່ງທີ່ເກີດຂຶ້ນ ຕະຫຼອດເວລາ 2 ປີປາຍ ເຮັດໃຫ້ທຸກມື້ນີ້ຊາຍຄົນນີ້ຕ້ອງໄດ້ເພິ່ງພາການຂັບ Grab Food ປະທັງຊີວິດໃນແຕ່ລະມື້, ທີ່ມີລາຍໄດ້ບໍ່ດີປານໃດ,

ໜຸ່ມຄົນນີ້ເຜີຍວ່າ ຕົນອາຍ 32 ປີແລ້ວຕອນນີ້, ຂ້ອຍຄວນຈະມີວຽກປະຈໍາທີ່ໝັ້ນຄົງເຮັດ ແລະ ບໍ່ຄ່ອຍໝັ້ນຄົງ ແຕ່ກໍບໍ່ເລີຍ ຂ້ອຍສາມາດຫາເງິນພຽງກຸ້ມກິນຂ້ອຍໃນແຕ່ລະມື້ເທົ່ານັ້ນ ຈະຈ່າຍຄ່າໃຊ້ຈ່າຍໃຫ້ ພໍ່ແມ່ ຫຼື ທຶນການສຶກສາໃຫ້ນ້ອງໆອີກ 3 ຄົນກໍບໍ່ໄດ້…

ຂ້ອຍໄດ້ແຕ່ເວົ້າວ່າ “ພໍ່ເອີ້ຍ ແມ່ເອີ້ຍ ລູກຂໂທດເດີ້”

ການທີ່ຕົນເອງບໍ່ມີວຽກເຮັດງານທໍາເປັນຫຼັກແຫຼ່ງ ເຮັດໃຫ້ເຂົາເສຍໃຈ ແລະ ເສຍດາຍເວລາຕັ້ງ 8 ປີກວ່າກັບການຮຽນປະລິນຍາໂທ ແລະ ເອກ

ເພາະມັນບໍ່ໄດ້ໝາຍເຖິງພຽງວ່າເຂົາບໍ່ມີວຽກເຮັດ ແຕ່ມັນຮູ້ສຶກວ່າເວລາ 8 ປີ ມັນເສຍເວລາ ແລະ ເສຍໂອກາດຫຼາຍໆຢ່າງໄປ ຖ້າຮູ້ແບບນີ້ຈະບໍ່ຮຽນຕໍ່ ແລະ ເລີ່ມເຮັດວຽກຫາເງິນເລີຍຫຼັງຮຽນຈົບເລີຍຈະດີກວ່າ

ແຕ່ແນວໃດກໍຕາມເຂົາກໍຍອມຮັບໃນການຕັດສິນໃຈຮຽນຕໍ່ຂອງລາວ ເພາະວ່າເປັນຄົນມັກຮຽນເມື່ອຈົບປະລິນຍາຕີກໍເລີຍຢາກຮຽນຕໍ່ຈຶ່ງຮຽນຕໍ່ໄປເລື້ອຍໆ ແຕ່ພໍມາຮອດມື້ນີ້ກໍຮູ້ວ່າບໍ່ຄວນຈະເຮັດແບບນີ້ເລີຍ

ເລີຍຢາກໃຫ້ເປັນຂໍ້ຄິດວ່າ ເຖິງວ່າເຮົາຈະມັກຮຽນເທົ່າໃດ ປັດຈຸບັນນີເໍ້ການເຮັດວຽກລ້ວນແລ້ວແຕ່ຕ້ອງການປະສົບການເປັນສ່ວນຫຼາຍ ບໍ່ວ່າຈະເປັນປະເທດໃດ ເຮົາກໍຄວນຕ້ອງພັກຊ່ວງຮຽນ ຫາວຽກເຮັດ ປະສົບການກ່ອນ ຫາກໝັ້ນໃຈແລ້ວວ່າເຮົາມັກວຽກນີ້ ແລ້ວຈັ່ງຫາໂອກາດໄປຮຽນຕໍ່.

ຫາກທຽບກັນແລ້ວ ເວລາທີ່ໃຊ້ໃນການຮຽນ ເງິນທີ່ໃຊ້ໄປ ກັບວຽກໃນຕອນນີ້ ມັນຄຸ້ມຄ່າກັນບໍ່…

ສຸດທ້າຍນີ້ກໍຢາກຈະໃຫ້ທຸກຄົນເຂົ້າໃຈວ່າ

“ຄວາມຮູ້ບໍ່ໄດ້ມີແຕ່ໃນຫ້ອງຮຽນ ແຕ່ມັນມີຢູ່ທຸກທີ່ ບໍ່ວ່າຈະເປັນ ບໍລິສັດ ໂຮງງານ ຫຼື ພຽງແຕ່ຕາມຂ້າງທາງ ເຮົາຕ້ອງອອກໄປຮຽນຮູ້ໃນສ່ວນນັ້ນນໍາ ເພາະສຸດທ້າຍແລ້ວ”

ນີ້ກໍເປັນພຽງຂໍ້ຄິດ, ຊີວິດຂອງບາງຄົນເທົ່ານັ້ນເພາະຊີວິດຂອງຄົນເຮົາມັນຕ່າງກັນ ບາງຄົນທີ່ຈົບປະລິນຍາເອກມາກໍໄດ້ດີ ມີວຽກເຮັັດງານທໍາທີ່ໝັ້ນຄົງ ມີຊີວິດທີ່ມີຄວາມສຸກກໍຫຼາຍ…