ດ່ວນ !!! ບໍລິສັດ ສີສົມບັດ ເຊົ່າສິນເຊື່ອ ຂໍໂທດສັງຄົມ ຕໍ່ການແຈກຢາຍເຄື່ອງຊ່ວຍເຫລືອບັນເທົາທຸກ ກໍໃຫ້ເກີດການໂຮມຊຸມນຸມ

ດ່ວນ !!! ບໍລິສັດ ສີສົມບັດ ເຊົ່າສິນເຊື່ອ ຂໍໂທດສັງຄົມ ຕໍ່ການແຈກຢາຍເຄື່ອງຊ່ວຍເຫລືອບັນເທົາທຸກ ກໍໃຫ້ເກີດການໂຮມຊຸມນຸມ

15th April 2020 0 By Admin

ໃນວັນທີ 15 ເມສາ 2020 ນີ້, ບໍລິສັດ ສີສົມບັດ ເຊົ່າສິນເຊື່ອ ຈຳກັດ ໄດ້ມີນ້ຳໃຈຈັດກິດຈະກຳ ແຈກຢາຍເຄື່ອງບໍລິໂພກ ເປັນຕົ້ນ ເຂົ້າສານ, ໜີ່, ໄຂ່ ແລະ ນໍ້າດື່ມ ໃຫ້ປະຊາຊົນເພື່ອບັນເທົາທຸກ ໃນຊ່ວງວິກິດການແຜ່ລະບາດ ຂອງເຊື້ອໄວຣັດໂຄວິດ-19 ຢູ່ ສປປ ລາວ ເຊິ່ງກໍໃຫ້ເກີດ ມີປະຊາຊົນ ຈຳນວນຫລາຍຫລັ່ງໄຫລເຂົ້າມາຮັບເອົາເຄື່ອງບໍລິຈາກດັ່ງກ່າວ ເກີດເປັນຫາງສຽງຕ່າງໆນາໆຕໍ່ສັງຄົມໃນສື່ອອນລາຍ ແລະ ຜິດກັບຄຳສັ່ງເລກທີ 06/ນຍ ຂອງລັດຖະບານວາງອອກ.​

ຕໍ່ກັບເຫດການດັ່ງກ່າວ, ທ່ານ ສະເຫລີມພົນ ສູນວົງສາ ຫົວໜ້າບໍລິຫານ ບໍລິສັດ ສີສົມບັດ ເຊົ່າສິນເຊື່ອ ຈຳກັດ ໄດ້ຕາງໜ້າໃຫ້ບໍລິສັດ ສະແດງຄວາມຂໍໂທດຕໍ່ລັດຖະບານ ທີ່ໄດ້ຈັດກິດຈະກຳດັ່ງກ່າວ ໂດຍທີ່ບໍ່ຄິດວ່າຈະມີປະຊາຊົນ ຫລັ່ງໄຫລກັນເຂົ້າມາຫລາຍປານນີ້./

.

 

Cr: ຂປລ