ຂ່າວດີ 1 ໃນຜູ້ຕິດເຊື້ອ ປີ່ນປົວຫາຍດີແລ້ວ ກັບ​ເຮືອນ​ໄດ​້ ມື້​ນີ້​ບໍ່​ພົບ​ຜູ້​ຕິດ​ເຊື້ອ​ເພີ່ມ!

ຂ່າວດີ 1 ໃນຜູ້ຕິດເຊື້ອ ປີ່ນປົວຫາຍດີແລ້ວ ກັບ​ເຮືອນ​ໄດ​້ ມື້​ນີ້​ບໍ່​ພົບ​ຜູ້​ຕິດ​ເຊື້ອ​ເພີ່ມ!

14th April 2020 0 By Admin

14/4/2020 ບໍ່ພົບຜູ້ຕິດເຊື້ອ Covid-19 ເພີ່ມ ( ຄົງທີ່ 19 ຄົນ ) ຂ່າວດີ: 1 ໃນຜູ້ຕິດເຊື້ອ ປີ່ນປົວຫາຍດີ, ອອກໂຮງໝໍ ກັບສູ່ຄອບຄົວມື້ນີ້!

ການຕິດຕາມປີ່ນປົວຄົນເຈັບຢູ່ໂຮງໝໍ 19 ຄົນນັ້ນ ຈຳນວນ 3 ຄົນຢູ່ໂຮງໝໍແຂວງຫຼວງພະບາງ ເຫັນວ່າມີອາການຄົງຕົວ ຂັ້ນເບົາບາງ ຍັງຕິດຕາມການກວດຫາເຊື້ອເພື່ອຢັ້ງຢືນ, ຈຳນວນ 16 ຄົນຢູ່ໂຮງໝໍມິດຕະພາບ ເຫັນວ່າ 1 ຄົນມີອາການປານກາງ, 15 ຄົນ ມີອາການເບົາບາງ ໃນນີ້ 1 ຄົນໄດ້ກວດວິເຄາະບໍ່ພົບເຊື້ອ 2 ຄັ້ງແລ້ວ ຊື່ງຈະພິຈາ ລະນາໃຫ້ອອກໂຮງໝໍ ໄປຕິດຕາມຕົນເອງ 14 ວັນ.

ຈົ່ງພ້ອມກັນປະຕິບັດຕາມຄໍາສັ່ງ ເລກທີ 06/ນຍ ຢ່າງເຂັ້ມງວດ, ຢູ່ເຮືອນ ບໍ່ອອກໄປບ່ອນສາທາລະນະ ຖ້າບໍ່ຈໍາເປັນ. ຍິ່ງຈໍາກັດຕົນເອງຢູ່ເຮືອນໄດ້ດີເທົ່າໃດ ກໍ່ຍິ່ງຊ່ວຍຫຼຸດຄວາມສ່ຽງການຕິດ ຫຼື ກະຈາຍເຊື້ອໄດ້ດີເທົ່ານັ້ນ.

.

ມື້ນີ້ຄືປະເທດເຮົາຖືກຫວຍສອງຊັ້ນ ເຖິງຈະບໍ່ໄດ້ເປັນເງິນແຕ່ໃນທ່າມການເຊື້ອໂຄວິດລະບາດໃນທົ່ວໂລກ ບ້ານເຮົາໃນວັນທີ 14 ເມສາບໍ່ພົບຜູ້ຕິດເຊື້ອ ບໍ່ພຽງເທົ່ານັ້ນ 1 ໃນຈຳນວນ 19 ຄົນທີ່ມານອນປິ່ນປົວຢູ່ໂຮງໝໍແມ່ນໄດ້ຜ່ານການກວດຄືນສອງຄັ້ງແລ້ວຜົນລ້ວນເປັນລົບ ຈະອະນຸຍາດໃຫ້ກັບບ້ານໄດ້ອີກ 15 ຄົນອາການເບົາບາງ.

ຕາມການຖະແຫຼງຂ່າວມື້ນີ້ຂອງຄະນະສະເພາະກິດໃຫ້ຮູ້ວ່າ: ໃນວັນທີ 13 ເມສາ 2020, ໄດ້ ເກັບຕົວຢ່າງມາກວດທັງໝົດ 50 ຄົນ, ໃນນັ້ນ ມີຜູ້ສຳຜັດໃກ້ຊິດ ກັບຜູ້ຕິດເຊື້ອ 06 ຄົນ, ກໍລະນີມີອາການສົງໄສ 44 ຄົນ ໃນນີ້ແຮງງານລາວ ທີ່ກັບມາແຕ່ໄທ 17 ຄົນ ແຕ່ຜົນກວດທັງໝົດ 50 ກໍລະນີ ແມ່ນບໍ່ພົບເຊື້ອ.

.

ສັງລວມແລ້ວນັບແຕ່ເດືອນມັງກອນ ຮອດ ວັນທີ 13 ເມສາ 2020 ໄດ້ເກັບຕົວຢ່າງມາກວດ ທັງໝົດ ມີ 1.235 ຄົນ, ກວດພົບເຊື້ອທັງໝົດ 19 ຄົນ ແລະ ທັງໝົດ 19 ຄົນ ແມ່ນນອນປິ່ນປົວ – ຕິດຕາມ ຢູ່ໂຮງໝໍ, ສ່ວນຈໍານວນຜູ້ສໍາຜັດໃກ້ຊິດທັງໝົດ ທີ່ໄດ້ຕິດຕາມ ແຕ່ວັນທີ 23 ມີນາ – 13 ເມສາ 2020 ມີ ທັງໝົດ 458 ຄົນ, ໝົດກໍານົດຕິດຕາມ ທັງໝົດ 387 ຄົນ, ຍັງສືບຕໍ່ຕິດຕາມທັງໝົດ 71 ຄົນ ຢູ່ນະຄອນຫຼວງວຽງຈັນ 34 ຄົນ, ແຂວງ ໄຊສົມບູນ 36 ຄົນ, ແຂວງ ວຽງຈັນ 01 ຄົນ.

ຕໍກັບອາການຂອງຜູ້ມາປິ່ນປົວທັງໝົດ ຄະນະສະເພາະກິດລາຍງານວ່າ: ຈຳນວນ 3 ຄົນຢູ່ໂຮງໝໍແຂວງຫຼວງພະບາງ ເຫັນວ່າມີອາການຄົງຕົວ ຂັ້ນເບົາບາງ ຍັງຕິດຕາມການກວດຫາເຊື້ອເພື່ອຢັ້ງຢືນ, 16 ຄົນຢູ່ໂຮງໝໍມິດຕະພາບ ເຫັນວ່າ 1 ຄົນມີອາການປານກາງ, 15 ຄົນ ມີອາການເບົາບາງ ໃນນີ້ 1 ຄົນໄດ້ກວດວິເຄາະບໍ່ພົບເຊື້ອ 2 ຄັ້ງແລ້ວ ຊື່ງຈະພິຈາ ລະນາໃຫ້ອອກໂຮງໝໍ ໄປຕິດຕາມຕົນເອງ 14 ວັນ.