ຄັກແທ້! ຍິງຊາວອິນເດຍ ຕັ້ງຊື່ລູກແຝດ ໂຄວິດ-ໂຄໂຣນາ ຫຼັງຜ່າ lockdown ໄປເກີດຢູ່ໂຮງໝໍ

ຄັກແທ້! ຍິງຊາວອິນເດຍ ຕັ້ງຊື່ລູກແຝດ ໂຄວິດ-ໂຄໂຣນາ ຫຼັງຜ່າ lockdown ໄປເກີດຢູ່ໂຮງໝໍ

14th April 2020 0 By Admin

ຖືວ່າເປັນອີກໜຶ່ງເລື່ອງລາວທີ່ສ້າງສີສັນ ໃນວົງການຕັ້ງຊື່ລູກແລກເກີດເຊິ່ງຫຼາຍໆຄົນກໍ່ລ້ວນແລ້ວແຕ່ຕີອງການຊື່ ແທນນາມລູກເປັນຊື່ທີ່ມີຄວາມໝາຍດີ ທັງນີ້, ກໍ່ເພື່ອຄວາມເປັນສິລິມຸງຄຸນ ເຊິ່ງບາງຄົນກໍ່ມີການໄປໃຫ້ຄູບາ ຫຼື ຍາຄູຢູ່ວັດໃສ່ຊື່ໃຫ້ ເພາະຄົນສ່ວນຫຼາຍມີຄວາມເຊື່ອວ່າ ວ່າໃສ່ຊື່ບໍ່ຖືກກັບວັນເດືອນປີເກີດ ກໍ່ຂະເຮັດໃຫ້ລູກມັກເຈັບອອດໆແອດໆ,​ ມັກປ່ວຍ, ລ້ຽງຍາກ ແລະ ອື່ນໆ ສະນັ້ນ, ຈຶ່ງນິຍົມໃຫ້ຜູ້ທີ່ມີສິນ, ມີຄວາມຮູ້ເລື່ອງນີ້ ຕັ້ງຊື່ໃຫ້, ບາງຄົນກໍ່ຕັ້ງຊື່ໃຫ້ເອງຕາມຄວາມມັກຂອງຕົວເອງ ແລະ ມີຄວາມໜ້າຮັກຊ່ອນຢູ່.

ແຕ່ສຳລັບອິນເດຍ ຖືວ່າແປກແຕກຕ່າງເມື່ອ ອິນເດຍເອັກສເພຣສ ລາຍງານວັນທີ 3 ເມສາ ວ່າ ນາງປຣິຄິ ເວີມາ ແມ່ຍິງຊາວເມືອງ ໄຣປຸຣະ ລັດສັດຕິສະຄອນ ຕັ້ງຢູ່ທາງພາກກາງຂອງອິນເດຍ ໄດ້ຕັ້ງຊື່ລູກແຝດຊາຍເພິ່ງ ທີ່ເກີດອອກມາມືນຕາເບິ່ງໂລກ ໃນສະພາບບ້ານເມືອງຜະເຊີນກັບໄຣກໄພວ່າ: ເດັກຊາຍ ໂຄວິດ ແລະ ເດັກຍິງ ໂຄໂຣນາ ນໍ້າໜັກແລກເກີດ 2,9 ກິໂລກຣາມ ແລະ 2,7 ກິໂລກຣາມ.


ເຊິ່ງແມ່ເດັກທັງສອງເລົ່າເຖິງ ຄວາມທໍລະມານຕອນເຈັບທ້ອງ ແລະ ຕ້ອງໄປໂຮງໝໍ Dr BR Ambedkar Memorial Hospital ຂະນະທີ່ ທາງການເຂັ້ມງວດມາດຕະການປິດເມືອງທົ່ວໄປເທດ, ຈາກນັ້ນ. ສາມີພາຂີ່ລົດຈັກໄປໂຮງໝໍຕອນທ່ຽງຄືນ ກວ່າຈະເຖິງຕອນພົບດ່ານດ່ານຕໍາຫຼວດຫຼາຍຈຸດ ຈົນໃນທີ່ສຸດກໍ່ໄປຮອດ ແລະ ຄອດລູກໄດ້ ເຊິ່ງເດັກໆ ມີສຸຂະພາບແຂງແຮງດີ.

ສ່ວນທີ່ຕັ້ງຊື່ລູກ ວ່ານ້ອງໂຄວິດ ແລະ ນ້ອງໂຄໂຣນານີ້ ເພາະຕົນເອງ ແລະ ສາມີຕ້ອງການຫຼຸດຄວາມກັງວົນ ແລະ ຄວາມຢ້ານກົວຄຳເຫຼົ່ານີ້ ແລະ ຕ້ອງການໃຫ້ເປັນທີ່ຈົດຈຳດ້ວຍ.

ທີ່ມ, khaosod