ຊຸມເຢັນຕອນຮັບປີໃໝ່! 13-16 ເມສາ ທົ່ວທຸກພາກ ຈະມີຝົນຕົກ, ໝາກເຫັບຕົກພ້ອມລົມພັດແຮງ

ຊຸມເຢັນຕອນຮັບປີໃໝ່! 13-16 ເມສາ ທົ່ວທຸກພາກ ຈະມີຝົນຕົກ, ໝາກເຫັບຕົກພ້ອມລົມພັດແຮງ

14th April 2020 0 By Admin

ຄໍາເຕືອນ: ເນື່ອງຈາກວ່າໃນໄລຍະວັນທີ 13 ຫາ 16 ເມສາ 2020 ຄວາມກົດດັນອາກາດສູງຂອງອາກາດເຢັນທີ່ປະເທດຈີນຍັງ ຈະມີກໍາລັງປານກາງປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບລົມຕາເວັນອອກ-ຕາເວັນອອກສຽງໃຕ້ຈະພັດປົກຄຸມ ເປັນສ່ວນໃຫຍ່ ຊຶ່ງຈະເຮັດໃຫ້ ມີຝົນຕົກ, ຟ້າຮ້ອງ, ຟ້າເຫຼື້ອມ ໃນລະດັບຄ່ອຍຫາປານກາງ, ມີຟ້າຜ່າ ແລະ ໝາກເຫັບຕົກ ພ້ອມມີລົມພັດແຮງທີ່ອາດຈະເຮັດໃຫ້ຕົ້ນໄມ້ໃຫຍ່ ແລະ ເສົາໄຟຟ້າຫັກລົ້ມ ຢູ່ບາງທ້ອງຖິ່ນໃນແຕ່ລະພາກ ໃນໄລຍະຕອນບ່າຍຫາກາງຄືນ.

ກົມອຸຕຸນິຍົມ ແລະ ອຸທົກກະສາດ ລາຍງານພະຍາກອນອາກາດໃນວັນທີ 13 ເມສາ 2020 ວ່າ: ເນື່ອງຈາກວ່າໄລຍະວັນທີ 13-16 ເມສາ 2020 ຄວາມກົດດັນອາກາດສູງຂອງອາກາດເຢັນຈາກປະເທດຈີນ ຍັງມີກຳລັງປານກາງປົກຄຸມຢູ່ທົ່ວທຸກພາກຂອງປະເທດລາວ ສົມທົບກັບລົມຕາເວັນອອກ-ຕາເວັນອອກສຽງໃຕ້ຈະພັດປົກຄຸມເປັນສ່ວນໃຫ່ຍ ຈະເຮັດໃຫ້ມີອາຫາດເຢັນໃນຕອນເຊົ້າ ແລະ ຈະມີຝົນຕົກ, ຟ້າຮ້ອງເຫຼື້ອມໃນລະດັບຄ່ອຍຫາປານກາງ, ມີຟ່າຜ່າ ແລະ ໝາກເຫັບຕົກ ພ້ອມຈະມີລົງພັດແຮງຢູ່ບາງທ້ອງຖິ່ນແຂວງພາກເໜືອດ້ານຕາເວັນຕົກລົງຫາພາກກາງ ແລະ ພາກໃຕ້.

ຈາກນັ້ນ, ໃນວັນທີ 17-19 ເມສາ 2020 ຄວາມກົດດັນອາກາດຕໍ່າຂອງອາກາດຮ້ອນຈະປົກຄຸມຢູ່ທົ່ວທຸກພາກຂອງປະເທດລາວ ເຊິ່ງຈະເຮັດໃຫ້ອາກາດຮ້ອນເອົ້າ ພ້ອມມີໝອກແຫ້ງປົກຫຸ້ມໃນຕອນກາງເວັນ ແລະ ຍັງມີຝົນຕົກຟ້າເຫຼື້ອມໃນລະດັບຄ່ອຍຫາປານກາງ ພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.

 

ດັ່ງນັ້ນ, ຈື່ງແຈ້ງເຕືອນເຖີງອໍານາດການປົກຄອງ ແລະ ປະຊາຊົນບັນດາເຜົ່າ ໃຫ້ມີສະຕິລະມັດລະວັງ ຕໍ່ສະພາບອາກາດຮ້າຍແຮງ ທີ່ ຈະເກີດຂື້ນ, ຈາກນັ້ນວັນທີ 17 ຫາ 19 ເມສາ 2020 ຄວາມກົດດັນຕໍ່າຂອງອາກາດຮ້ອນເອົ້າຈະປົກຄຸມ ພາກເຫນືອດ້ານຕາເວັນຕົກລົງຫາພາກກາງ ແລະ ພາກໃຕ້ຂອງລາວ. ຊຶ່ງຈະເຮັດໃຫ້ອາກາດຮ້ອນຂື້ນ ແລະ ຍັງຈະມີຝົນຕົກຟ້າຮ້ອງ ຟ້າເຫຼື້ອມພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກຕື່ມອີກ.