ເພີ່ມຂຶ້ນຕໍ່ເນື່ອງ! ທົ່ວໂລກພົບຜູ້ຕິດເຊື້ອໂຄວິດ-19 ເກືອບທະລຸ 2 ລ້ານຄົນແລ້ວ

ເພີ່ມຂຶ້ນຕໍ່ເນື່ອງ! ທົ່ວໂລກພົບຜູ້ຕິດເຊື້ອໂຄວິດ-19 ເກືອບທະລຸ 2 ລ້ານຄົນແລ້ວ

14th April 2020 0 By Admin

ວັນທີ 14 ເມສາ 2020 ສູນວິທະຍາສາດ ແລະ ວິສາວະກຳເຊິງລະບົບ (CSSE) ມະຫາວິທະຍາໄລຈອນສ ຮອບກິນ ຂອງສະຫະລັດອາເມລິກາ ລະບຸ ຈຳນວນຜູ້ປ່ວຍຕິດເຊື້ອທີ່ໄດ້ຮັບການຢືນຢັນຜົນໂຄວິດ-19 ຈາກທົ່ວໂລກ ໃຫ້ຈະທະລຸ 2 ລ້ານຄົນ. ຂະນະທີ່ຜູ້ເສຍຊີວິດເກືອບ 120.000 ຄົນ.


ໃນນີ້: ສະຫະລັດອາເມລິກາ ຍັງຄົງທີ່ອັນດັບ 1 ຂອງຈໍານວນຜູ້ຕິດເຊື້ອທະລຸ 581.918 ຄົນ, ຂະນະທີ່ຍອດຜູ້ເສຍຊີວິດແຊງໜ້າອີຕາລີເຖິງ 23.608 ຄົນ, ຮອງລົງມາສະເປນ ພົບຜູ້ຕິດເຊື້ອ 170.099 ຄົນ, ເສຍຊີວິດແລ້ວ 17.756 ຄົນ.

ອັນດັບທີ 3 ຄືອີຕາລີ ພົບຜູ້ຕິດເຊື້ອ 159.516 ຄົນ, ຂະນະທີ່ຜູ້ເສຍຊີວິດໃນຮອບໜຶ່ງວັນພົບ 566 ຄົນ, ເຮັດໃຫ້ຍອດສະສົມລວມທະລຸ 20.000 ຄົນ ແລະ ອັນດັບທີ 4 ຕົກເປັນຂອງຝຣັ່ງ ພົບຍອດຜູ້ເສຍຊີວິດເຖິງ 14.000 ຄົນ ແລະ ຕິດເຊື້ອອີກກວ່າ 137.000 ຄົນ.

ທີ່ມາ: workpoint news