ຕ້ອນ​ຮັບ​ປີ​ໃໝ່​ລາວ ບໍ່​ພົບ​ຜູ້​ຕິດ​ເຊື້ອ​ໂຄວິດ​ເພີ່ມ ແລະ ສາ​ມາດ​ປົວ​ເຊົາ​ແລ້ວ 1 ຄົນ

ຕ້ອນ​ຮັບ​ປີ​ໃໝ່​ລາວ ບໍ່​ພົບ​ຜູ້​ຕິດ​ເຊື້ອ​ໂຄວິດ​ເພີ່ມ ແລະ ສາ​ມາດ​ປົວ​ເຊົາ​ແລ້ວ 1 ຄົນ

13th April 2020 0 By Admin

13ເມສາ 2020 , ຄະນະສະເພາະກິດລາຍງານຂ່າວດີ ເມື່ອແຈ້ງວ່າບໍ່ພົບຜູ້ຕິດເຊື້ອໂຄວິດ-19 ເພີ່ມ ເຮັດໃຫຍອດລວມຄົງທີ19 ຄົນ. ຢ່າງໃດກໍຕາມ ຄະນະສະເພາະກິດ ຮຽກຮ້ອງໃຫ້ທຸກໆຄົນ ເອົາໃຈໃສ່ຮ່ວມມືທີ່ສຸດ ໃນການຈັດຕັ້ງປະຕິບັດ ຄຳສັ່ງ ເລກທີ 06/ ນຍ, ຫຼີກລຽງງານຊຸມແຊວເປັນກຸ່ມ, ຫ້າມຫຼິ້ນນໍ້າ.

ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂພະຍາດໂຄວິດ – 19 ໄດ້ຖະແຫຼງຂ່າວປະຈຳວັນທີ 13 ເມສາ 2020 ທີ່ກະຊວງສາທາລະນະສຸກ ໂດຍມີ ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມ ຄວບຄຸມພະຍາດຕີດຕໍ່ ກະຊວງສາທາລະນະສຸກ  ພ້ອມຄະນະເຂົ້າຮ່ວມ.

ທ່ານ ດຣ. ຣັດຕະນະໄຊ ເພັດສຸວັນ ກ່າວວ່າ:ໃນວັນທີ 12 ເມສາ 2020 ໄດ້ເກັບຕົວຢ່າງມາກວດທັງໝົດ 35 ຄົນ, ໃນນັ້ນ ມີຜູ້ສຳຜັດໃກ້ຊິດ ກັບຜູ້ຕິດເຊື້ອ 17 ຄົນ, ກໍລະນີມີອາການສົງໄສ 18 ຄົນ ເຊິ່ງມີ ແຮງງານລາວ ທີ່ກັບມາແຕ່ໄທ 01 ຄົນ.  ຜົນກວດທັງໝົດ 35 ຄົນ ແມ່ນບໍ່ພົບເຊື້ອ.

ນອກນັ້ນຍັງມີຂ່າວດີຂອງວົງການແພດພວກເຮົາ ເມື່ອຜູ້ນອນປິ່ວປົວຈາກພະຍາດໂຄວິດ 1 ຄົນຜົນກວດຄັ້ງທີ1 ບໍ່ພົບເຊື້ອໃນກະແແສເລືອດແລ້ວ ເຊິ່ງຈະຍັງກວດອີກ1 ຄັ້ງຫາກຜົນອອກມາເປັນລົບ ຜູ້ກ່ຽວກໍຈະສາມາດອອກໂຮງໝໍໄດ້.

ຢ່າງໃດກໍຕາມໃນໄລຍະບຸນປີໃໝາລາວນີ້ ຄະນະສະເພາະກິດຢາກຮຽກຮ້ອງໃຫ້ທຸກໆຄົນ ເອົາໃຈໃສ່ຮ່ວມມືທີ່ສຸດ ໃນການຈັດຕັ້ງປະຕິບັດ ຄຳສັ່ງ ເລກທີ 06/ ນຍ ທີ່ໄດ້ເນັ້ນໜັກ, ຈຳກັດການເດີນທາງ, ຈຳກັດການອອກເຮືອນ ຖ້າບໍ່ມີຄວາມຈຳເປັນແທ້, ໃຫ້ມີການຮັກສາໄລຍະຫ່າງ, ຫຼີກລຽງ ງານຊຸມແຊວເປັນກຸ່ມ, ການປະກອບວຽກງານ ທາງສາສະໜາກໍ່ຄວນປະຕິບັດ ແບບ ບໍ່ມີການລວມກຸ່ມໃຫຍ່.

ຫ້າມບໍ່ໃຫ້ຫຼິ້ນນໍ້າ ຍ້ອນມີເຊື້ອປົນມານໍານໍ້າເວລາຫົດນໍ້າກັນ ເຮັດໃຫ້ມີການໃກ່ໍຊິດກັນ ແລະ ມີການເວົ້າ, ໄອ,ຈາມ ເຊິ່ງເຮັດໃຫ້ເຊຶ້ອຕົກຢູ່ນໍ້າ ແລະ ສາມາດມີອາຍຸໄດ້ເຖິງ 4-10 ວັນ.

ພາບ: