ຊົມເຊີຍ! ຊີບີເອຟ ຟາຣມາ ຈຳກັດ ມອບອຸປະກອນການແພດ ຊ່ວຍເຫຼືອສາທາແຂວງສາລະວັນ

ຊົມເຊີຍ! ຊີບີເອຟ ຟາຣມາ ຈຳກັດ ມອບອຸປະກອນການແພດ ຊ່ວຍເຫຼືອສາທາແຂວງສາລະວັນ

13th April 2020 0 By Admin

ພະແນກ ສາທາລະນະສຸກ ແຂວງສາລະວັນຮັບເຄື່ອງຊ່ວຍເຫລືອປະເພດອຸປະກອນການແພດ ຈໍານວນໜຶ່ງຈາກບໍລິສັດ ຊີບີເອຟ ຟາຣມາ ຈໍາກັດ ມອບໃຫ້ ໂດຍການມອບຂອງທ່ານ ບຸນທະວີ ກິລາທອງ ຮອງຜູ້ອຳນວຍການ ບໍລິສັດ ຊີບີເອຟ ຟາຣມາ ຈຳກັດ, ຮັບໂດຍ ທ່ານ ດຣ ບົວໄລ ແສນແກ້ວມີກໍ  ຫົວໜ້າພະແນກສາທາລະນະສຸກແຂວງ ທັງເປັນ ຮອງປະທານຄະນະ ສະເພາະກິດ ເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດອັກເສບປອດ ເຊື້ອຈຸລະໂລກສາຍພັນໃໝ່ ຫລື ໂຄວິດ-19 ພ້ອມດ້ວຍຄະນະເຂົ້າຮ່ວມເປັນສັກຂີພິຍານ.

ເຊິ່ງອຸປະກອນທີ່ນຳມາມອບໃນຄັ້ງນີ້ປະກອບມີ: ເຈວລ້າງມືມືຈຳນວນ 500 ຂວດ, ຜ້າອັດປາກຈຳນວນ 280 ກັບ, ເຫລົ້າ 70 ຈຳນວນ500 ຂວດ, ຖົງມື ຈຳນວນ 50 ກັບ, ໝວກອະນາໄມ 20,000 ຖົງ, ຄິດໄລ່ລວມເປັນມູນຄ່າທັງໝົດຈຳນວນ 120,000,000 ກີບ.


ຈາກນັ້ນ, ທ່ານ ຫົວໜ້າພະແນກສາທາລະນະສຸກແຂວງ ກໍໄດ້ກ່າວຄຳຂອບໃຈທີ່ທາງບໍລິສັດ ຊີບີເອຟ ຟາຣມາ ຈຳກັດໄດ້ໃຫ້ການຊ່ວຍເຫລືອ ໃນໄລຍະທີ່ປະສົບກັບຄວາມຫຍຸ້ງຍາກ, ທັງເປັນການປະກອບສ່ວນທີ່ສໍາຄັນໃຫ້ແກ່ພັກ-ລັດ ກໍຄືອຳນາດການປົກຄອງ ແລະ ພໍ່ແມ່ປະຊາຊົນຊາວແຂວງສາລະວັນ,ພ້ອມທັງຈະນຳເອົາວັດຖຸດັ່ງກ່າວ ເຂົ້າໃນວຽກງານປ້ອງກັນຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິ-19 ຢູ່ແຂວງສາລະວັນໃຫ້ເກີດປະໂຫຍດສູງສຸດ ພິທີດັງກ່າວຈັດຂຶ້ນໃນວັນທີ 11 ເມສາ 2020 ຜ່ານມານີ້

ທີ່ມາ: Media Laos