ຈະໃຊ້ສູນຝຶກອົບຮົມແມ່ຍິງລາວ ເປັນບ່ອນພັກຂອງແພດໝໍ ທີ່ເຮັດວຽກໃກ້ຊິດຜູ້ຕິດເຊື້ອໂຄວິດ

ຈະໃຊ້ສູນຝຶກອົບຮົມແມ່ຍິງລາວ ເປັນບ່ອນພັກຂອງແພດໝໍ ທີ່ເຮັດວຽກໃກ້ຊິດຜູ້ຕິດເຊື້ອໂຄວິດ

12th April 2020 0 By Admin

ອີງຕາມການລາຍງານຈາກ ທ່ານນາງ ອິນລາວັນ ແກ້ວບຸນພັນ ປະທານສູນກາງສະຫະພັນແມ່ຍິງລາວ ໃຫ້ຮູ້ວ່າ: ປັດຈຸບັນ, ລັດຖະບານ ກໍຄື ກະຊວງສາທາລະນະສຸກ ຂໍນໍາໃຊ້ສູນຝຶກອົບຮົມ ຂອງສູນກາງສະຫະພັນແມ່ຍິງລາວ (ບ້ານໂພນທັນ) ເປັນການຊົ່ວຄາວ ເພື່ອກັກກັນບັນດາແພດໝໍທີ່ສໍາເລັດໜ້າທີ່ການປິ່ນປົວຄົນເຈັບ ກ່ອນຈະກັບຄືນໄປຫາຄອບຄົວ ງວດທຳອິດ ຈຳນວນ 34 ທ່ານ.


ທ່ານນາງ ອິນລາວັນ ແກ້ວບຸນພັນ ຍັງໃຫ້ຮູ້ອີກວ່າ: ສູນຝຶກອົບຮົມດັ່ງກ່າວ, ເປັນອາຄານ 5 ຊັ້ນທີ່ໄດ້ມາດຖານດີສົມຄວນ ເພື່ອຮັບມືກັບການລະບາດຂອງພະຍາດ ໂຄວິດ-19 ແລະ ທາງສູນກໍມີຄວາມກຽມພ້ອມທີ່ຈະປັບປຸງສິ່ງອໍານວຍຄວາມສະດວກຕ່າງໆ ເພື່ອຮອງຮັບບັນດາແພດໝໍທີ່ຈະມາພັກ ແລະ ຖືກກັກກັນ ເປັນເວລາ 14 ວັນ.

ທີ່ມາ: ຂ່າວສານປະເທດລາວ