ອີກແລ້ວ! ຈີນ ພົບຜູ້ປ່ວຍຕິດເຊື້ອໂຄວິດ-19 ລາຍໃໝ່ໃນປະເທດ

ອີກແລ້ວ! ຈີນ ພົບຜູ້ປ່ວຍຕິດເຊື້ອໂຄວິດ-19 ລາຍໃໝ່ໃນປະເທດ

12th April 2020 0 By Admin

ສຳນັກຂ່າວຊິນຫົວລາຍງານ: ໜ່ວຍງານດ້ານສຸຂະພາບຂອງຈີນລະບຸໃນວັນທີ 12 ເມສາ 2020 ວ່າ ໄດ້ຮັບລາຍງານຜູ້ປ່ວຍໂຄວິດ-19 ຢືນຢັນຜົນລາຍໃໝ່ 99 ຄົນ ໃນຈີນແຜ່ນດິນໃຫຍ່ ເມື່ອວັນເສົາທີ່ຜ່ານມາ (11 ເມສາ) ໂດຍຈຳນວນນີ້ ເປັນຜູ້ປ່ວຍນໍາເຂົ້າຈາກຕ່າງແດນ 97 ຄົນ.

ຄະນະກຳມະການສຸຂະພາບແຫ່ງຊາດ ກ່າວໃນລາຍງານປະຈຳວັນວ່າ ມີລາຍງານຜູ້ຕິດເຊື້ອໃນປະເທດ ໃໝ່ 2 ຄົນ ໃນມົນທົນເຮຍຫຼົງຈຽງ. ໂດຍໃນວັນເສົາ ຈີນແຜ່ນດິນໃຫຍ່ ບໍ່ມີລາຍງານຜູ້ເສຍຊີວິດຈາກໂຄວິດ-19 ຂະນະທີ່ມີຜູ້ຕ້ອງສົງໄສວ່າຕິດເຊື້ອລາຍໃໝ່ 49 ຄົນ ເຊິ່ງລ້ວນແຕ່ຜູ້ທີ່ມາຈາກຕ່າງແດນ.

ຂະນະດຽວກັນ, ຄະນະກຳມະການຍັງລະບຸວ່າ ໃນວັນດຽວກັນຜູ້ມີປິ່ນປົວດີ ແລະ ໄດ້ຮັບການປ່ອຍຕົວຈາກໂຮງໝໍແລ້ວ 50 ຄົນ ແລະ ຍອດຜູ້ປອດໜັກຫຼຸດລົງ 2 ຄົນ ຍັງເຫຼືອ 139 ຄົນ.

ນອກຈາກນີ້, ຈົນເຖິງວັນເສົາທີ່ຜ່ານມາ ຈີນແຜ່ນດິນໃຫຍ່ ມີລາຍງານກໍລະນີຜູ້ປ່ວຍຈາກຄ່າງແດນທັງໝົດ 1.280 ຄົນ ໃນນີ້ 481 ຄົນ ປິ່ນປົວດີ ແລະ ອອກຈາກອອກໂຮງໝໍແລ້ວ ຂະນະທີ 799 ຄົນ ກຳລັງຢູ່ໃນລະຫວ່າງການປິ່ນປົວ ໂດຍ 36 ຄົນ ເປັນຜູ້ປ່ວຍທີ່ມີອາການຮຸນແຮງ.

ມາຮອດວັນເສົາ ຍອດສະສົມຂອງຜູ້ປ່ວຍໂຄວິດ-19 ຢືນຢັນຜົນໃນແຜ່ນດີຈີນໃຫຍ່ຢູ່ທີ່ 82.052 ຄົນ ໃນຈຳນວນນີ້ເປັນຜູ້ປ່ວຍຍັງຄົງຄ້າງຮັບການປິ່ນປົວຢູ່ 1.138 ຄົນ, ຖືກປ່ອຍຕົວອອກຈາກໂຮງໝໍຫຼັງປິ່ນປົວຫາຍດີ 77.575 ຄົນ ແລະ ເສຍຊີວິດ 3.339 ຄົນ.

ຄະນະກຳມະການກ່າວອີກວ່າ ຜູ້ທີ່ສຳຜັດໃກ້ຊິດ 9.722 ຄົນ ທີ່ຍັງຢູ່ພາຍໃຕ້ການການຕິດຕາມອາການ ແລະ ມີ 1.534 ຄົນ ຖືກປ່ອຍຕົວອອກຈາກການຕິດຕາມອາການ. ພ້ອມກັນນັ້ນ, ໃນວັນເສົາ ຈີນຍັງມີລາຍງານຜູ້ປ່ວຍບໍ່ມີອາການໃໝ່ 63 ຄົນ ເຊິ່ງ 12 ຄົນ ມາຈາກຕ່າງປະເທດ. ຂະນະທີ່ຜູ້ປ່ວຍບໍ່ມີອາການ ຍັງຢູ່ໃນລະຫວ່າງການຕິດຕາມມີ 1.86 ຄົນ ເຊິ່ງ 332 ຄົນ ເປັນກໍລະນີມາຈາກຕ່າງແດນ.

ມາຮອດປັດຈຸບັນ ເຂດພິເສດຮ່ອງກົງ ມີຜູ້ປ່ວຍຢືນຢັນແລ້ວ 1.000 ຄົນ ລວມທັງຜູ້ເສຍຊີວິດ 4 ຄົນ, ສ່ວນມາເກົ້໊໊າ ມີຜູ້ປ່ວຍຢືນຢັນ 45 ຄົນ, ສ່ວນໄຕ້ຫວັນຢູ່ທີ່ 358 ຄົຮ ລວມທັງຜູ້ເສຍຊີວິດ 6 ຄົນ, ຂະນະທີ່ ຮ່ອງກົງ ມີຜູ້ປ່ວນ 336 ຄົນ, 10 ຄົນໃນມາເກົ໊າ ແລະ 99 ຄນົໃນໄຕຫວັນ ໄດ້ຮັບການປ່ອຍຕົວອອກຈາກໂຮງໝໍ ຫຼັງປິ່ນປົວຫາຍດີ.