ແມ່ຄ້ານໍ້າໃຈງາມ ຈົກເຂົ້າສານແຈກຟຣີ ໃຫ້ປະຊາຊົນ ຢູ່ຕະຫຼາດຫົວຂົວ

ແມ່ຄ້ານໍ້າໃຈງາມ ຈົກເຂົ້າສານແຈກຟຣີ ໃຫ້ປະຊາຊົນ ຢູ່ຕະຫຼາດຫົວຂົວ

12th April 2020 0 By Admin

ນັບວ່າເປັນເລື່ອງລາວດີໆອີກເລື່ອງ ທີ່ເກີດຂຶ້ນໃນສັງຄົມລາວ ຂະນະທີ່ບ້ານເມືອງກຳລັງຂັດສົນຫຍຸ້ງຍາກ ແຕ່ດ້ວຍມູນເຊື້ອສາມັກຄີ ແລະ ເອື້ອເຟື້ອເພື່ອຂອງຄົນລາວ ກໍ່ຍັງປາກົດໃຫ້ເຫັນຫຼວງຫຼາຍໃນສັງຄົມຊ່ວຍເຫຼືອເຊິ່ງກັນ ແລະ ກັນ ດັ່ງເລື່ອງລາວຕໍ່ໄປນີ້ທີ່ເກີດຂຶ້ນຢູ່ບ້ານຫົວຂົວ ເມືອງ ໄຊເສດຖາ ນະຄອນຫຼວງວຽງຈັນ.

*

ວັນທີ 12 ເມສາ 2020 ມີຜູ້ໃຊ້ເຟສບຸກອອກຊື່  Ping Inthivixay  ໄດ້ໂພດຂໍ້ຄວາມລະບຸວ່າ ມື້ທີ 2 ຂອງການບໍລິຈາກເຂົ້າໃຫ້ສະເພາະຜູ້ທີ່ມີໃບພັກເຊົາ ເຖີງຊິບໍ່ມີຫຼາຍແຕ່ກະເຕັມໃຈໃຫ້. ມື້ນີ້ຕ້ອງຂໍໂທດນຳຜູ້ທີ່ເອົາສຳມະໂນມາເຮົາບໍ່ໄດ້ໃຫ້ ເພາະມື້ວານນີ້ໃຫ້ແລ້ວ.​ ມື້ນີ້ໃຫ້ແຕ່ຜູ້ທີ່ຢູ່ຫ້ອງແຖວ

*

ນີ້ກໍ່ເປັນອີກສ່ວນໜຶ່ງ ທີ່ສາມາດຊ່ວຍເຫຼືອສັງຄົມ ແລະ ເພື່ອນມະນຸດດ້ວຍ ເຊິ່ງບາງຄົນກໍບໍ່ມີວຽກເຮັດ, ບາງຄົນທຸກຍາກຂາດເຂີນ ລວມທັງຜູ້ຢຸດວຽກຊົ່ວຄາວ ຂໍໃຫ້ພວກເຮົາຜ່ານວິກິດນີ້ໄປດ້ວຍກັນ.

ຂໍໃຫ້ຊື້ໄດ້ຂາຍໝານ ລໍ້າລວຍໆ ແລະ ທີ່ສຳຄັນ ຂໍໃຫ້ຜູ້ທີ່ບໍ່ມີແທ້ໆໄດ້ຮັບການຊ່ວຍເຫຼືອໃນຄັ້ງນີ້ດ້ວຍ, ສຳລັບຜູ້ທີ່ມີແດ່ແລ້ວ ກໍ່ເປີດໂອກາດໃຫ້ຜູ້ອື່ນໆໄດ້ຮັບນໍາ ເພາະວ່າຍາມວິກິດແບບນີ້ ເຫັນໃຈຜູ້ໃຊ້ແຮງງານນຳກັນເດີ້!!!