ຄູ່ຮັກຕ່າງໄວຊາວກຳປູເຈຍ! ເຂົ້າປະຕູວິວາ ທ່າມກາງຄວາມຍິນດີຂອງຍາດທັງສອງຝ່າຍ

ຄູ່ຮັກຕ່າງໄວຊາວກຳປູເຈຍ! ເຂົ້າປະຕູວິວາ ທ່າມກາງຄວາມຍິນດີຂອງຍາດທັງສອງຝ່າຍ

15th November 2019 0 By Admin

ເລື່ອງຂອງຄວາມຮັກ ບໍ່ມີໃຜຫ້າມ ແລະ ບັງຄັບໃຈກັນໄດ້ ເພາະມັນເກີດຂຶ້ນຈາກຄົນສອງຮັກ ແລະ ເຂົ້າໃຈກັນຈົນກ້າວໄປເຖິງຂັ້ນຕອນການແຕ່ງງານ ດັ່ງເລື່ອງລາວຂອງຄູ່ຮັກປ້າຍແດງຊາວກຳປູເຈຍ ບອກເລີຍວ່າ ເລື່ອງອາຍຸບໍ່ສຳຄັນສຳລັບທັງຄູ່ແທ້!!! ຈາກເຟສບຸກທ່ານຫນື່ງ ມີການໂພສລົງເຟສບຸກຕົວເອງ ເຊີ່ງໄດ້ກາຍເປັນກະແສຮືຮາຢ່າງໄວ ເນື່ອງຈາກໃນໂພສວ່າດ້ວຍເລື່ອງຂອງຄູ່ບ່າວສາວຄູ່ຫນື່ງທີ່ຫາກໍ່ແຕ່ງງານກັນໄປ ເລື່ອງຄົງບໍ່ມີຫຍັງຫາກແຕ່ຊາວເນັດຮູ້ກັນໄປເຖິງອາຍຸຂອງທັງສອງ.

ຜູ້ໃຊ້ເຟສບຸກຊື່ Mãĸ Õřñ ໄດ້ໂພສຮູບຄູ່ບ່າວສາວໄວັໃສ່ໃນຊຸດແຕ່ງງານຕາມປະເພນີຂອງກຳປູເຈຍ ໂດຍເປີດເຜີຍມາວ່າຝ່າຢເຈົ້າສາວມີອາຍຸ 21 ປີ ສ່ວນເຈົ້າບ່າວເຂົາມີອາຍຸຢູ່ທີ່ 14 ປີເທົ່ານັ້ນ ຫ່າງກັນພຽງແຕ່ 7 ປີແຖມຝ່າຍເຈົ້າບ່າວຍັງບໍ່ບັນລຸນິຕິພາວະ ແຕ່ເຖິງຢ່າງນັ້ນເບີ່ງຄືວ່າຝ່າຍຍາດທັງສອງຈະບໍ່ໄດ້ຕິດຂັດຫຍັງຊ້ຳຍັງຍີນດີກັບງານແຕ່ງຂອງທັງສອງອີກນຳ.

ໃນໂພສດັງກ່າວ ເຊີ່ງມີຜູ້ກົດແຊຣໄປແລ້ວກວ່າ 1,400 ແຊຣ ໄດ້ມີຊາວເນັດເຂົ້າມາສະແດງຄວາມຄິດເຫັນກັນມາຫລາຍຝ່າຍຕ່າງສະແດງຄວາມຍີນດີກັບຄູ່ບ່າວສາວໄວໃສປ້າຍແດງ ພ້ອມກັບເວົ້າຄຳເວົ້າປອບໃຈ ແລະ ເບີ່ງໂລກໃນແງ່ດີວ່າ.

ແມ້ວ່າພວກເຂົາຈະເບີ່ງເດັກເກີນໄປທີ່ຈະແຕ່ງງານ ແຕ່ເຮົາຄວນເບີ່ງໄປທີ່ອານາຄົດຂອງພວກເຂົາດີກວ່າ ຖ້າທັງສອງຮັກກແລະອົດທົນເຊີ່ງກັນແລະກັນ ພວກເຂົາກໍ່ຈະເຕີບໃຫຍ່ໄປພ້ອມກັນໄດ້” ແຕ່ກໍ່ມີບໍ່ນ້ອຍເຊັ່ນກັນທີ່ເບີ່ງວ່າບໍ່ເຫມາະສົມ ເພາະຕາມກົດຫມາຍຂອງກຳປູເຈຍແລ້ວຈະອານຸຍາດໃຫ້ມີການແຕ່ງງານກັນ ຝ່າຍບ່າວສາວຈະຕ້ອງມີອາຍຸ 18 ປີບໍລິບູນ.

ເອົາເປັນວ່າສຳຫລັບພວກເຂົາແລ້ວ ຄົງເບີ່ງວ່າອາຍຸເປັນພຽງຕົວເລກ ແລະ ກໍ່ຂໍໃຫ້ທັງສອງຄອງຄູ່ກັນໄປດົນໆ ຊ່ວຍເຫລືອເຊີ່ງກັນແລະກັນ ທຳມາຫາກີນປະກອບອາຊີບສຸຈະລິດ