ມາຊ່ວຍອີກແຮງ! ລັດຖະມົນຕີ ກະຊວງປ້ອງກັນປະທດ ຕ້ອນຮັບຄະນະຊ່ຽວຊານແພດຈາກ ສສ ຫວຽດນາມ

ມາຊ່ວຍອີກແຮງ! ລັດຖະມົນຕີ ກະຊວງປ້ອງກັນປະທດ ຕ້ອນຮັບຄະນະຊ່ຽວຊານແພດຈາກ ສສ ຫວຽດນາມ

10th April 2020 0 By Admin

ໂດຍຕອບສະໜອງຕາມຄໍາສະເໜີ ຂອງລັດຖະບານ ກໍຄືກະຊວງປ້ອງກັນປະເທດ ແຫ່ງ ສປປ ລາວ. ສະຫາຍ ພົນຈັດຕະວາ ຫງວຽນ ຮຸງ ຖັງ, ຮອງຫົວໜ້າກົມໃຫຍ່ພະລາທິການກອງທັບປະຊາຊົນຫວຽດນາມ ພ້ອມດ້ວຍຄະນະຊ່ຽວຊານແພດ ໄດ້ເຂົ້າຢ້ຽມຂໍ່ານັບສະຫາຍ ພົນເອກ ຈັນສະໝອນ ຈັນຍາລາດ ລັດຖະມົນຕີ ກະຊວງປ້ອງກັນປະເທດ  ໃນໂອກາດມາຊ່ວຍເຫຼືອ, ເຄື່ອນໄຫວເຮັດວຽກເກັບກໍາຂໍ້ມູນ ແລະ ວາງແຜນເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດ ຂອງເຊື້ອພະຍາດໂຄວິດ 19 ຢູ່ ສປປ ລາວ ທີ່ສະໂມສອນ ຫ້ອງວ່າການກະຊວງປ້ອງກັນປະເທດ ໃນວັນທີ 10 ເມສາ 2020.


ເຊິ່ງສະຫາຍ ພົນເອກ ຈັນສະໝອນ ຈັນຍາລາດ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍ ຕໍ່ຄະນະຊ່ຽວຊານ ທີ່ໄດ້ເດີນທາງມາເຄື່ອນໄຫວເຮັດວຽກ ຊ່ວຍເຫຼືອສປປ ລາວ ໃນການປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດ ຂອງເຊື້ອພະຍາດໂຄວິດ 19, ແລະ ຕີລາຄາສູງ ຕໍ່ບົດຮຽນ, ປະສົບການ ແລະ ຄວາມພ້ອມ ທາງດ້ານການແພດຂອງ ສສ ຫວຽດນາມ ໃນການຮັບມືກັບການແຜ່ລະບາດ ຂອງເຊື້ອພະຍາດໂຄວິດ 19 ກໍຄືຄະນະຊ່ຽວຊານ ທີ່ເດີນທາງມາເຄື່ອນໄຫວເຮັດວຽກຢູ່ ສປປ ລາວ ໃນຄັ້ງນີ້, ເຊິ່ງເຊື່ອໝັ້ນວ່າ ຄະນະຊ່ຽວຊານ ຈະເກັບກຳຂໍ້ມູນ, ຖ່າຍທອດບົດຮຽນ ແລະ ປະສົບການ ໃຫ້ແກ່ພາກສ່ວນທີ່ກ່ຽວຂ້ອງ ຂອງ ສປປ ລາວ ເພື່ອນໍາໄປໝູນໃຊ້ເຂົ້າໃນການຈັດຕັ້ງປະຕິບັດວຽກງານຕົວຈິງ ໃຫ້ມີປະສິດທິພາບ, ປະສິດທິຜົນ ແລະ ສາມາດຮັບມືກັບການແຜ່ລະບາດ ຂອງເຊື້ອພະຍາດໂຄວິດ 19 ຢູ່ ສປປ ລາວ.

ການມາຢ້້ຽມຢາມ ສປປ ລາວໃນຄັ້ງນີ້ ນອກຈາກຈະເປັນການຊ່ວຍເຫຼືອໃນການຕ້ານພະຍາດໂຄວິດ -19 ແລ້ວ ຍັງເປັນການສະແດງເຖິງນໍ້າໃຈມິດຕະພາບອັນສູງສົ່ງ ຄວາມສະມັກຄີແບບພິເສດ ແລະ ຮອບດ້ານລະຫວ່າງ ສປປ ລາວ-ສສ ຫວຽດນາມເວົ້າລວມເວົ້າສະເພາະກໍ່ຄືກະຊວງປ້ອງກັນປະເທດ ລາວ-ຫວຽດນາມອີກດ້ວຍ.


ໂອກາດນີ້ ສະຫາຍ ພົ.ວ ຫງວຽນ ຮຸງ ຖັງ ໄດ້ກ່າວສະແດງຄວາມຂອບໃຈມາຍັງສະຫາຍ ພົນເອກ ຈັນສະໝອນ ຈັນຍາລາດ ທີ່ໄດ້ສະຫຼະເວລາໃຫ້ການຕ້ອນຮັບຢ່າງອົບອຸ່ນ ທີ່ເຕັມໄປດ້ວຍນໍ້າໃຈໄມຕີຈິດມິດຕະພາບ, ພ້ອມທັງລາຍງານຈຸດປະສົງໃນການມາເຄື່ອນໄຫວ ແລະ ເຮັດວຽກຢູ່ ສປປ ລາວໃນຄັ້ງນີ້ ໃຫ້ສະຫາຍລັດຖະມົນຕີໄດ້ຊາບ ແລະ ຂໍໃຫ້ ສປປ ລາວ ຈົ່ງຜ່ານພົ້ນວິກິດນີ້ໄປໂດຍໄວ.

ທີ່ມາ, Lao people’s Army News