ໂລ່ງໃຈ! 10 ເມສາ ບໍ່ພົບຜູ້ຕິດເຊື້ອກໍລະນີໃໝ່ ຍັງຄົງທີ່ 16 ກໍລະນີ

ໂລ່ງໃຈ! 10 ເມສາ ບໍ່ພົບຜູ້ຕິດເຊື້ອກໍລະນີໃໝ່ ຍັງຄົງທີ່ 16 ກໍລະນີ

10th April 2020 0 By Admin

ນັບວ່າເປັນຂ່າວດີ ສຳລັບ ສປປ ລາວ, ພາຍຫຼັງສາທາຢືນຢັນ ມື້ນີ້ (10 ເມສາ 2020) ບໍ່ພົບຜູ້ຕິດເຊື້ອລາຍໃໝ່ ຍັງຄົງເຮັດໃຫ້ຜູ້ຕິດເຊື້ອໂຄວິດ-19 ຢູ່ທີ່ 16 ກໍລະນີ.

ທີ່ສູນປະຕິບັດງານ ຄະນະສະເພະກິດ ຕ້ານໂຄວິດ-19 ໄດ້ມີການຖະແຫຼ່ງຂ່າວ ໃຫ້ຮູ້ວ່າ ບໍ່ມີການເພີ່ມຂຶ້ນ ຂອງຜູ້ຕິດເຊື້ອ ໂຄວິດ-19 ລາຍໃຫມ່ ໃນ ສປປ ລາວ ໂດຍ ຍອດລວມສະສົມ ຕົວເລກ ຜູ້ຕິດເຊື້ອ ໂຄວິດ-19 ຢູ່ ສປປ ລາວ ຍັງຢູ່ທີ່ ໂຕເລກ 16 ກໍລະນີ ຄືເກົ່າ ແລະ ເປັນຕົວເລກ ຜູ້ຕິດເຊື້ອ ທີ່ຕໍ່າທີ່ສຸດ ໃນບັນດາປະເທດອາຊຽນ.


ເຖິງຢ່າງໃດກໍ່ຕາມເຊື້ອໄວຣັສດັ່ງກ່າວ ຍັງມີການແຜ່ລະບາດເພີ່ມຂຶ້ນໃນທົ່ວໂລກ. ມີເສຍຊີວິດແລ້ວທັງໝົດ 95,000 ຄົນ. ສະນັ້ນ, ຮຽກຮ້ອງໃຫ້ປະຊາຊົນລາວບັນດາເຜົ່າ ໃນຂອບເຂດທົ່ວປະເທດ ເພີ່ມທະວີເອົາໃຈໃສ່ຮັກສາຕົນເອງ ໂດຍປະຕິບັດມາດຕະການປ້ອງກັນຂອງລັດຖະບານວາງອອກຢ່າງເຄັ່ງຂັດ ໂດຍການກັກຕົວເອງຢູ່ບ້ານ, ບໍ່ອອກໄປໃສ ຍົກເວັ້ນກໍລະນີທີ່ຈໍາເປັນ ເຊັ່ນ: ໄປຊື້ເຄື່ອງອຸປະໂພກ-ບໍລິໂພກ, ໄປໂຮງໝໍ ແລະ ໄປປະຕິບັດໜ້າທີ່ຕາມການມອບໝາຍຂອງການຈັດຕັ້ງ ແນໃສ່ຕ້ານ ແລະ ຄອບຄຸມ ເຊື້ອໄວຣັສນີ້ບໍ່ໃຫ້ເພີ່ມຂຶ້ນ.

ທີ່ມາ: Lao Youth Radio FM 90.0 Mhz