ຊົມເຊີຍ!!​ 3 ບໍລິສັດ ມອບອຸປະກອນການແພດຊ່ວຍເຫຼືອ ກົມເສນາຮັກ ກົມໃຫຍ່ພະລາທິການກອງທັບ

ຊົມເຊີຍ!!​ 3 ບໍລິສັດ ມອບອຸປະກອນການແພດຊ່ວຍເຫຼືອ ກົມເສນາຮັກ ກົມໃຫຍ່ພະລາທິການກອງທັບ

10th April 2020 0 By Admin

ທ່າມກາງ ການລະບາດຂອງພະຍາດໂຄວິດ-19 ເຮັດໃຫ້ຫຼາຍພາກສ່ວນຕ່າງກໍ່ໄດ້ອອກມາຊ່ວຍເຫຼືອ ໃນການຕ້ານການແພ່ລະບາດຂອງພະຍາດບໍ່ໃຫ້ລາມເປັນວົງກວ້າງ ເຊິ່ງໃນວັນທີ 8 ເມສາ 2020 ຜ່ານມາ ບໍລິສັດ ວຽງທອງ ການຢາຂາອອກ-ຂາເຂົ້າຈໍາກັດ, ບໍລິສັດໃສສະອາດ ການຢາ ຈໍາກັດ ແລະ ບໍລິສັດ ດີແອັນເຄ ການຢາ ໄດ້ ນໍາເອົາເຄື່ອງອຸປະກອນຮັບໃຊ້ທາງການເເພດຈໍານວນໜື່ງ ເຊີ່ງລວມມູນຄ່າທັງໝົດ: 232.000.000 ກີບ ( ສອງຮ້ອຍສາມສິບສອງລ້ານກີບ) ມອບໃຫ້ແກ່ ກົມເສນາຮັກກົມໃຫຍ່ພະລາທິການກອງທັບ ເພື່ອປະກອບສ່ວນນໍາໃຊ້ເຂົ້າໃນການປະຕິບັດວຽກງານປ້ອງກັນການແຜ່ລະບາດຂອງເຊື້ອພະຍາດຈຸລະໂລກສາຍພັນໃໝ່ໂຄວິດ-19.

ຕາງໜ້າໃຫ້ທັງ 3 ບໍລິສັດ ກ່າວມອບໂດຍ: ທ່ານ ສີຫາມະໂນ ບັນນະວົງ ຜູ້ບໍລິຫານງານສູງສຸດ ( CEO ) ແລະ ເປັນກຽດຕາງໜ້າໃຫ້ກົມເສນາຮັກກ່າວຮັບໂດຍ: ທ່ານ ພັນເອກ ດຣ ນາງ ວັນເພັງ ພວງສາວະດີ ຮອງຫົວໜ້າກົມເສນາຮັກກົມໃຫຍ່ພະລາທິການກອງທັບ ໂດຍມີພະນັກງານ,ວິຊາການທີ່ກ່ຽວຂ້ອງທັງສອງຟ່າຍເຂົ້າຮ່ວມ.


ໂອກາດນີ້, ທ່ານ ພັນເອກ ດຣ ນາງ ວັນເພັງ ພວງສາວະດີ ຮອງຫົວໜ້າກົມເສນາຮັກກົມໃຫຍ່ພະລາທິການກອງທັບໄດ້ຕາງໜ້າໃຫ້ຄະນະກົມເສນາຮັກກ່າວຄໍາສະເເດງ ຂອບໃຈມາຍັງ 3 ບໍລິສັດທີ່ໄດ້ມີນໍ້າໃຈ ສະໜັບສະໜຸນຊ່ວຍເຫຼືອ ເຊີ່ງກັນ ແລະ ກັນຕະຫຼອດມາ,ເຫັນໄດ້ຄວາມໝາຍຄວາມສໍາຄັນຂອງວຽກງານເສນາຮັກກັນພະຍາດ ແລະ ຂໍໃຫ້ຄໍາໝັ້ນສັນຍາວ່າ,ຈະນໍາເອົາເຄື່ອງອຸປະກອນຮັບໃຊ້ທາງການແພດຈໍານວນດັ່ງກ່າວນີ້ ໄປປະກອບສ່ວນນໍາໃຊ້ເຂົ້າໃນວຽກງານໜ້າທີ່ວຽກງານວິຊາສະເພາະ ຢ່າງເລິກເຊີ່ງເຖີງຖອງ ແລະ ມອບໃຫ້ໜ່ວຍງານວິຊາສະເພາະທາງດ້ານອຸປະກອນການແພດຂອງກອງທັບພວກເຮົາຢູ່ແຕ່ລະຮາກຖານໃຫ້ທົ່ວເຖິງ.

ທີ່ມາ: Lao people’s Army News
.