ມາເບິ່ງປະຫວັດ! ກໍລະນີຜູ້ຕິດເຊື້ອໂຄວິດ-19 ຄົນທີ 15 ແລະ 16 ຂອງລາວ

ມາເບິ່ງປະຫວັດ! ກໍລະນີຜູ້ຕິດເຊື້ອໂຄວິດ-19 ຄົນທີ 15 ແລະ 16 ຂອງລາວ

9th April 2020 0 By Admin

ມາຮອດປັດຈຸບັນ ສປປ ລາວ ມີຍອດຜູ້ຕິດເຊື້ອຈາກໂຄວິດ-19 ທັງໝົດ 16 ກໍລະນີ (9 ເມສາ 2020) ເຊິ່ງໃນມທື້ນີ້, ແອັດມິນ ຈະມາທ່ານມາຜູ້ຈັກປະຫວັດການເດີນທາງຂອງຜູ້ກ່ຽວ ລວມທັງຜູ້ທີ່ໄດ້ໃກ້ຊິດສຳຜັດ ເຊິ່ງຈະມີແນວໃດໄປເບິ່ງເລີຍ!!!

ຜູ້ຕິດເຊື້ອຄົນທີ 15 ຂອງລາວ ເປັນເພດຍິງ, ອາຍຸ 20 ເປັນນັກສຶກສາລາວມາຕາກປະເທດອັງກິດ, ບ້ານຈອມມະນີ, ເມືອງໄຊເສດຖາ, ນະຄອນຫລວງວຽງຈັນ.

ປະຫວັດການເດີນທາງ: ວັນທີ 22 ມີນາ ເດີນທາງຈາກສະໜາມບິນ London Heathrow ດ້ວຍຖ້ຽວບິນ TG 917 ມາຮອດ ສະໜາມບິນສຸວັນນະພູມ ປະເທດໄທ ແລະ ເບີຕັ່ງເລກທີ 68C.

ວັນທີ 23 ມີນາ ເດີນທາງຈາກສະໜາມບິນສຸວັນນະພູມປະເທດໄທ ມາ ສະໜາມບິນວັດໄຕ ດ້ວຍຖ້ຽວບິນ TG 574, ເລກຕັ່ງນັ່ງ 49A; ຜູ້ກ່ຽວໄດ້ນັ່ງມາຖ້ຽວບິນດຽວກັນກັບກໍລະນີຢັ້ງຢືນການຕິດເຊື້ອໂຄວິດ-19 ຄົນທີ່ຢັ້ງຢືນ 11 ສັນຊາດ Papua New Guinea ແລະ ກໍລະນີຢັ້ງຢືນ 12.

ມາຮອດສະໜາມບິນສະໜາມບິນວັດໄຕ, ນ້າສາວຂອງກໍລະນີຢັ້ງຢືນ 12 ໄດ້ມາຮັບຢູ່ສະໜາມບິນວັດໄຕ ແລ້ວເດີນທາງໄປສວນ ເພື່ອຈຳກັດບໍລິເວນຕົນເອງ.

ວັນທີ 24 ມີນາ ຫາ 4 ເມສາ 2020 ໄດ້ຈໍາກັດ ບໍລິເວນ ຢູ່ເຮືອນສວນ ກັບ ກໍລະນີຢັ້ງຢືນ 12.​

ວັນທີ 5 ເມສາ ຜູ້ກ່ຽວເລີ່ມມີອາການເຈັບຄໍ ແລະ ຫາຍໃຈຍາກ, ຜູ້ກ່ຽວໄປກວດຢູ່ໂຮງໝໍມິດຕະພາບ ແລະ ໄດ້ເກັບຕົວຢ່າງ, ຜົນກວດແມ່ນບໍ່ພົບໂຄວິດ-19 ກໍ່ໄດ້ກັບຄືນໄປຢູ່ບ້ານສວນ ກັບນ້າສາວຂອງກໍລະນີທີ 12.

ວັນທີ 6 ເມສາ ຍັງມີອາການເຈັບແໜ້ນໜ້າເອິກ ແລະ ຫາຍໃຈຍາກ, ໄດ້ແທກອຸ່ນຫະພູມ 37 ອົງສາເຊ.

ວັນທີ 7 ເມສາ ໄດ້ມາກວດຄືນ ພົບເຊື້ອໂຄວິດ-19 ຮັບເຂົ້ານອນຕິດຕາມອາການຢູ່ໂຮງໝໍມິດຕະພາບ.

ສຳລັບຄົນຫຼ້າສຸດ ທີ່ໄດ້ຮັບການຢັ້ງຢືນຈາກກະຊວງສາທາລະນະສຸກ ໃນຕອນບ່າຍວັນທີ 9 ເມສາ 2020 ເປັນເພດຍິງ, ອາຍຸ 23 ປີ, ນັກສຶກສາຢູ່ວິທະຍາໄລລັດຕະນະ, ບ້ານໜອງດ້ວງ, ເມືອງສີໂຄດຕະບອງ,ນະຄອນຫຼວງວຽງຈັນ ໂດຍຕິດເຊື້ອຈາກພະນັກງານ DHL ກໍລະນີທີ 10.

ປະຫວັດການສໍາພັດກັບພະຍາດ: ວັນທີ 26 ມີນາ ແມ່ນໄດ້ມີການຊຸມແຊວກັບ ກໍລະນິທີ  10 (ທີ່ເປັນນັກສືກສາ ແລະ ເປັນຫມູ່ກັບກໍລະນີທີ 7 ພະນັກງານ DHL).

ວັນທີ 27 ມີນາ ໄດ້ຮູ້ຂ່າວວ່າ ກໍລະນີທີ 10 (ນັກສຶກສາ) ຕິດພະຍາດ ລາວຈິ່ງຈໍາກັດບໍລິເວນໂຕເອງຢູ່ຫ້ອງພັກ, ບໍ່ໄດ້ອອກໄປ ທາງໃດ ຈົນຮອດວັນທີ 6 ເມສາ.

ວັນທີ 7 ເມສາ ເລີ່ມຮູ້ສຶກເຈັບຫົວ, ຖືຄີງໄຂ້, ລີ້ນຊາ, ດັ່ງບໍ່ໄດ້ກິ່ນ, ມີຂີ້ກະເທີ ແລະ ຫາຍໃຈຝືດ ແຕ່ຍັງບໍ່ກວດ

ວັນທີ 8 ເມສາ, ອາການລີ້ນຊາຫຼາຍຂຶ້ນ, ດັງບໍ່ມີກິ່ນ, ຫາຍໃຈແສບດັງ, ໄຂ້ ແລະ ມີອາການຫາຍໃຈຝືດ, ຜູ້ກ່ຽວໂທປຶກສາແພດ, ລົດນໍາສົ່ງຄົນເຈັບໄດ້ຮັບໄປໂຮງຫມໍ ມິດຕະພາບ ພ້ອມເກັບຕົວຢ່າງ ແລະ ກວດພົບວ່າ ຕິດເຊື້ອ.