ໜັກໜ່ວງ! ພຽງ 2 ວັນພົບຜູ້ເສຍຊີວິດເກືອບ 2.000 ຄົນ ໃນສະຫະລັດອາເມລິກາ

ໜັກໜ່ວງ! ພຽງ 2 ວັນພົບຜູ້ເສຍຊີວິດເກືອບ 2.000 ຄົນ ໃນສະຫະລັດອາເມລິກາ

9th April 2020 0 By Admin

ປັດຈຸບັນສະຖານະການ ການແພ່ລະບາດຂອງເຊື້ອພະຍາດໂຄວິດ-19 ນັບມື້ເພີ່ມທະວີ ແລະ ຂະຫຍາຍເປັນວົງກວ້າງ ສົ່ງຜົນຕໍ່ການດຳລົງຊີວິດຂອງປະຊາຊົນໃນຫຼາຍປະເທດທົ່ວໂລກ, ເຊິ່ງໜຶ່ງໃນນັ້ນ ສະຫະລັດອາເມລິກາ ເປັນອີກປະເທດໜຶ່ງທີ່ກຳລັງຜະເຊີນກັບພະຍາດຊະນິດນີ້ຄຸມຄາມ ໂດຍຍອດຜູ້ຕິດເຊື້ອມາຮອດປັດຈຸບັນທະລຸ 431.838 ຄົນ ຕິດອັນດັບໜຶ່ງຂອງໂລກ.

ອີງຕາມການລາຍງານຂ່າວຂອງຊິນຫົວ  9 ເມສາ (ຊິນຫົວ) ໂດຍອ້າງສະຖິຕິຂອງມະຫາວິທະຍາໄລຈອນ ຮອບປະກິນ ລະບຸວ່າ ສະຫະລັດອາເມລິກາ ມີຜູ້ເສຍຊີວິດຈາກໂວຣັສໂຄວິດ19 ເກືອບ 2.000 ຄົນ ພາຍໃນເວລາ 2 ວັນຕິດຕໍ່ກັນ.


ເຊິ່ງສະຖິຕິຂອງມະຫາວິທະຍາໄລອັບເດດເມື່ອເວລາ 8:22 ໂມງຂອງວັນທີ 9 ເມສາ ໂດຍສະແດງໃຫ້ເຫັນວ່າ ຈຳນວນຜູ້ເສຍຊີວິດທັງໝົດຈາກໂຣກດັ່ງກ່າວພຸ່ງສູງເຖິງ 14.768 ຄົນ ແລະ ໃນຂະນະນີ້ ມີຜູ້ຮັບການຢືນຢັນວ່າຕິດເຊື້ອທັງໝົດ 431.838 ຄົນໃນປະເທດ.