ພິທີໄຫວ້ພະຮັບສິນແລະຕ້ອນຮັບຄະນະຜູ້ແທນຂັ້ນສູງ ໂຄງການທໍາມະຍາດຕຣາ 5ແຜ່ນດິນ ຄັ້ງທີ 2 ບັນດາປະເທດລຸ່ມແມ່ນໍ້າຂອງ

ພິທີໄຫວ້ພະຮັບສິນແລະຕ້ອນຮັບຄະນະຜູ້ແທນຂັ້ນສູງ ໂຄງການທໍາມະຍາດຕຣາ 5ແຜ່ນດິນ ຄັ້ງທີ 2 ບັນດາປະເທດລຸ່ມແມ່ນໍ້າຂອງ

26th October 2019 0 By Lao Admin

ພິທີໄຫວ້ພະຮັບສິນແລະຕ້ອນຮັບຄະນະຜູ້ແທນຂັ້ນສູງ ໂຄງການທໍາມະຍາດຕຣາ 5ແຜ່ນດິນ ຄັ້ງທີ 2 ບັນດາປະເທດລຸ່ມແມ່ນໍ້າຂອງ ຈັດຂຶ້ນຢ່າງຍິ່ງໃຫ່ຍ ໃນຕອນເຊົ້າວັນທີ 26 ຕຸລາ 2019 ຢູ່ເດີ່ນຫໍທໍາມະສະພາແຫ່ງຊາດ ນະຄອນຫລວງວຽງຈັນ ພາຍໃຕ້ການເປັນປະທານຝ່າຍສົງຂອງພະອາຈານໃຫ່ຍ ມະຫາງອນ ດໍາລົງບຸນ ປະທານອົງການພຸດທະສາສະໜາສໍາພັນລາວ, ທ່ານໄຊສົມພອນ ພົມວິຫານ ປະທານສູນກາງແນວລາວສ້າງຊາດ ປະທານຝ່າຍຄາລະວາດ,

 

ມີການນໍານະຄອນຫລວງວຽງຈັນ, ພະເຖລານຸເຖລະ ຈາກ 5ປະເທດລຸ່ມແມ່ນໍ້າຂອງຄື : ລາວ, ຫວຽດນາມ, ມຽນມ້າ, ກໍາປູເຈຍແລະໄທ ຫລາຍກວ່າ 300ອົງ ພ້ອມດ້ວຍຊາວພຸດທັງພາຍໃນແລະຕ່າງປະເທດເຂົ້າຮ່ວມຈໍານວນຫລວງຫລາຍ.


ພິທີໄຫວ້ພະຮັບສິນແລະຕ້ອນຮັບຄະນະຜູ້ແທນຂັ້ນສູງ ໂຄງການທໍາມະຍາດຕຣາ 5ແຜ່ນດິນ ບັນດາປະເທດລຸ່ມແມ່ນໍ້າຂອງຄັ້ງນີ້ ປະກອບມີຫລາຍກິດຈະກໍາທາງສາສະໜາທີ່ສໍາຄັນ ເປັນຕົ້ນ ການໃສ່ບາດ ຖວາຍສັງຄະທານແດ່ພະສົງ ຈໍານວນຫລາຍກວ່າ 300ອົງ ຈາກພາຍໃນແລະຕ່າງປະເທດ, ພິທີປູກຕົ້ນສີມະຫາໂພ ເຊິ່ງເປັນຕົ້ນໄມ້ສໍາຄັນທາງພຸດທະສາສະໜາ ທີ່ນໍາມາແຕ່ປະເທດອິນເດຍ, ການທ່ຽວຊົມສະຖານທີ່ທ່ອງທ່ຽວທາງປະຫວັດສາດສໍາຄັນພາຍໃນນະຄອນຫລວງວຽງຈັນ ແລະການສະແດງທໍາມະເທສະໜາຈະເລີນວິປັດສະນາກໍາມະຖານ ເຊິ່ງຈັດຂຶ້ນໃນຕອນແລງວັນທີ 26 ຕຸລາ 2019 ຢູ່ວັດອົງຕື້ມະຫາວິຫານ.

ກ່ອນໜ້າທີ່ຄະນະຜູ້ແທນຂັ້ນສູງໂຄງການທໍາມະຍາດຕຣາ 5ແຜ່ນດິນ ຄັ້ງທີ 2 ບັນດາປະເທດລຸ່ມແມ່ນໍ້າຂອງຈະເດີນທາງມາຈັດກິດຈະກໍາຢູ່ນະຄອນຫລວງວຽງຈັນ ໄດ້ເຄື່ອນໄຫວເຮັດກິດຈະກໍາສໍາຄັນທາງພຸດທະສາສະໜາຢູ່ແຂວງອຸດົມໄຊ ແລະແຂວງຫລວງພະບາງ ໂດຍໄດ້ຮັບການຕ້ອນຮັບຈາກການນໍາແລະປະຊາຊົນຊາວແຂວງອຸດົມໄຊ ແລະແຂວງຫລວງພະບາງຢ່າງອົບອຸ່ນ.

ທີ່ມາ: Lao National Radio