ອູຮ່ານເປີດເມືອງວັນທຳອິດ, ຍອດຜູ້ໃຊ້ລົດຂົນສົ່ງສາທາລະນະທະລຸ 6,2 ແສນຄົນ

ອູຮ່ານເປີດເມືອງວັນທຳອິດ, ຍອດຜູ້ໃຊ້ລົດຂົນສົ່ງສາທາລະນະທະລຸ 6,2 ແສນຄົນ

9th April 2020 0 By Admin

ອີງຕາມການລາຍງານຂອງຂ່າວຊິນຫົວ (ວັນທີ 8 ເມສາ) ເມືອງອູຮ່ານ ແຂວງ ຫູເປີ່ຍ ທາງພາກກາງຂອງ ສປ ຈີນ ໄດ້ເປີດເມືອງເປັນວັນທຳອິດ ມີຈຳນວນຜູ້ໂດຍສານທີ່ໃຊ້ບໍລິການຂົນສົ່ງທາງສາທາລະນະ ທະລຸ 620.000 ຄົນໃນວັນພຸດ (8 ເມສາ) ຫຼັງປິດເມືອງເປັນເວລາກວ່າ 76 ວັນ ຈາກການຄວບຄຸມການແພ່ລະບາດຂອງໄວຣັສໂຄວິດ-19.


ສຳນັກການຂົນສົ່ງຂອງເມືອງອູຮ່ານ ລະບຸວ່າ: ໂດຍສານປະຈຳທາງ ແລະ ເຮືອໂດຍສານ 346 ສາຍ, ລົດໄຟໃຕ້ດິນ 7 ສາຍ ແລະ ລົດແທັກຊີ້ ກັບມາໃຫ້ບໍລິການຕາມປົກກະຕິໃນ ວັນພຸດ ທີ 8 ເມສາ ຕາມຄວາມຕ້ອງການການໃຊ້ບໍລິການຂົນສົ່ງສາທາລະນະ ທີ່ພຸ່ງຂຶ້ນສູງຫຼັງອູຮ່ານ ຍົກເລີກຂໍ້ບັງຄັບຫ້າມເດີນທາງອອກພື້ນທີ່.


ນັບແຕ່ທ່ຽງຄືນ ຈົນເຖິງ 17:00 ໂມງ ຂອງວັນພຸດ ທີ 8 ເມສາ ມິຜູ້ໂດຍສານໃຊ້ບໍລິການ ສົນຂົ່ງສາທາລະນະຂອງເມືອງຫຼາຍກວ່າ 624.300 ຄົນ ເຊິ່ງແບ່ງອອກເປັນຜູ້ໂດຍສານທີ່ໃຊ້ບໍລິການປະຈຳທາງ 184.000 ຄົນ, ລົດໄຟໃຕ້ດິນ 336.300 ຄົນ ແລະ ລົດແທັກຊີ້ 104.000 ຄົນ.


ຂະນະດຽວກັນ ຈຳນວນຜູ້ໂດຍສານທີ່ເດີນທາງເຂົ້າ ແລະ ອອກອູຮ່ານ ລ້ວນແລ້ວແຕ່ເພີ່ມຂຶ້ນ ໂດຍມີຜູ້ເດີນທາງອອກຈາກເມືອງທາງລົດໄຟ, ເຄື່ອງບິນ ແລະ ລົດເມແລ້ວ 52.000 ຄົນ ແລະ ຜູ້ເດີນທາງເຂົ້າເມືອງ 31.000 ຄົນ.