ສາວໂພສເຕືອນ! ອັນຕະລາຍ ຢ່າໃຊ້ປຸມເປົ້າບັນຈຸແກ໊ສ ຈັດງານວັນເກີດ ຫຼື ງານສັງສັນອື່ນໆ

ສາວໂພສເຕືອນ! ອັນຕະລາຍ ຢ່າໃຊ້ປຸມເປົ້າບັນຈຸແກ໊ສ ຈັດງານວັນເກີດ ຫຼື ງານສັງສັນອື່ນໆ

15th November 2019 0 By Admin

ໃນວັນທີ 15 ພະຈິກ 2019 ມີຜູ້ໃຊ້ເຟສບຸກທ່ານໜຶ່ງ ໃສ່ຊື່ວ່າ: Lee Lock ໄດ້ໂພສຂໍ້ຄວາມລົງເຟສບຸກ ສ່ວນຕົວເຕືອນໄພ ໂດຍມີຂໍ້ຄວາມລະບຸໄວ້ວ່າ: “ບໍ່ເກີດນຳໂຕເອງບໍ່ຮູ້ເດີ້ພວກເຈົ້າ ເຕືອນໄພເດີ້ໝູ່ຄູ່ ໝາກປຸงເປົ້າແຕກໃສ່ຖ້າໃຜຊິເຮັດວັນເກີດ ຫຼື ງານຫຍັງກະຕາມຢ່າໄດ້ສັ່ງເດີ້ປຸงເປົ້າມີແກັດນະ ອັນຕະຫຼາຍສຸດ”

ປຸມເປົ້າ ຄືວັດສະດຸທີ່ປະກອບມີຫຼາຍຮູບຮ່າງ ແລະ ຂະໜາດທີ່ສາມາດຢືດໄດ້ ແລະ ເຮັດໃຫ້້ເກີດການພອງຂຶ້ນ ໂດຍການບັນຈຸແກ໊ສເຊັ່ນ: ຮີລຽມ, ໄຮໂດຮເຈນໄນຕຮັສອອກໄຊ ອອກຊີເຈນ ຫຼື ອາກາດໄວ້ພາຍໃນ. ເຊິ່ງປຸມເປົ້າສະໄໝໄໝ່ນີ້ແມ່ນເຮັດມາຈາກຢາງ, ນໍ້າຢາງ ພໍລິຄໍໂຣພລີນ ຫຼື ແພໄນລອນ ເຊິ່ງມີຫຼາຍສີ.


ເຊິ່ງສ່ວນໃຫຍ່ປຸມເປົ້າທີ່ພົບໃນປັດຈຸບັນ ພົບມີການບັນຈຸແກ໊ສ 2 ຊະນິດຄື: ໄຮໂດຣເຈນ ແລະ ຮີລຽມ ເຊິ່ງຄວາມແຕກຕ່າງຂອງແກ໊ສ 2 ຊະນິດນີ້ກໍ່ຄື: ແກ໊ສໄຮໂດຣເຈນ ມີຄວາມໄວໄຟສູງ. ສ່ວນແກ໊ສຮີລຽມເປັນແກ໊ສ ທຳມະດາ ບໍ່ສາມາດຕິດໄຟ. ດັ່ງນັ້ນ, ຫາກຈະໃຊ້ປຸມເປົ້າໃນສະຖານທີ່ ທີ່ມີແສງໄຟຫຼາຍເຊັ່ນ, ການຕົກແຕ່ງງານລ້ຽງ,ງານສະຫຼອງຕ່າງໆ ກໍ່ຄວນເລືອກໃຊ້ປຸມເປົ້າທີ່ບັນຈຸແກ໊ສຮີລຽມ ຫຼື ທີ່ເອິ້ນກັນທົ່ວໄປວ່າ ປຸມເປົ້າຮີລຽມ. ເພາະຖ້າປຸມເປົ້າທີ່ບັນຈຸແກ໊ສ ໄຮໂດຮເຈນ ຢູ່ໃກ້ໄຟ ຫຼື ຄວາມຮ້ອນ ກໍ່ຈະເກີດໄຟ ຫຼື ສາມາດລະເບີດໄດ້ ໃນກໍລະນີມີປຸມເປົ້າຈຳນວນຫຼາຍໄດ້ ແລະ ອາດເປັນອັນຕະລາຍເຖິງຊີວິດ.

ຈາກ: Lee Lock;  wikipedia.org