ເພີ່ມອີກແລ້ວເດີ້! 8 ເມສາ ພົບອີກ 1 ກໍລະນີຜູ້ຕິດເຊື້ອ ລວມທັງໝົດ 15 ກໍລະນີຜູ້ຕິດເຊື້ອໃນລາວ

ເພີ່ມອີກແລ້ວເດີ້! 8 ເມສາ ພົບອີກ 1 ກໍລະນີຜູ້ຕິດເຊື້ອ ລວມທັງໝົດ 15 ກໍລະນີຜູ້ຕິດເຊື້ອໃນລາວ

8th April 2020 0 By Admin

ທ່ານ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ຢືນຢັນ ໃນພິທີຖະແຫລງຂ່າວ ໃນວັນທີ 8 ເມສາ 2020 ນີ້ວ່າ: ມາຮອດວັນທີ 8 ເມສາ ນີ້, ສປປ ລາວ ກວດພົບຜູ້ຕິດເຊື້ອໄວຣັດໂຄວິດ-19 ເພີ່ມອີກ 1 ກໍລະນີ, ຈາກຜົນກວດວິເຄາະຫາເຊື້ອທັງໝົດ 36 ກໍລະນີ, ເປັນເພດຍິງ, ອາຍຸ 20 ປີ,  ດໍາລົງຊີວິດ ຢູ່ບ້ານຈອມມະນີ, ເມືອງຈັໄຊເສດຖາ, ​ນະຄອນຫຼວງວຽງຈັນ ຊຶ່ງກໍາລັງສຶກສາຕໍ່ ທີ່ປະເທດ ອັງກິດ ແລະ ເດີນທາງກັບມາລາວ ໃນໄລຍະການລະບາດ ຂອງເຊື້ອ ໂຄວິດ-19 ແລະ ກາຍເປັນຜູ້ຕິດເຊື້ອໂຄວິດ-19 ລາຍທີ 15


ຢ່າງໃດກໍ່ຕາມ ເພື່ອສະກັດກັ້ນ ການແຜ່ລະບາດຂອງເຊື້ອໄວຣັດນີ້ ບໍ່ໃຫ້ເພີ່ມຂຶ້ນອີກ ໃນລາວ ຮຽກຮ້ອງໃຫ້ປະຊົນລາວ ບັນດາເຜົ່າ ໃນຂອບເຂດທົ່ວປະເທດ ເອົາໃຈໃສ່ປະຕິບັດ ຄຳສັງ ເລກທີ 06/ນຍ ຂອງລັດຖະບານວາງອອກ ຢ່າງເຄັ່ງຄັດເປັນຕົ້ນ ໃຫ້ຢຸດເຄື່ອນໄຫວ, ຢຸດອອກບ້ານ, ຢຸດຊຸມແຊວ, ຢຸດໄປມາຫາສູ່ເຊິ່ງກັນ ແລະ ກັນ ຈົນກວ່າສະຖານະການຈະດີຂຶ້ນ ເພື່ອຄອບຄົວ, ເພື່ອສັງຄົມ ແລະ ເພື່ອປະເທດຊາດ ຕ້ານໂຄວິດ-19 ໃຫ້ກັບຄືນສູ່ສະພາບປົກກະຕິໂດຍໄວ.


ຂະນະທີ່ປັດຈຸບັນ ສະຖານະການແຜ່ລະບາດ ຂອງເຊື້ອໂຄວິດ-19 ໄດ້ແຜ່ລາມໄປ ໃນ 208 ປະເທດ ແລະ ເຂດແຄວ້ນ. ຍອດຜູ້ຕິດເຊື້ອສະສົມ ໃນທົ່ວໂລກ ແມ່ນກໍາລັງເພີ່ມສູງຂຶ້ນຢ່າງຕໍ່ເນື່ອງ. ຮຽກຮ້ອງໃຫ້ປະຊາຊົນລາວບັນດາເຜົ່າ ຈົ່ງເພີ່ມທະວີ ເອົາໃຈໃສ່ ຮັກສາບົວລະບັດຕົນເອງ ແລະ ປະຕິບັດຕາມມາດຕະຖານ ຄໍາແນະນໍາ ແລະ ມາດຕະການປ້ອງກັນ ຂອງລັດຖະບານລາວ ວາງອອກ ຢ່າງເຄັ່ງຄັດ.

ທີ່ມາ: FM 90