ຊົມເຊີຍສຸດໃຈ! 4 ບໍລິສັດເອກະຊົນ ມອບເງິນ ແລະ ອຸປະກອນການແພດ ຊ່ວຍລັດຖະບານ ຕ້ານໂຄວິດ

ຊົມເຊີຍສຸດໃຈ! 4 ບໍລິສັດເອກະຊົນ ມອບເງິນ ແລະ ອຸປະກອນການແພດ ຊ່ວຍລັດຖະບານ ຕ້ານໂຄວິດ

8th April 2020 0 By Admin

ເພື່ອເປັນການປະກອບສ່ວນຊ່ວຍເຫຼືອລັດຖະບານ ໃນພາລະກິດຕ້ານ ການແພ່ລະບາດຂອງພະຍາດອັກເສບປດ ທີ່ເກີດຈາກເຊື້ອຈຸລະໂຣກສາຍພັນໃໝ່ໂຄວິດ-19 ເຊິ່ງມາຮອດວັນທີ 7 ເມສາ 2020 ພົບຜູ້ຕິດເຊື້ອໂຄວິດ-19 ທັງໝົດ ຈຳນວນ 14 ຄົນ. ຍ້ອນສະພາບເປັນຄືແນວນັ້ນ ບໍລິສັດຫຼາຍພາກສ່ວນໄດ້ຮ່ວມແຮງ ຮ່ວມໃຈສະໝັບສະໜູນເງິນອຸປະຖຳ ພ້ອມດ້ວຍອຸກອນການແພດ ແລະ ເຄື່ອງບໍລິໂພກ-ອຸປະໂພກຕ່າງໆ ນຳມາມອບໃຫ້ລັດຖະບານ ເພື່ອນຳໃຊ້ເຂົ້າໃນ ການຕ້ານ ແລະ ສະກັດກັ້ນການແພ່ລະບາດຂອງໂຄວິດ-19.

ດັ່ງວັນທີ 6 ເມສາ 2020 ທີ່ສຳນັກງານນາຍົກລັດຖະມົນຕີ ໄດ້ມີພິທີມອບ-ຮັບ ເງິນອຸປະຖຳ, ອຸປະກອນການແພດ ແລະ ເຄື່ອງອຸປະໂພກ-ບໍລິໂພກ ໃຫ້ແກ່ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດອັກເສບປອດສາຍພັນໃໝ່ ໂຄວິດ-19 ຈາກ 4 ບໍລິສັດຄື:

ບໍລິສັດອີທີແອວຈຳກັດ ມອບເງິນອຸປະຖຳ 400.000.000 ກີບ; ບໍລິສັດສະຕາໂທລະຄົມ (ຢູນິເທວ) ໃຫ້ການຊ່ວຍເຫຼືອ 2.830.000.000 ກີບ; ທະນາຄານຫຸ້ນສ່ວນລົງທຶນ ແລະ ພັດທະນາ ຫວຽດນາມ ສະໜັບສະໜູນແກ່ລັດຖະບານລາວ 50.000 ໂດລາສະຫະລັດ ແລະ  ກຸ່ມບໍລິສັດພົງສະຫວັນ, ບໍລິສັດປີໂຕຣລ້ຽມເທຣດດິ້ງລາວ ມະຫາຊົນ ມອບເຄື່ອງອຸປະກອນການແພດ ແລະ ເຄື່ອງອຸປະໂພກ-ບໍລິໂພກ 1.100.000.000 ກີບ.

*

ຂ່າວ: Media laos