ສສ ຫວຽດນາມ ກ້າວໄກ ! ເລີ່ມນໍາໃຊ້ ຫຸ່ນຍົນຂົນສົ່ງເຄື່ອງ ແທນຄົນໄດ້ 3-5 ຄົນ

ສສ ຫວຽດນາມ ກ້າວໄກ ! ເລີ່ມນໍາໃຊ້ ຫຸ່ນຍົນຂົນສົ່ງເຄື່ອງ ແທນຄົນໄດ້ 3-5 ຄົນ

7th April 2020 0 By Admin

ສສ ຫວຽດນາມ ກ້າວໄກ ! ເລີ້ມນໍາໃຊ້ ຫຸ້ນຍົນຂົນສົ່ງເຄື່ອງ ໃນເຂດແຍກປ່ຽວ ຜູ້ຕິດເຊື້ອ ໂຄວິດ19 ! ສາມາດເຮັດວຽກແທນຄົນໄດ້ 3-5 ຄົນ, ຂົນສົ່ງວັດຖຸ ທີ່ມີນໍ້າໜັກເຖິງ 100 ກກ !!!

.

ວັນທີ 7 ເມສາ, ຢູ່ຮ່າໂນ້ຍ, ກະຊວງວິທະຍາສາດ ແລະ ເຕັກໂນໂລຢີ ຫວຽດນາມ ໄດ້ຕີລາຄາໄລຍະ 1 ຂອງການຄົ້ນຄວ້າ, ປະດິດສ້າງຫຸ້ນຍົນຂົນສົ່ງເຄື່ອງໃນເຂດແຍກປ່ຽວ ທີ່ມີຄວາມສ່ຽງຕິດແປດສູງ (Vibot-1a) ດ້ວຍຄວາມເຫັນດີຂອງສະມາຊິກ 100% ຕົກລົງໃຫ້ຮັບຮອງເອົາ ແລະ ສະເໜີກະຊວງສາທາລະນະສຸກ ພິຈາລະນາ, ອະນຸຍາດໃຫ້ນໍາໃຊ້ໃນບັນດາສະຖານທີ່ແຍກປ່ຽວ.

.

ທ່ານຮອງສາດສະດາຈານ, ປະລິນຍາເອກ, ພັນເອກ ຕັງກວັກນາມ ສັງກັດວິທະຍາຄານເຕັກນິກການທະຫານ ເຊິ່ງເປັນຫົວໜ້າຄະນະປະຕິບັດໂຄງການດ່ັງກ່າວ ໃຫ້ຮູ້ວ່າ: ພຽງໃນ 2 ອາທິດ, ຫຸ້ນຍົນ Vibot-1a ໄດ້ຮັບການປະດິດສ້າງຂຶ້ນ ແລະ ສາມາດປະຕິບັດໜ້າທີ່ແບບອັດຕະໂນມັດໄດ້ຢ່າງຊໍານິຊໍານານ ແລະ ຂະຫຍັນຂັນເຄື່ອນ, ຕອບສະໜອງໄດ້ຕາມຄວາມຮຽກຮ້ອງຕ້ອງການສະເພາະຂອງແຕ່ລະເຂດແຍກປ່ຽວ, ເຊິ່ງສາມາດຂົນສົ່ງສິນຄ້າຫຼາຍປະເພດທີ່ແຕກຕ່າງກັນທີ່ມີນໍ້າໜັກເຖິງ 100 kg.

ຜ່ານການຄິດໄລ່ໃນເບື້ອງຕົ້ນ, ຫຸ້ນຍົນແຕ່ລະເຄື່ອງ ສາມາດເຮັດວຽກແທນໃຫ້ພະນັກງານການແພດ ແຕ່ 3 – 5 ຄົນ. ນອກຈາກການຫຼຸດຜ່ອນຄວາມສ່ຽງຕິດເຊື້ອສູ່ກັນແລ້ວ, ເລື່ອງນໍາໃຊ້ຫຸ້ນຍົນ ຍັງສ້າງເງື່ອນໄຂເພື່ອໃຫ້ພະນັກງານ, ພະຍາບານໄດ້ສະຫລະເວລາເຫື່ອແຮງສຸມໃສ່ການປິ່ນປົວ, ເບິ່ງແຍງດູແລຄົນເຈັບໄດ້ເປັນຢ່າງດີກວ່າ ອີກດ້ວຍ.