ຕາມນີ້ເດີ້! ແຂວງ ວຽງຈັນ ແຈ້ງປິດການເຂົ້າ-ອອກຊົ່ວຄາວ ປ້ອງກັນໂຄວິດ-19

ຕາມນີ້ເດີ້! ແຂວງ ວຽງຈັນ ແຈ້ງປິດການເຂົ້າ-ອອກຊົ່ວຄາວ ປ້ອງກັນໂຄວິດ-19

7th April 2020 0 By Admin

ເພື່ອເປັນການປ້ອງກັນ ແລະ ສະ ກັດກັນ ພ້ອມທັງເປັນການຫລຸດຜ່ອນຄວາມສ່ຽງ ທີ່ອາດຈະເກີດຈາກການຕິດເຊື້ອ ແລະ ແຜ່ລະບາດຂອງເຊື້ອ ພະຍາດໂຄວິດ. ດັ່ງນັ້ນ, ແຂວງ ວຽງຈັນ ຈຶ່ງແຈ້ງການໃຫ້ປີດການເຂົ້າ-ອອກຊົ່ວຄາວ ລະຫວ່າງແຂວງຕໍ່ແຂວງ, ເມືອງຕໍ່ເມືອງ ຍົກເວັ້ນ ລົດການນໍາຂອງແຂວງ-ຂອງເມືອງ ແລະ ລົດຄະນະສະເພາະກິດເພື່ອປ້ອງກັນ ແລະ ແກ້ໄຂການລະບາດ ຂອງພະຍາດອັກເສບປອດຈາກເຊື້ອຈຸລະໂຣກສາຍພັນໃຫມ່ ໂຄວິດ19 ແລະ ກໍລະນີທີ່ມີຄວາມຈໍາເປັນໃຫ້ ມີການຢັ້ງຢືນຈາກພາກສ່ວນທີ່ກ່ຽວຂ້ອງ ເລີ່ມແຕ່ວັນທີ່ 05 ເມສາ 2020 ຫາ ວັນທີ 19 ເມສາ 2020.

ພາບປະກອບຂ່າວເທົ່ານັ້ນ

ອີງຕາມແຈ້ງການສະບັບເລກທີ 011/ຂຈ.ວຈ ລົງວັນທີ 5 ເມສາ 2020  ເຖິງ: ຫົວຫນ້າພະແນກ, ອົງການທຽບເທົ່າ, ສະພາປະຊາຊົນແຂວງ, ກອງບັນຊາການທະຫານແຂວງ, ກອງບັນຊາການ ປກສ ແຂວງ ແລະ ບັນດາທ່ານເຈົ້າເມືອງ 11 ເມືອງທົ່ວແຂວງວຽງຈັນ ກ່ຽວກັບ ການໃຫ້ຢຸດການເດີນທາງເຂົ້າ-ອອກຂອງບຸກຄົນພາຍໃນແຂວງ ແລະ ພາຍໃນເມືອງ 11 ເມືອງໃນທົ່ວແຂວງວຽງຈັນ.

ຕາມແຈ້ງການລະບຸວ່າ: ເຈົ້າແຂວງແຂວງວຽງຈັນ ຂໍຖືເປັນກຽດແຈ້ງການມາຍັງທ່ານ ຫົວຫນ້າພະແນກການ, ອົງການທຽບເທົ່າ, ສະພາປະຊາຊົນແຂວງ, ກອງບັນຊາການທະຫານແຂວງ, ກອງບັນຊາການ ປກສ ແຂວງ ແລະ ບັນດາທ່ານເຈົ້າ ເມືອງ 11 ເມືອງໃນທົ່ວແຂວງຊາບວ່າ: ປັດຈຸບັນ, ການລະບາດຂອງພະຍາດອັກເສບປອດເຊື້ອຈຸລະໂຣກສາຍ ພັນໃຫມ່ ໄດ້ຂະຫຍາຍເປັນວົງກວ້າງໃນບັນດາປະເທດພາກພື້ນ ແລະ ຫລາຍປະເທດໃນໂລກ ໂດຍມີການລາຍງານກໍລະນີຕິດເຊື້ອ ແລະ ເສຍຊີວິດເພີ່ມຂຶ້ນໃນແຕ່ລະວັນ.

ພາບປະກອບຂ່າວເທົ່ານັ້ນ

ສໍາລັບພາຫະນະຂົນສົ່ງສິນຄ້າ ແມ່ນໃຫ້ຈັດຕັ້ງປະຕິບັດຕາມຄໍາສັ່ງ ຂໍ້ທີ 8 ຂອງທ່ານ ນາຍົກລັດຖະມົນຕີ ເລກທີ 06/ນຍ, ລົງວັນທີ 29 ມີນາ 2020. ດັ່ງນັ້ນ, ຈຶ່ງແຈ້ງການມາຍັງທ່ານເພື່ອຊາບ ແລະ ຈັດຕັ້ງປະຕິບັດຕາມແຈ້ງການສະບັບນີ້ດ້ວຍ.