ອຸຕຸເຕືອນອີກແລ້ວ! 6-9 ເມສາ ແຕ່ລະພາກ ກຽມຮັບມືກັບພາຍຸລະດູຮ້ອນພັດຜ່ານ

ອຸຕຸເຕືອນອີກແລ້ວ! 6-9 ເມສາ ແຕ່ລະພາກ ກຽມຮັບມືກັບພາຍຸລະດູຮ້ອນພັດຜ່ານ

7th April 2020 0 By Admin

ກົມອຸຕຸນິຍົມ ແລະ ອຸທົກກະສາດ ໄດ້ຄາດຄະເນສະພາບອາກາດ ໃນໄລຍະວັນທີ 6-9 ເມສາ 2020 ວ່າ:  ຄວາມກົດດັນອາກາດຕໍ່າ ຂອງອາກາດຮ້ອນຍັງຈະປົກຄຸມຢູ່ພາກເນືອດ້ານຕາເວັນຕົກ, ສ່ວນແຂວງພາກເໜືອດ້ານຕາເວັນອອກ ລົງຫາ ພາກກາງ ແລະ ພາກໃຕ້ຂອງລາວ ຄວາມກົດດັນອາກາດສູງຂອງອາກາດເຢັນທີ່ປະເທດຈີນ ຈະແພ່ລົງມາປົກຄຸມດ້ວຍກຳລັງອ່ອນ ພ້ອມດຽວກັນກະແສລົມຕາເວັນອອກ-ຕາເວັນອອກສ່ຽງໃຕ້ ພັດປົກຄຸມເປັນສ່ວນໃຫຍ່ ເຊິ່ງຈະເຮັດໃຫ້ອາກາດຮ້ອນຫາຮ້ອນເອົ້າ ລະ ຈະມີໝອກແຫ້ງປົກຫຸ້ມຢູ່ທົ່ວໄປໃນຕອນກາງເວັນ, ພ້ອມຈະມີຝົນຕົກ, ຟ້າຮ້ງ, ຟ້າເຫຼື້ອມ ໃນລະດັບຄ່ອຍຫາປານກາງ, ຟ້າຜ່າ ແລະ ໝາກເຫັບຕົກ ແລະ ມີລົມພັດແຮງຢູ່ບາງທ້ອງຖິ່ນ ແຂວງພາກເໜືອດ້ານຕາເວັນອອກ ລົງຫາພາກກາງ ແລະ ພາກໃຕ້.

ຈາກນັ້ນ, ວັນທີ 10-12 ເມສາ 2020 ຄວາມກົດດັນອາກາດຕໍ່າຂອງອາກາດຈະຮ້ອນເອົ້າ ຈະມີຳລັງປານກາງປົກຄຸມຢູ່ທົ່ວທຸກພາກຂອງປະເທດລາວ ເຊິ່ງຈະເຮັດໃຫ້ອາກາດຮ້ອນ ຫາຮ້ອນເອົ້າ ພ້ອມມີໝອກແຫ້ງປົກຫຸ້ມໃນຕອນກາງເວັນ ແລະ ຍັງຈະມີຝົນຕົກ, ຟ້າເຫຼື້ອມໃນລະດັບຄ່ອຍຫາປານກາງ ພ້ອມຈະມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.