ແຈ້ງກັນດ່ວນ! ໃຜຢູ່ຜົ້ງສາລີ ສາມາດຊື້ຜ້າປິດປາກໄດ້ລາຄາຖືກ 1.000 ກີບ/ອັນ

ແຈ້ງກັນດ່ວນ! ໃຜຢູ່ຜົ້ງສາລີ ສາມາດຊື້ຜ້າປິດປາກໄດ້ລາຄາຖືກ 1.000 ກີບ/ອັນ

6th April 2020 0 By Admin

ອີງໃສ່ສະພາບການແຜ່ລະບາດຂອງພະຍາດໂຄວິດ-19 ຢູ່ໃນທົ່ວໂລກຖືວ່ານັບມື້ທະວີຄູນ ແລະ ສົ່ງຜົນກະທົບຕໍ່ເສດຖິດ, ການດຳລົງໍີວິດຂອງປະຊາຊົນເປັນຈຳນວນຫຼວງຫຼາຍ. ຂະນະທີ່ ສປປ ລາວເອງ ກໍ່ໄດ້ກວດ ພົບຜູ້ຕິດເຊື້ອພະຍາດໂຄວິດ-19 ທັງໝົດແລ້ວ 12 ກໍລະນີ ແລະ ຍັງມີຜູ້ຕ້ອງສົງໄສຕິດເຊື້ອອີກຈໍານວນໜຶ່ງ ເຊິ່ງເປັນສາເຫດພາໃຫ້ ປະຊາຊົນໃນທົ່ວປະເທດເວົ້າລວມ, ເວົ້າສະເພາະປະຊາຊົນພາຍໃນແຂວງຜົ້ງສາລີ ມີການຢ້ານກົວ ແລະ ປິດກິດຈະການບາງທຸລະກິດຂອງຕົນ ແຕ່ກົງການຂ້າມຍັງມີພໍ່ຄ້າຊາວຂາຍຈໍານວນໜຶ່ ຍັງສວຍໂອກາດຂຶ້ນລາຄາເປັນຕົ້ນ: ສິນຄ້າຄວບຄຸມ, ສິນຄ້າທົ່ວໄປ ແລະ ຂາຍຜ້າອັດປາກ-ດັງໃນລາຄາທີ່ແພງ ເຮັດໃຫ້ມີຜົນກະທົບຕໍ່ຜູ້ຊົມໃຊ້ ເກີດມີຫາງສຽງວິພາກວິຈາຈາກສັງຄົມ.


ດັ່ງນັ້ນ, ໃນນາມຂະແຫນງອຸດສາຫະກໍາ ແລະ ການຄ້າ ເປັນຜູ້ຮັບຜິດຊອບຕິດຕາມກວດກາ ທັງເປັນໃຈກາງປະສານງານກັບຂະແຫນງການທີ່ກ່ຽວຂ້ອງໃນການຄຸ້ມຄອງ, ດັດສົມສິນຄ້າ, ລາຄາ ຈຶ່ງແຈ້ງການມາຍັງ ທ່ານຮັບຊາບດັ່ງນີ້:


ໃນຕອນເຊົ້າວັນທີ 07 ເມສາ 2010 ເວລາ 8:30 ໂມງ, ທາງທີມງານຂອງພະແນກອຸດສາຫະກໍາ ແລະ ການ ຄ້າແຂວງ ຈະໄດ້ຈໍາຫນ່າຍຜ້າອັດປາກ-ອັດດັງ (ແຜນຕອງ 3 ຊັ້ນ), ສະຖານທີ່ຢູ່ທີ່ເດີ່ນຄີວລົດເກົ່າ ບ້ານຮົ່ມສະຫວ່າງ ເມືອງຜົ້ງສາລີ ແຂວງຜົ້ງສາລີ ຕາມລາຄາທີ່ກະຊວງອຸດສາຫະກໍາ ແລະ ການຄ້າກໍານົດ ໃນລາຄາ 1,000 ກີບ/ອັນ.


ຜູ້ທີ່ມີຄວາມສົນໃຈຢາກຊື້ ແມ່ນໃຫ້ນໍາເອົາບັດປະຈໍາຕົວ ຫຼື ສໍາມະໂນຄົວ ຂອງຜູ້ກ່ຽວ ມາລົງທະບຽນກັບທິມງານດັ່ງກ່າວ ແລະ ຄອບຄົວຫນຶ່ງສາມາດຊື້ໄດພຽງແຕ່ຈໍານວນ 10 ອັນເທົ່ານັ້ນ.