ເພີ່ມທະວີຕ້ານໂຄວິດ! ສາລະວັນເຂັ້ມງວດປິດເມືອງ ພ້ອມຕັ້ງຈຸດກວດກາສຸຂະພາບປະຊາຊົນ

ເພີ່ມທະວີຕ້ານໂຄວິດ! ສາລະວັນເຂັ້ມງວດປິດເມືອງ ພ້ອມຕັ້ງຈຸດກວດກາສຸຂະພາບປະຊາຊົນ

6th April 2020 0 By Admin

ເປັນການເພີ່ມທະວີມາດຕະການສະກັດກັ້ນ, ກັນການລະບາດ, ຄວບຄຸມ ແລະ ກຽມຄວາມພ້ອມຮອບດ້ານເພື່ອຕ້ານພະຍາດໂຄວິດ-19 ທີ່ກຳລັງລະບາດຢ່າງຮ້າຍແຮງໃນທົ່ວໂລກກໍ່ຄືຢູ່ ສປປລາວ ທີ່ໄດ້ກວດພົບຜູ້ທີ່ຕິດເຊື້ອແລ້ວ ຈຳນວນ 11 ກໍລະນີ ບໍ່ໃຫ້ມີການແຜ່ລະບາດອອກສູ່ວົງກວ້າງ. ຄະນະສະເພາະກິດ ຈຶ່ງສັ່ງປິດການເຂົ້າອອກເມືອງ ພ້ອມທັງຕັ້ງຈຸດກວດກາ ສຸຂະພາບພົນລະເມືອງໃນແຕ່ລະເມືອງ, ຫາກພົບເຫັນມີອຸນຫະພຸມສູງແມ່ນຈະໄດ້ແຍກປ່ຽວ 14 ວັນ ຕິດຕາມອາການ.


ທ່ານ ພັອ ສີເສີດ ສອນດາລາ ຫົວໜ້າກອງບັນຊາການ ປກສ ແຂວງສາລະວັນ ທັງແມ່ນຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ ຫຼືໂຄວິດ 19 ໃຫ້ຮູ້ວ່າ: ພາຍຫຼັງທີ່ໄດ້ຮັບຄຳສັ່ງນາຍົກ ເລກທີ່ 06 ກຳລັງ ປກສ ແຂວງກໍ່ໄດ້ມີການປະສານສົມທົບກັບພາກສ່ວນຕ່າງໆທີ່ກ່ຽວຂ້ອງຂັ້ນເມືອງຈັດຕັ້ງປະຕິບັດຢ່າງຮີບດ່ວນ ແລະ ເຂັ້ມງວດ.

ໂດຍເຈົ້າໜ້າທີ່ກໍ່ໄດ້ຕັ້ງຈຸດກວດກາ ການໄປມາຂອງປະຊາຊົນໃນນັ້ນ: ເມືຶອງຄົງເຊໂດນ ມີ 4 ຈຸດ, ເມືອງລະຄອນເພັງ 2 ຈຸດ, ເມືອງວາປີ 3 ຈຸດ, ເລົ່າງາມ 2 ຈຸດ, ຕຸ້ມລານ 1 ຈຸດ, ຕະໂອ້ຍ 1 ຈຸດ ແລະເມືອງສະໝ້ວຍ 1 ຈຸດ, ເຊິ່ງແຕ່ລະຈຸດຈະມີໜ່ວຍສະເພາະກິດຂັ້ນເມືອງ ແລະ ທີມງານແພດໝໍປະຈໍາເພີ່ຶອກວດ ແລະ ສະແກນອຸນນະພູມ, ຖ້າກໍລະນີພົບເຫັນຜູ້ທີ່ມີອຸນນະພຸມຂື້ນສູງຜີດປົກກະຕິແມ່ນຈະໄດ້ກັກໂຕແຍກປ່ຽວ


ທ່ານຫົວໜ້າກອງບັນຊາການ ປກສ ຍັງໄດ້ໄຫ້ຮູ້ຕື່ມອີກວ່າ: ປັດຈຸບັນແມ່ນໄດ້ປີດການເຂົ້າອອກເມືອງ ເພື່ອແນໃສ່ສະກັດກັ້ນການແຜ່ລະບາດຂອງພະຍາດໂຄວີດ 19 ບໍ່ໃຫ້ແຜ່ຂະຫຍາຍອອກສູ່ວົງກ້ວາງ ພ້ອມກັນນັ້ນທ່ານຍັງໄດ້ຮຽກຮ້ອງໃຫ້ພໍ່ແມ່ປະຊາຊົນທຸກຊັ້ນຄົນ ຢູ່ໃນສັງຄົມຈົ່ງມີສະຕິລະວັງຕົວເປັນເຈົ້າການໃນການຈັດຕັ້ງປະຕິບັດຄໍາສັ່ງ 06 ຂອງນາຍົກລັດຖະມົນຕີຢ່າງເຂັ້ມງວດ, ເຄົາລົບລະບຽບກົດໝາຍ, ຮັບປະກັນເຮັດໃຫ້ບ້ານເມືອງມີຄວາມສະຫງົບ, ຫັນກແໜ້ນ ແລະເຂັ້ມແຂງຮອບດ້ານ.

ທີ່ມາ:medialaos