ເມືອງຫມື່ນ ຈິງຈັງຕ້ານໂຄວິດ-19 ສືບຕໍ່ແນະນໍາ ແລະ ຕິດຕາມແຮງງານລາວກວ່າ 300 ຄົນ ທີ່ຖືກບໍລິເວນ

ເມືອງຫມື່ນ ຈິງຈັງຕ້ານໂຄວິດ-19 ສືບຕໍ່ແນະນໍາ ແລະ ຕິດຕາມແຮງງານລາວກວ່າ 300 ຄົນ ທີ່ຖືກບໍລິເວນ

6th April 2020 0 By Admin

ວັນທີ 6 ເມສາ 2020, ອາທິດຜ່ານມານີ້ອໍານາດປົກຄອງເມືອງໝື່ນ ສົມທົບກັບ ຄະນະສະເພາະກິດປ້ອງກັນຄວບຄຸມ ແລະ ແກ້ໄຂການລະບາດ ໂຄວິດ– 19 ສືບຕໍ່ເຄື່ອນໄຫວຕິດຕາມແຮງງານລາວກັບຈາກໄທຈໍານວນ 310 ຄົນ ຢູ່ 3ຈຸດກັກກັນຊົ່ວຄາວ ຢູ່ກຸ່ມບ້ານເມືອງໝື່ນ, ກຸ່ມບ້ານເມືອງໝື່ນ ປະກອບມີ 5 ບ້ານຄື: ບ້ານນ້ຳເລົ້າ, ບ້ານນາໝໍ້, ບ້ານເມືອງໝື່ນ, ບ້ານໂພພນແສນ ແລະ ບ້ານນ້ຳເເພດ ທີ່ພວມດໍານວນເນີນການກັກກັນ 14 ວັນ.


ໃນໂອກາດດັ່ງກ່າວນີ້, ຄະນະນໍາເມືອງກໍໄດ້ພົບປະໂອ້ລົມ ແລະ ໃຫ້ກຳລັງໃຈຕໍ່ກຸ່ມແຮງງານລາວໂດຍເນັ້ນໃຫ້ເຈົ້າມີຄວາມອົດທົນ ປະຕິບັດຕາມລະບຽບການຂອງຂັ້ນເທິງວາງອອກຢ່າງເຂັ້ມງວດ ພ້ອມນີ້ຍັງໄດ້ມອບຜາອັດປາກ-ດັງ ຈຳນວນໜຶ່ງ;  ໃນມື້ດຽວກັນ ທ່ານ ອຳພອນ ເຈົ້າຂອງຮ້ານສາລາເບຍໜອງດົງກໍໄດ້ປະກອບສ່ວນອາຫານຈຳນວນ 20 ກັບ,ນ້ຳດື່ມ 1 ແກ໊ດຕື່ມອີກໃຫ້ແຮງງາລາວຈໍານວນດັ່ງກ່າວ.


ສັງລວມແຮງງານເຄື່ອນຍ້າຍຈາກໄທພາຍໃນເມືອງໝື່ນ ມີທັງໝົດ : 310 ຄົນ,ຍິງ 235 ຄົນ,ມາບໍ່ຖືກຕ້ອງ 08 ຄົນ,ລາຍລະອຽດດັ່ງນີ້:
ກຸ່ມບ້ານວັງ 77 ຄົນ,ຍິງ: 69 ຄົນ, ມາບໍ່ຖືກຕ້ອງ 7 ຄົນ; ກຸ່ມບ້ານນ້ຳເພີນ : 89 ຄົນ ,ຍິງ: 67ຄົນ; ກຸ່ມບ້ານໂນນໄຮ : 50 ຄົນ,ຍິງ: 33 ຄົນ.; ກຸ່ມບ້ານເມືອງໝື່ນ: 94 ຄົນ, ຍິງ: 66 ຄົນ, ມາບໍ່ຖືກຕ້ອງ 01 ຄົນ ເຊິ່ງທົ່ວເມືອງໝື່ນ ມີທັງໝົດ 13 ສູນ.

*

ທີ່ມາ: ຂ່າວສານປະເທດລາວ