ສາຍການບິນພິເສດຂອງຫວຽດນາມ ນຳເອົາເຄື່ອງຊ່ວຍ​ເຫຼືອມາ​ມອບ​ໃຫ້ ສປປ ລາວ ຕອນ​ນີ້​ມາ​ຮອດ​ສະ​ໜາມ​ບິນ​ວັດ​ໄຕ​ແລ້ວ

ສາຍການບິນພິເສດຂອງຫວຽດນາມ ນຳເອົາເຄື່ອງຊ່ວຍ​ເຫຼືອມາ​ມອບ​ໃຫ້ ສປປ ລາວ ຕອນ​ນີ້​ມາ​ຮອດ​ສະ​ໜາມ​ບິນ​ວັດ​ໄຕ​ແລ້ວ

4th April 2020 0 By Admin

ຫລັງທ່ຽງຄືນຂອງວັນທີ 3 ເມສາ 2020 (ເວລາ 00:05 ໂມງ) ທີ່ສະໜາມບິນສາກົນວັດໄຕ, ສາຍການບິນພິເສດຂອງຫວຽດນາມ ໄດ້ນຳເອົາເຄື່ອງຊ່ວຍເຫລືອອຸປະກອນການແພດທີ່ຈຳເປັນ ຈາກລັດຖະບານ ແຫ່ງ ສສ. ຫວຽດນາມ ມາມອບໃຫ້ລັດຖະບານ ແຫ່ງ ສປປ ລາວ ເພື່ອປະກອບສ່ວນເຂົ້າໃນວຽກງານການປ້ອງກັນ ແລະ ຕ້ານໄວຣັດໂຄວິດ-19 ຢູ່ລາວ.


ເຄື່ອງຊ່ວຍເຫລືອດັ່ງກ່າວລວມມູນຄ່າຫລາຍກວ່າ 300.000 ໂດລາສະຫະລັດ, ໃນນັ້ນຈາກລັດຖະບານ 100.000 ໂດລາສະຫະລັດ, ຈາກກະຊວງສາທາລະນະສຸກ 5 ຕື້ດົງ (200.000 ກວ່າໂດລາສະຫະລັດ) ແລະ ຈາກກະຊວງວິທະຍາສາດ ແລະ ເຕັກໂນໂລຊີ 250 ລ້ານດົງ (ປະມານ 10.000 ໂດລາສະຫະລັດ).

ສຳລັບພິທີມອບ-ຮັບຢ່າງເປັນທາງການ ແມ່ນຈະໄດ້ຈັດຂຶ້ນໃນວັນ 4 ເມສາ ທີ່ນະຄອນຫລວງວຽງຈັນ.

ການຊ່ວຍເຫລືອຄັ້ງນີ້ ຍິ່ງຈະເປັນການເສີມຂະຫຍາຍ ແລະ ຮັດແໜ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສປປ ລາວ ແລະ ສສ. ຫວຽດນາມ ໃຫ້ນັບມື້ນັບແຕກດອກອອກຜົນຍິ່ງໆຂຶ້ນ.

ຂ່າວ: ສິງຄຳ ແຍງຕາວັນ
ພາບ: ຂັນໄຊ