ກອງພົນທີ 1 ເຂັ້ມງວດໃນການຈັດຕັ້ງປະຕິບັດ ເພີ່ມທະວີມາດຕະການສະກັດກັ້ນ, ຄວບຄຸມ ເພື່ອຕ້ານພະຍາດໂຄວິດ

ກອງພົນທີ 1 ເຂັ້ມງວດໃນການຈັດຕັ້ງປະຕິບັດ ເພີ່ມທະວີມາດຕະການສະກັດກັ້ນ, ຄວບຄຸມ ເພື່ອຕ້ານພະຍາດໂຄວິດ

3rd April 2020 0 By Admin

ກອງພົນທີ 1 ເຂັ້ມງວດໃນການຈັດຕັ້ງປະຕິບັດຄຳສັ່ງ ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານເພື່ອຕ້ານພະຍາດໂຄວິດ 19

ໂດຍຈັດຕັ້ງປະຕິບັດຄຳສັ່ງຂອງນາຍົກລັດຖະມົນຕີ ແຫ່ງ ສປປ ລາວ ວ່າດ້ວຍການເພີ່ມທະວີມາດຕະການສະກັດກັ້ນ, ກັນການລະບາດ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ 19.

.

ໃນວັນທີ 03 – 04 ເມສາ 2020 ນີ້ ກອງພົນທີ 1 ໄດ້ສຸມໃສ່ຮີບຮ້ອນອອກຄໍາສັ່ງແຈ້ງການ ພາຍໃນກົມກອງຂອງຕົນ, ໃນນີ້ໄດ້ແຈ້ງການເຖິງ ບັນດາ ອົງການ, ກອງພັນໃຫຍ່, ກອງພັນນ້ອຍ, ໂຮງຮຽນ – ໂຮງໝໍ ແລະ ກອງຮ້ອຍເອກະລາດ ທີ່ຂຶ້ນກັບ ກອງພົນທີ 1 ໂດຍເນັ້ນໃຫ້ຄະນະພັກ – ຄະນະບັນຊາ ກົມກອງຮີບຮ້ອນ ຈັດຕັ້ງເຊື່ອມຊຶມຄໍາສັ່ງແຈ້ງການຂອງຂັ້ນເທິງ ຈຸດປະສົງແມ່ນໃຫ້ນາຍ ແລະ ພົນທະຫານ ຢູ່ໃນຄວາມຮັບຜິດຊອບຂອງຕົນ ລວມທັງສະມາຊິກໃນຄອບຄົວ ມີສະຕິລະວັງຕົວ, ມີຄວາມຮັບຜິດຊອບສູງຕໍ່ສັງຄົມ,

ໂດຍການຈໍາກັດການເຄື່ອນໄຫວ ໃນທຸກຮູບແບບ ນອກຈາກກໍລະນີຈຳເປັນ ສ່ວນແຜນການອົບຮົມ – ຫັດແອບ ຫຼືຂະບວນການເຄື່ອນໄຫວ ຂອງກົມກອງ ປະຈໍາໄຕມາດ, ປະຈຳປີ, ການຊຸມນຸມມ່ວນຊື່ນປີໃໝ່ລາວຕະຫຼອດເຖິງການຊຸມແຊວຕ່າງໆ ນັ້ນແມ່ນໃຫ້ໂຈະກ່ອນ ນັບແຕ່ ວັນທີ 1 ເດືອນເມສາ ຫາ ວັນທີ 1 ເດືອນ ພຶດສະພາ 2020, ນັກຮຽນນາຍສິບຊຸດທີ 8 ແລະ ອົບຮົມທະຫານໃໝ່ແມ່ນໃຫ້ສືບຕໍ່ດຳເນີນໄປປົກກະຕິ ຈົນກວ່າຈະມີຄຳສັ່ງປ່ຽນແປງ, ສໍາລັບກໍາລັງປະຈຳການແມ່ນໃຫ້ເຂົ້າມາປະຈຳການຢູ່ກົມກອງປົກກະຕິນັບແຕ່ວັນທີ 1 – 19 ເມສາ 2020,

.

ໂດຍຍົກເວັ້ນພາກສ່ວນທີອອກໄປເຮັດໜ້າທີ່ ທີ່ໄດ້ຮັບມອບໝາຍ, ໄປພົວພັນວຽກທາງການ, ອອກຕະລາດ ເຮືອນ ຄົວລວມ,ເນັ້ນໜັກໃຫ້ ພະແນກເສນາຮັກ ສົມທົບກັບ ໂຮງໝໍ 108 ເຮັດໜ້າທີ່ກວດກາ ແລະ ຊຸກຍູ້ໃນການປະຕິບັດລະບຽບການປ້ອງກັນສຸຂະພາບ ຢູ່ພາຍໃນກົມກອງຢ່າງເປັນປົກກະຕິຕະຫຼອດເຖິງການເຂົ້າ – ອອກ ປະຕູໂຂງ, ຕ້ອງໃສ່ຜ້າປິດປາກໃຊ້ນໍ້າຢາລ້າງມື ແລະ ແນະນໍາໃນການປ້ອງກັນໃຫ້ພະນັກງານ – ນັກຮົບໃຫ້ທົ່ວເຖິງ.


ທັງນີ້ກໍ່ເພື່ອເປັນການສະກັດກັ້ນ, ປ້ອງກັນການລະບາດຂອງພະຍາດ ໂຄວິດ 19 ຢູ່ພາຍໃນກົມກອງໃຫ້ມີຄວາມເປັນລະບຽບຮຽບຮ້ອຍປອດໄພຈາກພະຍາດດັ່ງກ່າວ ແລະ ເພື່ອເຂັ້ມງວດໃນການຈັດຕັ້ງປະຕິບັດຄຳສັ່ງຂອງນາຍົກລັດຖະມົນຕີ ກໍ່ຄືຄຳສັ່ງແຈ້ງການຂອງ ກະຊວງປ້ອງກັນປະເທດ.

ຂຽນໂດຍ: ແສງທຽນນ້ອຍ
ພາບ: ອຸດອນ ອິນທະສານ