2 ເມສາ ຍອດຜູ້ຕິດເຊື້ອໂຄວິດ-19 ໃນລາວ ຍັງຢູ່ທີ່ 10 ກໍລະນີ

2 ເມສາ ຍອດຜູ້ຕິດເຊື້ອໂຄວິດ-19 ໃນລາວ ຍັງຢູ່ທີ່ 10 ກໍລະນີ

2nd April 2020 0 By Admin

ທ່ານ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຢືນຢັນ ໃນວັນທີ 2 ເມສາ 2020 ນີ້ວ່າ: ມາຮອດວັນທີ 2 ເມສາ ນີ້, ສປປ ລາວ ບໍ່ພົບກໍລະນີ ຜູ້ຕິດເຊື້ອໄວຣັດໂຄວິດ-19 ເພີ່ມຂຶ້ນ, ຕົວເລກຜູ້ຕິດເຊື້ອ ຍັງຢູ່ 10 ຄົນ.

ຂະນະດຽວກັນ,  ໃນວັນທີ 1 ເມສາ 2020,  ກໍລະນີສົງໄສເກັບຕົວຢ່າງມາກວດ 61 ຄົນກໍລະນີສົງໄສເກັບຕົວຢ່າງມາກວດ 61 ຄົນ  ໄດ້ແກ່ນະຄອນ ຫຼວງວຽງຈັນ 46 ຄົນ, ແຂວງບໍລິຄຳໄຊ, ຄຳມ່ວນ ແລະ ຫຼວງພະບາງ ແຂວງລະ 4 ຄົນ, ແຂວງອັດຕະປື 4 ຄົນ, ແຂວງ ຈຳປາສັກ 1 ຄົນທັງໝົດໄດ້ເກັບຕົວຢ່າງ ແລະ ຜົນກວດເປັນລົບ ຖືວ່າມື້ນີ້ບໍ່ມີກໍລະນີໃໝ່.


ຢ່າງໃດກໍ່ຕາມ ເຊື້ອໄວຣັດດັ່ງກ່າວ, ອາດຈະມີການແຜ່ລະບາດເພີ່ມຂຶ້ນ ສະນັ້ນ, ຮຽກຮ້ອງໃຫ້ປະຊາຊົນລາວບັນດາເຜົ່າ ໃນຂອບເຂດທົ່ວປະເທດ ເພີ່ມທະວີເອົາໃຈໃສ່ຮັກສາຕົນເອງ ໂດຍປະຕິບັດມາດຕະການປ້ອງກັນເຊື້ອໄວຣັດໂຄວິດ-19 ຂອງລັດຖະບານວາງອອກ ຢ່າງເຄັ່ງຂັດ ໂດຍການກັກຕົວເອງຢູ່ບ້ານ, ບໍ່ອອກໄປໃສ ຍົກເວັ້ນກໍລະນີທີ່ຈໍາເປັນ ເຊັ່ນ: ໄປຊື້ເຄື່ອງອຸປະໂພກ-ບໍລິໂພກ, ໄປໂຮງໝໍ ແລະ ໄປປະຕິບັດໜ້າທີ່ຕາມການມອບໝາຍຂອງການຈັດຕັ້ງ ແນໃສ່ຕ້ານ ແລະ ຄອບຄຸມ ເຊື້ອໄວຣັດນີ້ ບໍ່ໃຫ້ເພີ່ມຂຶ້ນ.

 

 

ທີ່ມາ: ຂ່າວສານປະເທດລາວ