ແບບ​ນີ້​​ດີ! ພະແນກ ອ​ຄ ແຂວງຈຳ​ປາ​ສັກ ແນະນໍາໃຫ້ຜູ້ຄ້າຂາຍຕິດປ້າຍລາຄາສິນຄ້າໃສ່​ໜ້າ​ຮ້ານ​ ເພື່ອ​ຄວາມ​ໂປ່ງ​ໃສ

ແບບ​ນີ້​​ດີ! ພະແນກ ອ​ຄ ແຂວງຈຳ​ປາ​ສັກ ແນະນໍາໃຫ້ຜູ້ຄ້າຂາຍຕິດປ້າຍລາຄາສິນຄ້າໃສ່​ໜ້າ​ຮ້ານ​ ເພື່ອ​ຄວາມ​ໂປ່ງ​ໃສ

2nd April 2020 0 By Admin

ຕໍ່​ກັບ​ສະ​ພາບ​ການ​ລະ​ບາດ​ຂອງ​ເຊື້ອ​ໄວ​ລັດ​ໂຄວິດ ພໍ່​ຄ້າ​ຊາວ​ຂາຍ​ບາງ​ຄົນ​ອາດ​ຈະ​ຫົວ​ໃສ ສວາຍ​ໂອ​ກາດ​ຂຶ້ນ​ລາ​ຄາ​ສິນ​ຄ້າ​ຕ​າມ​ອຳ​ເພີ​ໃຈ, ເຊິ່ງ​ມັນ​ຄົງ​ຈະ​ເປັນ​ການ​ດີ​ທີ່​ເຮົາ​ກຳ​ນົດ​ລາ​ຄາ​ແນ່ນອນ​ຂອງ​ສິນ​ຄ້າ​ແຕ່​ລະ​ຢ່າງ​ຕາມ​ທ​ອ້ອງ​ຕະຫຼາດ ດັ່ງ:

ທ່ານ ປະລິນຍາເອກ ບຸນຍະເດດ ທອງສະຫວັນ ຫົວໜ້າພະແນກອຸດສາຫະກໍາ ແລະ ການຄ້າແຂວງຈຳປາສັກ ພ້ອມດ້ວຍການນໍາພະແນກ,​ ການນໍາຂະແໜງການທີ່ກ່ຽວຂ້ອງອ້ອມຂ້າງພະແນກ,​ ການນໍາຫ້ອງການອຸດສາຫະກໍາ ແລະ ການຄ້າ ນະຄອນປາກເຊ ຮ່ວມກັບການນຳບໍລິສັດ ບໍລິການ ການຄ້າປາກເຊ ໄດ້ເຄື່ອນໄຫວຕິດຕາມຊຸກຍູ້ຜູ້ປະກອບການຄ້າຂາຍສິນຄ້າອຸປະໂພກ-ບໍລິໂພກ ໂດຍສະເພາະແມ່ນເຂົ້າສານ,​ ຊີ້ນ,​ ປາ,​ ອາຫານແຫ້ງ ແລະ ຜ້າອັດປາກ ຢູ່ຕະຫຼາດໃໝ່ປາກເຊ ໃຫ້ປະຕິບັດຕາມຄໍາສັ່ງຂອງຄະນະພັກ-ຂັ້ນເທິງ ເວົ້າລວມ,​ ເວົ້າສະເພາະແມ່ນຄໍາສັ່ງຂອງກະຊວງອຸດສາຫະກຳ ແລະ ການຄ້າ ກໍ່ຄືຄໍາສັ່ງຂອງຄະນະພັກ-ອົງການປົກຄອງແຂວງ ກ່ຽວກັບການຄຸ້ມຄອງລາຄາສິນຄ້າ ແລະ ຄ່າບໍລິການ.


ທ່ານ ປະລິນຍາເອກ ບຸນຍະເດດ ທອງສະຫວັນ ກ່າວວ່າ: ຂໍໃຫ້ພໍ່ແມ່ປະຊາຊົນ ແລະ ຜູ້ປະກອບອາຊີບຄ້າຂາຍ ຮັບຮູ້ເຂົ້າໃຈ​ວ່າ ການປິດດ່ານສາກົນວັງເຕົ່າ ໃນໄລຍະທີ່ມີການລະບາດຂອງພະຍາດ ໂຄວິດ 19 ແມ່ນປິດບໍ່ໃຫ້ຄົນເຂົ້າ-ອອກເມືອງ ແຕ່ບໍ່ໄດ້ປິດທຸກຢ່າງ ຂເພາະການນໍາເຂົ້າ ແລະ ສົ່ງອອກ ສິນຄ້າອຸປະໂພກ-ບໍລິໂພກທີ່ຈຳເປັນ ແມ່ນຍັງສືບຕໍ່ໃຫ້ມີການນຳເຂົ້າ ຄືດັ່ງທີ່ຜ່ານມາ.​

ດັ່ງນັ້ນ ຂໍໃຫ້ຜູ້ປະກອບການດ້ານການຄ້າຂາຍ ຢ່າສວຍໂອກາດຂຶ້ນລາຄາສິນຄ້າອຸປະໂພກ ແລະ ບໍລິໂພກຕ່າງໆ.​

ສ່ວນພໍ່ແມ່ປະຊາຊົນ ກໍ່ບໍ່ໃຫ້ສັບສົນ ຫຼື ກະວົນກະວາຍ ຫຼາຍເກີນເຫດ ເພາະຍາມໃດ ພັກ ແລະ ລັດຖະບານ ກໍ່ຄືຄະນະພັກ-ອົງການປົກຄອງແຂວງ ກໍ່ມີຄວາມເປັນຫ່ວງເປັນໄຍ ຕໍ່ຊີວິດການເປັນຢູ່ຂອງປະຊາຊົນ ແລະ ເຮັດທຸກຢ່າງ ເພື່ອໃຫ້ປະຊາຊົນ ມີຊີວິດການເປັນຢູ່ດີຂຶ້ນເລື້ອຍໆ.

ພ້ອມນີ້,​ ເຈົ້າໜ້າທີ່ກວດກາຂະແໜງການຄ້າພາຍໃນ ພະແນກອຸດສາຫະກໍາ ແລະ ການຄ້າແຂວງ ກໍ່ໄດ້ແນະນໍາໃຫ້ຜູ້ຄ້າຂາຍເຄື່ອງອຸປະໂພກ-ບໍລິໂພກ ໃຫ້ຕິດປ້າຍລາຄາສິນຄ້າຂອງຕົນ.​

ຈາກນັ້ນ ກໍ່ໄດ້ສ້າງບົດບັນທຶກກັບຜູ້ຮ້ານຂາຍຢາ ໃຫ້ຂາຍຜ້າອັດປາກ ທີ່ເປັນຜະລິດຕະພັນນຳເຂົ້າຂອງບໍລິສັດ ຊີບີເອຟ ຟາຣມາ ຈຳກັດ ໃນລາຄາ 140.000 ກີບ/ກັບ,​ ຖ້າບຸກຄົນ ຫຼື​ຮ້ານໃດ ຜ່າຝືນ​ ເວລາເຈົ້າໜ້າທີ່ກວດເຫັນ ຈະມີການດໍາເນີນຕາມມາດຕະການທີ່ກໍານົດອອກ

ຖ້າທ່ານພົບເຫັນຜູ້ສວຍໂອກາດຂຶ້ນລາຄາສິນຄ້າ ກະລຸນາໂທແຈ້ງສາຍດ່ວນການຄ້າ ໄດ້ຕະຫຼອດເວລາທີ່ໝາຍເລກໂທລະສັບ 031 1510 ຂອບໃຈພາບຈາກທ່ານ ທູນທອງໄຈ ຫນັງຊືພິມ