ອອກມາແລ້ວຜົນກວດ! ແຮງງານລາວທີ່ກັບຈາກໄທມີ 45 ກໍລະນີສົງໄສ

ອອກມາແລ້ວຜົນກວດ! ແຮງງານລາວທີ່ກັບຈາກໄທມີ 45 ກໍລະນີສົງໄສ

2nd April 2020 0 By Admin

ກະຊວງສາທາລະນະສຸກ ແຈ້ງໃຫ້ຮູ້ວ່າ: ມາຮອດວັນທີ 31 ມີນາ 2020 ແຮງງານລາວທີ່ມາຈາກປະເທດໄທ ມີກໍລະນີສົງໄສຕິດເຊື້ອໄວຣັດໂຄວິດ-19 ທັງໝົດ 45 ກໍລະນີ ແລະ ໄດ້ເກັບຕົວຢ່່າງມາກວດທັງໝົດແລ້ວ ແຕ່ຜົນການກວດແມ່ນບໍ່ພົບເຊື້ອໄວຣັດໂຄວິດ-19.

ທ່ານ ຮສ ດຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ຜູ້ປະຈໍາການຄະນະສະເພາະກິດ ກ່າວໃນພິທີຖະແຫລງຂ່າວໃນວັນທີ 1 ເມສາ ນີ້ວ່າ: ມາຮອດວັນທີ 31 ມີນາ, ສປປ ລາວ ໄດ້ເກັບຕົວຢ່າງກໍລະນີສົງໄສມາກວດທັງໝົດ 437 ຄົນ (ຕົວເລກສະສົມ) ແລະ ກວດພົບເຊື້ອ 10 ຄົນ, ໃນນີ້ມີແຮງງານລາວມາຈາກປະເທດໄທ 45 ຄົນ ແຕ່ຜົນກວດວິເຄາະທັງໝົດເປັນລົບ.

ມາຮອດເວລາ 17:00 ໂມງຂອງວັນທີ 31 ມີນາ 2020 ມີຈຳນວນຜູ້ເດີນທາງເຂົ້າມາ ສປປ ລາວ ຜ່ານດ່ານຊາຍແດນ ທັງໝົດ 3.298 ຄົນ (ສ່ວນຜ່ານທາງສະໜາມບິນແມ່ນບໍ່ມີ) ເຊິ່ງສ່ວນໃຫຍ່ເປັນແຮງງານລາວທີ່ໄປເຮັດວຽກຢູ່ປະເທດໄທ, ໃນນັ້ນ ຜູ້ເດີນທາງຜ່ານທາງດ່ານ ລາວ-ໄທ ມີທັງໝົດ 2.864 ຄົນ ແລະ ພົບຄົນເປັນໄຂ້ຈຳນວນ 5 ຄົນ ຈາກແຂວງບໍ່ແກ້ວ, ເຊິ່ງທັງ 5 ຄົນນັ້ນ ໄດ້ຖືກນຳສົ່ງໄປຫ້ອງແຍກປ່ຽວໂຮງໝໍແຂວງບໍ່ແກ້ວ ແລະ ຈະເກັບຕົວຢ່າງສົ່ງມາກວດວິເຄາະຢູ່ສູນກາງ.

ທີ່ມາ: ຂ່າວສານປະເທດລາວ