ເພີ່ມອີກ 1 ກໍລະນີ ຜູ້ຕິດເຊື້ອໄວຣັດໂຄວິດ-19 ຢູ່ ລາວ ລວມເປັນ 10 ກໍລະນີແລ້ວ

ເພີ່ມອີກ 1 ກໍລະນີ ຜູ້ຕິດເຊື້ອໄວຣັດໂຄວິດ-19 ຢູ່ ລາວ ລວມເປັນ 10 ກໍລະນີແລ້ວ

1st April 2020 0 By Admin

ສະພາບຜຄ້ຕິດເຊື້ອພະຍາດໂຄວິດ-19 ຢູ່ ສປປ ລາວ ມາຮອດມື້ນີ້ ຍອດຜູ້ຕິດເຊື້ອໄວຣັດໂຄວິດ-19 ຢູ່ ສປປ ລາວ ເພີ່ມຂຶ້ນເປັນ 10 ກໍລະນີແລ້ວ, ຫລັງຈາກກະຊວງສາທາລະນະສຸກ ຢືນຢັນວ່າມີການຕິດເຊື້ອເພີ່ມອີກ 1 ຄົນໃນເວລາ 15:01 ໂມງມື້ນີ້ ຈາກຜົນກວດວິເຄາະຫາເຊື້ອທັງໝົດ 31 ກໍລະນີ ເຊິ່ງເປັນເພດຍິງ ຢູ່ນະຄອນຫລວງວຽງຈັນ.


ທ່ານ ດຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ກ່າວໃນພິທີຖະແຫລງຂ່າວໃນຕອນບ່າຍມື້ນີ້ (1 ເມສາ 2020) ວ່າ: ຜູ້ຕິດເຊື້ອເພີ່ມແມ່ນ ເພດຍິງ ອາຍຸ 21 ປີ ຢູ່ບ້ານໜອງສະໂນຄຳ ເມືອງສີໂຄດຕະບອງ ນະຄອນຫລວງວຽງຈັນ ເຊິ່ງເປັນຜູ້ໃກ້ຊິດ ແລະ ສຳຜັດກັບຜູ້ຕິດເຊື້ອກໍລະນີທີ 8.

ຂະນະທີ່ຍອດຜູ້ຕິດເຊື້ອທົ່ວໂລກຢູ່ທີ່ 859.796 ຄົນ, ເພີ່ມຂຶ້ນ 73.568 ຄົນ; ປິ່ນປົວຫາຍດີແລ້ວ 178.301 ຄົນ, ເພີ່ມຂຶ້ນ 12.260 ຄົນ ແລະ ເສຍຊີວິດແລ້ວ 42.341 ຄົນ, ເພີ່ມຂຶ້ນ 4.521 ຄົນ.