ຊົມເຊີຍ! ຫວຍພັດທະນາ ມອບເງິນ 500 ລ້ານກີບ ໃຫ້ລັດຖະບານຕ້ານພະຍາດ ໂຄວິດ-19

ຊົມເຊີຍ! ຫວຍພັດທະນາ ມອບເງິນ 500 ລ້ານກີບ ໃຫ້ລັດຖະບານຕ້ານພະຍາດ ໂຄວິດ-19

31st March 2020 0 By Admin

ສືບເນື່ອງຈາກສະຖານະການ ການແພ່ລະບາດຂອງພະຍາດໂຄວິດ-19 ທີ່ນັບມື້ຮຸນແຮງ ແລະ ແພ່ລາມເປັນວົງກວ້າງໃນຫຼາຍປະເທດທົ່ວໂລກ ເຊິ່ງສົ່ງຜົນກະທົບຕໍ່ເສດຖະກິດ ແລະ ການດຳລົງຊີວິດຂອງປະຊາຊົນ, ຂະນະທີ່ ສປປ ລາວເອງ ກໍ່ກຳລັງຜະເຊີນກັບວິກິດນີ້ເຊັ່ນດຽວກັນ ພາຍຫຼັງພົບຜູ້ຕິດເຊື້ອໂຄວິດ-19 ແລ້ວ ຈຳນວນ 9 ຄົນ. ເພາະສະນັ້ນ, ເພື່ອເປັນການປະກອບສ່ວນເຫຼືອ ແລະ ແບ່ງເບົາຊ່ວຍລັດຖະບານໃນການແກ້ໄຂບັນຫາ ແລະ ຊ່ວຍເຫຼືອທຶນຮອນປະກອບສ່ວນອຸປະກອນການແພດ ຫຼາຍພາກສ່ວນໄດ້ນຳເງິນມາມອບໃຫ້ລັດຖະບານ ປ້ອງກັນໂຄວິດ-19.

ເຊິ່ງຫຼ້າສຸດ, ວັນທີ 30 ມີນາ 2020 ຜ່ານມາ ບໍລິສັດລັດວິສາຫະກິດຫວຍພັດທະນາ ໄດ້ມອບເງິນ 500 ລ້ານກີບ ປະກອບສ່ວນເຂົ້າໃຫ້ວຽກງານສະກັດກັ້ນ ຕ້ານພະຍາດ ໂຄວິດ-19 ຂອງລັດຖະບານ ໂດຍກ່າວມອບໂດຍທ່ານ ອັກຄະວອນ ຫລວງສຸວັນນະວົງ ຜູ້ອຳນວຍການບໍລິສັດລັດວິສາຫະກິດຫວຍພັດທະນາ ແລະ ກ່າວຮັບໂດຍທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ປະທານຄະນະສະເພາະກິດ ຕ້ານພະຍາດ COVID-19 ໂຄວິດ-19 ເຊິ່ງພິທີມອບດັ່ງກ່າວຈັດຂຶ້ນທີ່ກະຊວງການເງິນ

ທີ່ມາ: ວຽງຈັນໃໝ່