ລັດຖະບານຫວຽດນາມ ຊ່ວຍເຫຼືອລ້າ 1 ລ້ານໂດລາ ສ້າງໂຮງຮຽນໃຫ້ເມືອງດາກຈຶງ

ລັດຖະບານຫວຽດນາມ ຊ່ວຍເຫຼືອລ້າ 1 ລ້ານໂດລາ ສ້າງໂຮງຮຽນໃຫ້ເມືອງດາກຈຶງ

14th November 2019 0 By Admin

ໃນວັນທີ 13 ພະຈິກ 2019 ຜ່ານມາ ໄດ້ມີພິທີມອບຮັບ ໂຮງຮຽນຫຼັງໃໝ່ ໂຮງຮຽນ ດາກຈຶງ ເຊິ່ງເປັນໂຮງຮຽນ ທີ່ໄດ້ຮັບ ການຊ່ວຍເຫຼືອລ້າ ໃນການກໍ່ສ້າງ ຈາກພັກ-ລັດ ແລະ ປະຊາຊົນຫວຽດນາມ ໃຫ້ແກ່ ເມືອງ ດາກຈຶງ ແຂວງເຊກອງ ເຊິ່ງໄດ້ເລີ່ມການກໍ່ສ້າງ ມາແຕ່ເດືອນ ມິຖຸນາ 2018 ລວມມູນຄ່າ ການກໍ່ສ້າງທັງໝົດ 1 ລ້ານ ໂດລາສະຫະລັດ.

ຕັ້ງຢູ່ໃນເນື້ອທີ່ 1,276 ຕາແມັດ ອາຄານຫ້ອງຮຽນ ເປັນອາຄານ 2 ຊັ້ນ, ປະກອບມີ ຫ້ອງຮຽນ 6 ຫ້ອງ, ຫ້ອງທົດລອງ 2 ຫ້ອງ, ຫ້ອງສະມຸດ 1 ຫ້ອງ, ຫ້ອງຂໍ້ມູນຂ່າວສານ, ຫ້ອງຮຽນພາສາຕ່າງປະເທດ ແລະ ຫ້ອງປະຊຸມໃຫຍ່ 1 ຫ້ອງ. ທຸກໆຫ້ອງຮຽນ ແມ່ນມີການຕິດຕັ້ງ ວັດຖຸ ອຸປະກອນ ທີ່ທັນສະໄຫມ ເພື່ອຮັບປະກັນ ການພັດທະນາ ຊັບພະຍາກອນມະນຸດ ທີ່ມີປະສິດທິພາບ.

ການຊ່ວຍເຫຼືອການກໍ່ສ້າງໂຮງຮຽນດັ່ງກ່າວ ຖືວ່າ ເປັນຂີດໝາຍສໍາຄັນ ແຫ່ງມິດຕະພາບ ແລະການຮ່ວມມື ຂອງສອງປະເທດ ລາວ-ຫວຽດນາມ. ຈາກສະຖິຕິ ຈາກຫວຽດນາມ, 60% ຂອງການຊ່ວຍເຫຼືອ ຈາກ ຫວຽດນາມ ໃຫ້ ສປປ ລາວ ແມ່ນສຸມໃສ່ ການຝຶກອົບຮົມ ຊັບພະຍາກອນມະນຸດ, ລວມເຖິງ ການສ້າງ ສິ່ງອໍານວຍຄວາມສະດວກ ໃຫ້ແກ່ດ້ານ ການສຶກສາ ຢູ່ ສປປ ລາວ.

ທີ່ມາ: Lao Youth Radio FM 90.0 Mhz