ບໍລິສັດພີພີຂາເຂົ້າ – ຂາອອກຈຳກັດມອບອຸປະກອນປ້ອງກັນພະຍາດອັກເສບປອດໃຫ້ ແຂວງຄຳມ່ວນ

ບໍລິສັດພີພີຂາເຂົ້າ – ຂາອອກຈຳກັດມອບອຸປະກອນປ້ອງກັນພະຍາດອັກເສບປອດໃຫ້ ແຂວງຄຳມ່ວນ

30th March 2020 0 By Admin

ບໍລິສັດພີພີຂາເຂົ້າ – ຂາອອກຈຳກັດມອບອຸປະກອນປ້ອງກັນພະຍາດອັກເສບປອດໃຫ້ ແຂວງຄຳມ່ວນ.

ໃນວັນທີ 30 ມີນາ 2020 ທາງບໍລິສັດພີພີຂາອອກ – ຂາເຂົ້າໄດ້ນຳເອົາອຸປະກອນຮັບໃຊ້ເຂົ້າໃນວຽກງານປ້ອງກັນພະຍາດອັກເສບປອດ ( ໂຄວິດ 19 ) ມາມອບໃຫ້ແຂວງຄຳມ່ວນ.

ຕາງໜ້າກ່າວມອບໂດຍ ທ່ານ ບຸນນຳ ສີໃສແກ້ວ ແລະ ນາງສົມຈິດ ສີໃສແກ້ວ ປະທານບໍລິສັດພີພີຂາອອກ – ຂາເຂົ້າ.

ເປັນກຽດກ່າວຮັບໂດຍ ທ່ານ ບຸນມີ ພິມມະສອນ ຮອງເຈົ້າ ແຂວງຄຳມ່ວນ, ຫົວໜ້າຄະນະສະເພາະກິດຄວບຄຸມ ແລະ ສະກັດກັ້ນການລະບາດຂອງພະຍາດອັກເສບປອດຂັ້ນແຂວງ. ເຊິ່ງປະກອບມີຜ້າອັດປາກ, ເຈວລ້າງມື, ຖົງມື ແລະ ນໍ້າດື່ມຈຳນວນໜື່ງລວມມູນຄ່າ 11 ລ້ານກວ່າກີບ.

ເຊິ່ງເຄື່ອງດັ່ງກ່າວຈະໄດ້ນຳໄປແຈກຢາຍຕໍ່ໃຫ້ພະນັກງານແພດໝໍ ແລະ ຜູ້ທີປະຕິບັດໜ້າທີ່ໃນການເຄື່ອນໄຫວວຽກດັ່ງກ່າວຢູບັນດາເມືອງ ແລະ ສູນຮອງຮັບຕ່າງໆ.

ໃນໄລຍະຜ່ານມາໄດ້ມີຜູ້ປະກອບການຈາກຫລາຍພາກສ່ວນເປັນຕົ້ນບໍລິສັດຂົນສົ່ງຂອງ ທ່ານ ທູນສະຫວັນ ສີຈັນທອງທິບ ປະກອບສ່ວນຜ້າອັດປາກ 10 ແກັດ ແລະ ເຄື່ອງວັດແທກອຸ່ນຫະພູມອິນຟາເລດຈຳນວນ 29 ເຄື່ອງ, ລວມມູນຄ່າທັງໝົດ 113 ລ້ານກວ່າກີບ, ແຂວງ ສະຫວັນນະເຂດ ປະກອບມີຜ້າອັດປາກ 60 ກັບ, ເຈ່ວລ້າງມື 12 ກ່ອງ ແລະ ທ່ານ ນາງ ເລຟຸກ ປະກອບຜ້າອັດປາກ 20 ກັບ.

ໃນໂອກາດດຽວກັນ ທ່ານດຣ ພາສຸກ ຄຳມະນີທອງ ຮອງຫົວໜ້າພະແນກ ສາທາລະນະສຸກແຂວງຍັງໄດ້ກ່າວຕໍ່ສື່ທ້ອງຖິ່ນໃຫ້ຮູ້ວ່າ : ສໍາລັບການເຝົ້າລະວັງການແຜ່ລະບາດຂອງພະຍາດອັກເສບປອດໃນແຂວງຄຳມ່ວນປະຈຸບັນຍັງບໍ່ມີກໍລະນີບຸກຄົນໃດທີ່ເຂົ້າຄາຍຕິດເຊື້ອໂດຍຜ່ານມາໄດ້ມີການກວດບຸກ ຄົນທີສົງໃສຈຳນວນ 11 ຄົນຜົນກວດແມ່ນເປັນລົບ ( ບໍ່ພົບເຊື້ອ ) ແຕ່ເຖິງຢ່າງໃດກໍ່ຕາມກໍ່ຮຽກຮ້ອງໃຫ້ທຸກຄົນຈົ່ງມີສະຕິລະວັງຕົວ ແລະ ຕິດຕາມແຈ້ງການຈາກທາງການເປັນປະຈຳ, ພ້ອມທັງຕິດຕາມຂໍ້ມູນຂ່າວສານທີ່ເປັນປະໂຫຍດໃນການຕ້ານກັບພະຍາດດັ່ງກ່າວ.

ຈາກ: https://khammouanenews.com/ ແຂວງຄຳມ່ວນ