ພິທີຊາປະນະກິດສົບ ສະຫາຍ ພົນຈັດຕະວາ ບົວສ້ຽງ ຈຳປາພັນ ຈັດຂຶ້ນຢ່າງສົມກຽດ

ພິທີຊາປະນະກິດສົບ ສະຫາຍ ພົນຈັດຕະວາ ບົວສ້ຽງ ຈຳປາພັນ ຈັດຂຶ້ນຢ່າງສົມກຽດ

30th March 2020 0 By Admin

ງານຊາປະນະກິດສົບຂອງ ສະຫາຍ ພົນຈັດຕະວາ ບົວສ້ຽງ ຈຳປາພັນ ອະດີດຄະນະພັກກະ ຊວງປ້ອງກັນປະເທດ,ອະດີດ ຮອງຫົວໜ້າກົມໃຫຍ່ເສນາທິ ການກອງທັບ, ນັກຮົບແຂ່ງຂັນ ແຫ່ງຊາດ, ພະນັກງານປະ ຕິວັດອາວຸໂສບຳນານຂອງກອງທັບທີ່ໄດ້ລ່ວງລັບໄປ ໃນວັນທີ 24 ມີນາ 2020 ລວມອາຍຸໄດ້ 80 ປີ,

ມາໃນວັນທີ 27 ມີນາ ນີ້, ພິທີ ຊາປະນະກິດສົບໄດ້ຈັດຂຶ້ນຢ່າງ ສົມກຽດທ່າມກາງບັນຍາກາດທີ່ ໂສກເສົ້າເສຍດາຍ ແລະ ອາໄລ ອາວອນຂອງຄອບຄົວຈຳປາພັນ ແລະ ຍາດຕິພີ່ນ້ອງ, ຢູ່ທີ່ວັດເທບ ນິມິດ (ທາດຝຸ່ນ ) ນະຄອນຫຼວງ ວຽງຈັນ ໂດຍມີ ສະຫາຍ ພົນເອກ ຈັນສະໝອນ ຈັນຍາລາດ ລັດ ຖະມົນຕີກະຊວງປ້ອງກັນປະ ເທດ, ມີການນຳ, ອະດີດການ ນຳຂັ້ນສູງ, ນາຍ ແລະ ພົນທະ ຫານ- ຕຳຫຼວດ, ຍາດຕິພີ່ນ້ອງ ແລະ ເພື່ອນມິດເຂົ້າຮ່ວມຢ່າງ ຫຼວງຫຼາຍ.

ສະຫາຍ ພົນໂທ ສຸວອນ ເລືອງ ບຸນມີ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ ເສນາທິການກອງທັບ, ຫົວໜ້າອະ ນຸກຳມະການຮັບຜິດຊອບງານ ຊາປະນະກິດສົບຂອງ ສະຫາຍ ພົນຈັດຕະວາ ບົວສ້ຽງ ຈຳປາພັນ ໄດ້ກ່າວສະດຸດີ, ປະຫວັດຫຍໍ້ ແລະ ການເຄື່ອນໄຫວປະຕິວັດຂອງ ສະຫາຍ ບົວສ້ຽງ ຈຳປາພັນ: ສະຫາຍ ບົວສ້ຽງ ຈຳປາພັນ ເກີດເມື່ອວັນທີ 15 ມັງກອນ 1940 ໃນຄອບຄົວຊາວໄຮ່ນາ ຢູ່ທີ່ບ້ານເມືອງເປີ, ເມືອງຊ່ອນ, ແຂວງຫົວພັນ ໄດ້ແຕ່ງງານກັບ ນາງ ລຸນທອງ ຈຳປາພັນ ມີລູກ ຮ່ວມກັນ 5 ຄົນ. ປັດຈຸບັນຢູ່ບ້ານ ໜອງໄຮ, ເມືອງຫາດຊາຍຟອງ, ນະຄອນຫຼວງວຽງຈັນ.

ຍ້ອນເຫັນໄດ້ຄວາມປ່າເຖື່ອນ ຂອງພວກຈັກກະພັດອາເມຣິກາ ທີ່ມີຕໍ່ປະຊາຊົນລາວບັນດາເຜົ່າ, ສະຫາຍຈຶ່ງໄດ້ເອົາຊີວິດຂອງຕົນ ເຂົ້າຮ່ວມການປະຕິວັດດ້ວຍໄວ ອາຍຸພຽງແຕ່ 16 ປີ ເຊິ່ງສະຫາຍ ອຸທິດຊີວິດເຫື່ອແຮງສະຕິປັນຍາ ຂອງຕົນເຂົ້າໃນພາລະກິດຕໍ່ສູ້ປົດ ປ່ອຍຊາດ ກໍຄືພາລະກິດປົກປັກ ຮັກສາ ແລະ ພັດທະນາປະເທດ ຊາດ ແລະ ເພື່ອຄວາມເປັນເອກະ ລາດ ແລະ ຄວາມສົມບູນພູນສຸກ ຂອງປະຊາຊົນລາວບັນດາເຜົ່າ, ສະຫາຍແມ່ນພະນັກງານຜູ້ໜຶ່ງທີ່ ມີຄວາມຫ້າວຫັນ, ດຸໝັ່ນໃນການ ຄົ້ນຄວ້າຮຳ່ຮຽນ, ຕັ້ງໜ້າເຝິກຝົນ ຫຼໍ່ຫຼອມຕົນເອງທາງດ້ານຄຸນສົມ ບັດ ແລະ ຄວາມຮູ້, ຄວາມສາມາດ ເຊິ່ງເລີ່ມຈາກເປັນນັກຮົບ, ເປັນ ພະນັກງານວິຊາການທີີ່ມີຄວາມ ຊຳນິຊຳນານ, ກາຍເປັນພະນັກ ງານນຳພາ-ບັນຊາດີເດັ່ນ ມີໄຫວ ພິກຄ່ອງແຄ້ວເດັດຂາດ, ໜຽວ ແໜ້ນ ແລະ ມີນຳ້ໃຈເສຍສະຫຼະ ເພື່ອຜົນປະໂຫຍດຂອງສ່ວນລວມ ມີຄວາມຊື່ສັດບໍລິສຸດຕໍ່ປະເທດ ຊາດ ແລະ ປະຊາຊົນ,

ສະນັ້ນຈຶ່ງ ໄດ້ຮັບຄວາມໄວ້ວາງໃຈຈາກຂັ້ນ ເທິງ ແລະ ຄວາມຮັກແພງຈາກ ອ້າຍນ້ອງຕະຫຼອດມາ, ການ ເຄື່ອນໄຫວ ແລະ ການດຳລົງຊີວິດ ຂອງສະຫາຍໄດ້ກາຍເປັນແບບ ຢ່າງອັນດີງາມໃຫ້ແກ່ພະນັກ ງານ-ນັກຮົບ. ການລ່ວງລັບຂອງສະຫາຍ ພົນຈັດຕະວາ ບົວສ້ຽງ ຈຳປາພັນ ໃນຄັ້ງນີ້ແມ່ນການສູນເສຍນັກຮົບ ປະຕິວັດອາວຸໂສພະນັກງານການ ນຳຂັ້ນສູງຂອງກອງທັບປະຊາ ຊົນລາວ ເຊິ່ງສະຫາຍເປັນຜູ້ມີ ແບບແຜນການດຳລົງຊີວິດທີ່ປອດ ໃສ ແລະ ເປັນແບບຢ່າງອັນໃສ ແຈ້ງໃຫ້ແກ່ພະນັກງານ-ນັກຮົບ ແລະ ປະຊາຊົນລາວບັນດາເຜົ່າ. ເຖິງຢ່າງໃດກໍຕາມພະນັກ ງານ-ນັກຮົບ ແລະ ປະຊາຊົນ ລາວບັນດາເຜົ່າຈະສືບຕໍ່ເຕົ້າໂຮມ ຄວາມສາມັກຄີໃຫ້ເປັນປຶກແຜ່ນ ແລະ ເດັດດ່ຽວປະກອບສ່ວນຕັ້ງ ໜ້າເຂົ້າໃນການສືບຕໍ່ສ້າງສາ ແລະ ພັດທະນາປະເທດຊາດອັນ ແສນຮັກຂອງຕົນໃຫ້ກ້າວຂຶ້ນ ຢ່າງບໍ່ຢຸດຢັ້ງ.

ໂດຍ: ຈັນທະວົງ