ບໍລິສັດຮູນານ ຊຽງເຟິງ ການບິນຈຳກັດ ມອບເຄື່ອງຊ່ວຍເຫຼືອ ຕ້ານພະຍາດໂຄວິດ ໃຫ້ກະຊວງປ້ອງກັນປະເທດ

ບໍລິສັດຮູນານ ຊຽງເຟິງ ການບິນຈຳກັດ ມອບເຄື່ອງຊ່ວຍເຫຼືອ ຕ້ານພະຍາດໂຄວິດ ໃຫ້ກະຊວງປ້ອງກັນປະເທດ

27th March 2020 0 By Admin

ບໍລິສັດ ຮູນານ ຊຽງເຟິງ ການບິນຈຳກັດ ນຳໂດຍ ທ່ານ ຊົ່ງເຈຍເຟິງ ປະທານບໍລິສັດ ດັ່ງ ກ່າວ ພ້ອມດ້ວຍຄະນະ ໄດ້ນຳເອົາ ເຄື່ອງຊ່ວຍເຫຼືອຕ້ານພະຍາດ ໂຄ ວິດ-19 ມາມອບໃຫ້ກະຊວງປ້ອງ ກັນປະເທດ ໃນວັນທີ 26 ມີນານີ້.

ເຄື່ອງທີ່ນຳມາມອບໃນຄັ້ງນີ້ລວມ ມີຜ້າອັດປາກ 20.000 ຜືນ, ອຸ ປະກອນວັດແທກອຸນຫະພູມ 50 ອັນ ແລະ ນໍ້າຢາລ້າງມື 200 ກ່ອງ ລວມມູນຄ່າທັງໝົດ 76.000.000 ກີບ.

ໂອກາດນີ້ ທ່ານ ພັນເອກ ໄພວັນ ຈັນທະພົມ ມາ ຮອງຫົວໜ້າຫ້ອງວ່າການກະ ຊວງປ້ອງກັນປະເທດ ໄດ້ຕາງ ໜ້າໃຫ້ກະຊວງປ້ອງກັນປະເທດກ່າວສະແດງຄວາມຂອບໃຈ ແລະ ຮູ້ບຸນຄຸນຕໍໍ່ທ່ານປະທານບໍລິສັດ ຮູນານ ຊຽງເຟິງ ການບິນຈຳກັດ ພ້ອມດ້ວຍຄະນະ ທີ່ເຫັນໄດ້ຄວາມ ຈຳເປັນ ແລະ ຄວາມສຳຄັນຂອງ ວຽກງານປ້ອງກັນຊາດ-ປ້ອງກັນ ຄວາມສະຫງົບ ແລະ ເປັນຫ່ວງ ເປັນໃຍຕໍ່ສຸຂະພາບຂອງນາຍ ແລະ ພົນທະຫານຂອງກອງທັບ ຕະຫຼອດພໍ່ແມ່ປະຊາຊົນລາວບັນດາເຜົ່າທີ່ພວມຜະເຊີນໜ້າກັບພະຍາດ ໂຄວິດ-19 ເຊິ່ງໄດ້ໃຫ້ການ ຊ່ວຍເຫຼືອເຄື່ອງປ້ອງກັນພະຍາດ ໃຫ້ແກ່ກອງທັບພວກເຮົາ ແລະ ສັນຍາວ່າຈະນໍາເອົາອຸປະກອນທີ່ ໄດ້ຮັບໃນຄັ້ງນີ້ໄປນຳໃຊ້ໃຫ້ເກີດ ປະໂຫຍດສູງສຸດ.

ໂດຍ: ອາຫວຸ້ນ