ຈິງຈັງຊ່ວຍກັນ! ລັດຖະບານເພີ່ມ 6 ມາດຕະການເຂັ້ມງວດ ຄວບຄຸມການແຜ່ລະບາດຂອງພະຍາດໂຄວິດ-19

ຈິງຈັງຊ່ວຍກັນ! ລັດຖະບານເພີ່ມ 6 ມາດຕະການເຂັ້ມງວດ ຄວບຄຸມການແຜ່ລະບາດຂອງພະຍາດໂຄວິດ-19

26th March 2020 0 By Admin

ວັນທີ 25 ມີນາ 2020 ນີ້, ເວລາ 11:00 ໂມງ, ຢູ່ທີ່ສໍານັກ ງານນາຍົກ ໄດ້ມີການຖະແຫຼງ ຂ່າວກ່ຽວກັບສະຖານະການ ການລະບາດຂອງພະຍາດໂຄ ວິດ-19 ໃນ ສປປ ລາວ ໂດຍ ທ່ານ ທອງລຸນ ສີສຸລິດ ນາຍົກລັດຖະ ມົນຕີແຫ່ງ ສປປ ລາວ ພ້ອມຄະ ນະສະເພາະກິດ. ເພື່ອແຈ້ງສະພາບ ການລະບາດຂອງເຊື້ອພະຍາດ ໂຄວິດ-19, ທ່ານ ນາຍົກລັດຖະ ມົນຕີ ໄດ້ຮຽກຮ້ອງໃຫ້ປະຕິບັດ ຕາມແຈ້ງການ ແລະ ລະບຽບວິໄນ ຢ່າງເຂັ້ມງວດເພື່ອພ້ອມກັນຕ້ານ ການແຜ່ລະບາດຂອງເຊື້ອພະຍາດ ໂຄວິດ-19.

ທ່ານ ທອງລຸນ ສີສຸລິດ ນາຍົກ ລັດຖະມົນຕີ ແຫ່ງ ສປປ ລາວ ພ້ອມຄະນະສະເພາະກິດ ໄດ້ຖະ ແຫຼງຂ່າວຕໍ່ສື່ມວນຊົນ ກ່ຽວກັບ ການລະບາດຂອງເຊື້ອພະຍາດ ໂຄວິດ-19. ປັດຈຸບັນໃນປະເທດ ລາວເຮົາມີການກວດພົບຜູ້ຕິດ ເຊື້ອ 2 ຄົນ, ຫຼ້າສຸດ ວັນທີ 25 ມີນາ 2020 ຄະນະສະເພາະກິດ ເພື່ອປ້ອງກັນ,​ຄວບຄຸມ ແລະ ແກ້ໄຂ ການແພ່ລະບາດຂອງພະຍາດໂຄວິດ-19 ຖະແຫຼງການວ່າ ພົບຜູ້ຕິດເຊື້ອໂຄວິດ-19 ເພີ່ມອີກ 1 ກໍລະນີ ລວມເປັນ 3 ກໍລະນີແລ້ວ (ຍິງ 1, ຊາຍ 2).

ດັ່ງນັ້ນ,​ ມາຮອດປັດຈຸບັນ ລັດຖະບານເພີ່ມ ມາດຕະການເຂັ້ມງວດຄືດັ່ງນີ້: 1. ຈະເພີ່ມທະວີຕິດຕາມແຮງ ງານທີ່ກັບມາຈາກປະເທດເພື່ອນ ບ້ານ ເພື່ອຄຸ້ມຄອງເຂັ້ມງວດກັກ ຕົວເອງພາຍໃນ 14 ວັນ ເພື່ອຕິດ ຕາມອາການ, 2. ຂໍໃຫ້ທຸກຄົນປະ ຕິບັດຕົນເອງຕາມຫຼັກການແພດ ວາງອອກ ແລະ ກວດກາເປັນປົກ ກະຕິ, 3. ໃຫ້ທຸກພາກສ່ວນປະຕິ ບັດຕາມການເຄື່ອນໄຫວຂອງ ສໍານັກງານ, ໃຫ້ຢຸດຕິການປະຊຸມ ແລະ ການຊຸມນຸມຈໍານວນຫຼາຍ, ຖ້າມີຄວາມສາມາດເຮັດວຽກຢູ່ ເຮືອນ ຜ່ານອອນລາຍ ກໍໃຫ້ຈັດ ຕັ້ງປະຕິບັດໄດ້, 4. ການເດີນທາງ ໄປມາລະຫວ່າງກັນຄື: ບ້ານຕໍ່ ບ້ານ, ເມືອງຕໍ່ເມືອງ ຫຼື ສໍານັກງານຕໍ່ສໍານັກງານແມ່ນໃຫ້ຫຼຸດ ຜ່ອນໂດຍການໂທລະສັບຫາກັນ, 5. ຖ້າພົບເຫັນອາການຜິດປົກ ກະຕິໃຫ້ຮີບຮ້ອນໂທຫາແພດ ຈາກສາຍດ່ວນ 166

6. ຄະນະສະເພາະກິດຈະໄດ້ອອກຂໍ້ ກໍານົດຕື່ມອີກເພື່ອໃຫ້ສັງຄົມປະຕິບັດຢ່າງເຂັ້ມງວດ ທັງນີ້ກໍເພື່ອ ປົກປັກຮັກສາຊີວິດປະຊາຊົນ ແລະ ຮຽກຮ້ອງໃຫ້ທຸກຄົນໃນສັງ ຄົມຈົງເປັນເຈົ້າການເພື່ອຮ່ວມມື ກັນຕ້ານການແຜ່ລະບາດຂອງ ເຊື້ອພະຍາດໂຄວິດ-19.

ສໍາລັບແຮງງານລາວທີ່ໄປເຮັດວຽກຢູ່ໄທທີ່ຍັງຕົກຄ້າງຢູ່ປະເທດໄທຈໍານວນຫລາຍ ທ່ານ ທອງລຸນ ສີສຸລິດ ມີຄໍາເຫັນວ່າ: ພວກເຂົາເລົ່ານັ້ນແມ່ນຄົນລາວ, ສະນັ້ນ ລັດຖະບານຈະຊອກທຸກວິທີທາງເພື່ອຊ່ວຍເຫລືອເຂົາເຈົ້າໃຫ້ໄດ້ກັບຄືນບ້ານເກີດເມືອງນອນ, ແຕ່ຖ້າຫາກໄດ້ຮັບການຊ່ວຍເຫລືອກັບມາລາວແລ້ວທຸກຄົນຕ້ອງໄດ້ຮັບການກວດກາຫາເຊື້ອພະຍາດໂຄວິດ-19 ຫລື ມີການກັກຕົວ 14 ວັນຕາມຫລັກການສາກົນທີ່ກໍານົດ, ສ່ວນຜູ້ປະກອບການທຸລະກິດຕ່າງຯ ທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ລັດຖະບານກໍາລັງວາງແຜນຢູ່ ແລະ ຈະປະກາດຢ່າງເປັນທາງການໃນອີກບໍ່ດົນນີ້.

 

ໂດຍ: ທອງເພັດ ໄຊຍະເພັນ