ນາຍົກເນັ້ນ ຕ້ອງປະຕິບັດມາດຕະການຕ່າງໆຢ່າງເຂັ້ມງວດ ຫຼັງພົບຜູ້ຕິດເຊື້ອລວມ 3 ກໍລະນີໃນລາວ

ນາຍົກເນັ້ນ ຕ້ອງປະຕິບັດມາດຕະການຕ່າງໆຢ່າງເຂັ້ມງວດ ຫຼັງພົບຜູ້ຕິດເຊື້ອລວມ 3 ກໍລະນີໃນລາວ

25th March 2020 0 By Admin

ປັດຈຸບັນ ການແພ່ລະບາດຂອງໂຄວິດ-19 ນັບມື້ທະວີຄູນ ຄວາມຮຸນແຮງ ແລະ ແພ່ລະບາດໃນຫຼາຍປະເທດ. ສຳລັບ ສປປ ລາວ ພາຍຫຼັງທີ່ກວດພົບ 2 ກໍລະນີຜູ້ຕິດເຊື້ອແລ້ວ ມາຮອດວັນທີ 24 ມີນາ ລັດຖະບານ ເນັ້ນໃຫ້ທຸກພາກສ່ວນ ຮ່ວມກັນຈັດຕັ້ງປະຕິບັດບັນດາກມາດຕະການຕ່າງໆ ທີ່ຄະນະສະເພາະກິດອອກມາດຕະການປ້ອງກັນຢ່າງເຄັ່ງຄັດ ແລະ ຍັງຈະເພີ່ມມາດຕະການເຂັ້ມງວດຕື່ມອີກ.


ໃນວັນທີ 25 ມີນາ 2020 ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ພ້ອມຄະນະສະເພາະກິດ ໄດ້ຖະແຫຼ່ງຂ່າວຕໍ່ສື່ມວນຊົນ ກ່ຽວກັບການລະບາດຂອງເຊື້ອ ໂຄວິດ-19 ໃຫ້ຮູ້ວ່າ: ຈະເພີ່ມທະວີຕິດຕາມແຮງງານທີ່ກັບມາຈາກປະເທດເພື່ອນບ້ານ ເພື່ອຄຸ້ມຄອງໃຫ້ເຂັ້ມງວດ ກັກຕົນເອງພາຍໃນ 14 ວັນ ໂດຍໃຫ້ປະຕິບັດຫຼັກການຕົນເອງ ຕາມຫຼັກການແພດວາງອອກ ແລະ ກວດກາເປັນປົກກະຕິ; ຖ້າພົບອາການຜິດປົກກະຕິໃຫ້ຮີບຮ້ອນໂທຫາແພດຈາກສາຍດ່ວນ 166 ແລະ ຄະນະສະເພາະກິດຈະໄດ້ອອກຂໍ້ກຳນົດຕື່ມອີກ ເພື່ອໃຫ້ສັງຄົມປະຕິບັດຢ່າງເຂັ້ມງວດ ທັງນີ້, ກໍເພື່ອປົກປັກຮັກສາ ຊິວິດປະຊາຊົນ ແລະ ຮຽກຮ້ອງສັງຄົມໃຫ້ຮ່ວມມືກັນ.


ຫຼ້າສຸດ, ມື້ນີ້ (25 ມີນາ 2020) ກະຊວງສາທາລະນະສຸກ ໄດ້ຈັດພິມີຖະແຫຼງຂ່າວ ກ່ຽວກັບການລະບາດຂອງພະຍາດໂຄວິດ-19 ໂດຍທ່ານ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກໄດ້ຢືນຢັນເປັນທາງການແລ້ວວ່າ ສປປ ລາວ ພົບຜູ້ຕິດເຊື້ອໂຄວິດ-19 ໃນລາວເພີ່ມອີກ 1 ກໍລະນີ ລວມເປັນ 3 ກໍລະນີແລ້ວ ເປັນເພດຊາຍ ອາຍຸ 26 ປີ ອາຊີບນັກທຸລະກິດ ຢູ່ບ້ານຫ້ວຍຮ່ອມ,​ ເມືອງສີໂຄຕະບອງ ນະຄອນຫຼວງວຽງຈັນ ໂດຍຕິດຈາກກໍລະນີສຳພັດ