ດ່ວນ! ຄັ້ງທຳອິດໃນລາວ ກວດພົບ 2 ກໍລະນີ ຕິດເຊື້ອໂຄວິດ-19

ດ່ວນ! ຄັ້ງທຳອິດໃນລາວ ກວດພົບ 2 ກໍລະນີ ຕິດເຊື້ອໂຄວິດ-19

24th March 2020 Off By Admin

ກາຍເປັນປະເດັນ ທີ່ສັງຄົມໃຫ້ຄວາມສົນໃຈ ແລະ ຢາກຮູ້ຄຳຕອບຈາກທາງການເປັນຢ່າງຍິ່ງ ກໍລະນີທີ່ມີສື່ອອນລາຍໄດ້ມີການແຊຂໍ້ມູນ ກ່ຽວກັບການແພ່ລະບາດຂອງພະຍາດອັກເສບປອດ ທີ່ເກີດຈາກເຊື້ອຈຸລະໂຣກສາຍພັນໃໝ່ໂຄວິດ-19 ລະບຸວ່າ ສ ປປ ລາວ ມີຈຳນວນຜູ້ຕິດເຊື້ອພະຍາດໂຄວິດ-19 ແລ້ວ ຈຳນວນ 2 ກໍລະນີ.

ຕໍ່ກັບເຫດການດັ່ງກ່າວ ທ່ານ ພູທອນ ເມືອງປາກ ຮອງລັດຖະມົນຕີ ກະຊວງລັດຖະມົນຕີ ກະຊວງສາທາລະນະສຸກໄດ້ຖະແຫຼງຕໍ່ສື່ມວນຊົນໃນຕອນບ່າຍວັນທີ 24 ມີນາ 2020 ຢູ່ກະຊວງສາທາລະນະສຸກວ່າ: ມາຮອດປັດຈຸບັນ ສປປ ລາວ ພົບກໍລະນີຜູ້ສົງໄສຕິດເຊື້ອໂຄວິດ-19 ທັງໝົດ 131 ກໍລະນີ ໃນນັ້ນ 129 ກໍລະນີ ຜົນກວດອອກມາເປັນລົບ ບໍ່ພົບເຊື້ອໂຄວິດ-19.


ສ່ວນ 2 ກໍລະນີ ຜົນກວດອອກມາເປັນບວກ ພົບຕິດເຊື້ອໂຄວິດ-19 ເນື່ອງຈາກຜູ້ກ່ຽວມີອາການຄ້າຍຄືນິຍາມ ຂອງການຕິດເຊື້ອໂຄວິດ-19 ແລະ ເປັນຄັ້ງທຳອິດ ທີ່ມີການຢັ້ງຢືນຈາກກະຊວງສາທາລະນະສຸກ.


ສຳລັບກໍລະນີຜູ້ຕິດເຊື້ອ 2 ຄົນ ແມ່ນພົນລະເມືອງລາວ ທີ່ມີປະຫວັດເດີນທາງໄປປະເທດ ທີ່ມີການລະບາດຂອງພະຍາດໂຄວິດ-19 ຄື: ຜູ້ທຳອິດ ເປັນເພດຍິງ ອາຍຸ 36 ປີ ອາຊີບເປັນໄກນຳທ່ຽວ, ສ່ວນຄົນທີ 2 ແມ່ນເພດຊາຍ ອາຍຸ 28 ປີ ອາຊີບ ພະນັກງານໂຮງແຮມ ຢູ່ຄຣາວພລາຊາ ເຊິ່ງທັງສອງໄດ້ເຂົ້າປິ່ນປົວຢູ່ໂຮງໝໍມິດຕະພາບ 150 ຕຽງ.