ດ່ວນ! ປິດບໍລິການຊົ່ວຄາວ ລົດເມທາລາລະນະສາຍທາງ ໄອເຕັກ-ຕະຫຼາດເຊົ້າ-ສະຫນາມບິນ

ດ່ວນ! ປິດບໍລິການຊົ່ວຄາວ ລົດເມທາລາລະນະສາຍທາງ ໄອເຕັກ-ຕະຫຼາດເຊົ້າ-ສະຫນາມບິນ

24th March 2020 0 By Admin

ທ່າມກາງການລະບາດຂອງພະຍາດໂຄວິດ-19 ທີ່ນັບມື້ຮຸນແຮງ ແລະ ແພ່ລາມຢູ່ໃນຫຼາຍປະເທດ ໄດ້ສົ່ງຜົນກະທົບທາງກົງ ແລະ ທາງອ້ອມຕໍ່ການພັດທະນາເສດຖະກິດ-ສັງຄົມ ແລະ ການດຳລົງຊີວິດຂອງປະຊາຊົນ. ຈາກສະຖານະການດັ່ງກ່າວ ຫຼາຍປະເທດໄດ້ມີການເພີ່ມມາດຕະການເຂັມງວດໃນການປ້ອງກັນ, ຄວບຄຸມ ແລະ ສະກັດກັ້ນ. ຂະນະທີ່ ສປປ ລາວ ເອງເຊິ່ງມາຮອດປັດຈຸບັນ ຍັງບໍ່ທັນມີການລາຍງານກໍລະນີຂອງຜູ້ຕິດເຊື້ອຢ່າງເປັນທາງການ.

ສະນັ້ນ, ເພື່ອປ້ອງກັນ ແລະ ຕ້ານການແພ່ລະບາດຂອງພະຍາດດັ່ງກ່າວຢູ່ໃນປະເທດ ຫຼາຍກິດຈະການໄດ້ຖືກປິດຊົ່ວຄາວ ເຊິ່ງໜຶ່ງໃນນັ້ນແມ່ນ ການໃຫ້ບໍລິການລົດເມສາຍທາລາລະນະ  ໂດຍສະເພາະສາຍ ໄອເຕັກ-ຕະຫຼາດເຊົ້າ-ສະຫນາມບິນ ຮູ້ໄວ້ວ່ານັບແຕ່ວັນທີ 24 ມີນາ 2020 ທາງຄິວລົດເມດັ່ງກ່າວຈະໄດ້ປິດໃຊ້ບໍລິການຊົ່ວຄາວ.

ໂດຍອີງຕາມ ການແຈ້ງເຕືອນຂອງກະຊວງສາທາລະນະສຸກ ເພື່ອຫຼີກລ້ຽງ ແລະ ປ້ອງກັນການລະບາດຂອງພະຍາດປອດອັກເສບ ໂຄວິດ – 19 ລະບາດ. ທາງລັດວິສາຫະກິດລົດເມນະຄອນຫຼວງວຽງຈັນ ຈຶ່ງໄດ້ອອກແຈ້ງການ ສະບັບເລກທີ 517/city2 ລົງວັນທີ 23 ມີນາ 2020.

ແຈ້ງມາຍັງຜູ້ໂດຍສານຮັບຊາບວ່າ ນັບຕັ້ງແຕ່ ວັນທີ 24 ມີນາ 2020 ຈະໄດ້ຢຸດການໃຫ້ບໍລິການລົດເມ ສາຍ ໄອເຕັກ-ຕະຫຼາດເຊົ້າ-ສະຫນາມບິນ ຊົ່ວຄາວ ຈົນກວ່າສະພາບການຈະເຂົ້າສູ່ສະພາບການປົກກະຕິຈິ່ງກັບມາບໍລິການຄືນ.