ແຈກຜ້າປິດປາກຟຣີວັນເສົານີ້ ຄົນອື່ນຂາຍແຕ່ເຮົາຈະແຈກ “ສອງມືນີ້ຈະສ້າງຄວາມດີສູ່ສັງຄົມ”

ແຈກຜ້າປິດປາກຟຣີວັນເສົານີ້ ຄົນອື່ນຂາຍແຕ່ເຮົາຈະແຈກ “ສອງມືນີ້ຈະສ້າງຄວາມດີສູ່ສັງຄົມ”

19th March 2020 0 By Admin

ເປັນເລື່ອງດີໆອີກໜຶ່ງເລື່ອງໃນທ່າມກາງຄວາມກັງວົນກ່ຽວກັບໂຄວິດ 19 ທີ່ແຜ່ກະຈາຍຢູ່ທົ່ວໂລກ ແລະ ສິ່ງທີ່ຂາຍດີໄລຍະນີ້ກໍຄື ໜ້າກາກ ອານາໄມ, ເຈວລ້າງມື້, ສິນຄ້າແຫ້ງຕ່າງໆ …

ໂດຍສະເພາະຜ້າປິດປາກທີ່ຫາຍາກສຸດໆ, ແຕ່ກໍຍັງມີຄົນເຫັນໄດ້ເຖິງຄວາມສໍາຄັນ ພໍມີໜ້າກາກກໍຢາກຈະແບ່ງປັນ

ກຸ່ມ ສອງມືນີ້ຈະສ້າງຄວາມດີສູ່ສັງຄົມ ໂດຍ ຢາກແຕ້ມ & ຢາກເວົ້າ, Sticker Designed by : Jip Rattanavong

ໄດ້ກຽມໜ້າກາກອະນາໄມໃສ່ຖົງ​ (ຢ່າງ​ລະມັດລະວັງ​ ແລະ​ ຮັກສາຄວາມສະອາດ) ຈະແຈກຟຣີ, ໃນວັນເສົາ​ ທີ 21​ ມີນາ​ 2020, ເວລາ​ 18:00 ຈຸດທຳອິດ ທີ່ຕະຫລາດກາງຄືນ​(ແຄມຂອງ), ຈຳນວນ​ 1.000 ຖົງ ຖົງລະ 2ແຜ່ນ, ແຈກທ່ານລະ 1 ຖົງ​

ນອກຈາກນັ້ນພວກເຮົາຈະນຳໄປແຈກອີກຫລາຍຈຸດ ແລະ​ ສົ່ງໄປແຂວງອື່ນໆນຳ (ຮວມທັງໂຮງຫມໍ,ຫນ່ວຍກູ້ໄພ ແລະ​ ພໍ່ແມ່ປະຊາຊົນ)​

ຄັ້ງນີ້ເປັນການສະໜັັບສະໜູນຂອງ Lanoy Senaphuan ບໍລິສັດ ພົງຊັບທະວີ 🙏🏻(Phongsupthavy Group) ມອບຫນ້າກາກອະນາໄມທັງຫມົດໃຫ້ກຸ່ມພວກເຮົາ, ຂອບໃຈຖົງມື ຈາກ : Jolene Chen

ໃຜທີ່ໄປທີ່ນັ້ນໃນມື້ນັ້ນກໍສາມາດໄປຮັບໄດ້ເລີຍເດີ້, ການໃສ່ຜ້າປິດປາກກໍເປັນອີກວິທີໜຶ່ງໃນການປ້ອງກັນ,ນອກຈາກນັ້ນຍັງມີຫຼາຍໆວິທີ ແລະ ຢາກໃຫ້ທຸກທ່ານໃສ່ໃຈ ເພື່ອປ້ອງກັນຕົນເອງ ແລະ ຄອບຄົວຈາກເຊື້ອພະຍາດດັ່ງກ່າວ