ພົບເຂົ້າສາຍພັນໃໝ່ ທົ່ງນາເຂົ້າສີບົວ Pink Lady ທີ່ປະເທດເພື່ອນບ້ານ

ພົບເຂົ້າສາຍພັນໃໝ່ ທົ່ງນາເຂົ້າສີບົວ Pink Lady ທີ່ປະເທດເພື່ອນບ້ານ

14th March 2020 0 By Admin

ໜຸ່ມໄວ 32 ປີ ລາອອກຈາກວຽກປະຈໍາ ຫັນມາເຮັດນາເຂົ້າກໍ່າ ໃຊ້ເວລາ 3 ປີ ຄັດແຍກພັນເຂົ້າ ສາມາດປູກ ເຂົ້າສີບົວ ສໍາເລັດ ຕັ້ງຊື່ໃຫ້ວ່າ Pink Lady ໃນອະນາຄົດຈະພັດທະນາໃຫ້ເປັນແຫ່ງທ່ອງທ່ຽວອີກດ້ວຍ.

ໜຸ່ມຄົນນີ້ເປັນໜຸ່ມໄທ ປະເທດເພື່ອນບ້ານເຮົານີ້ເອງ ຢູ່ທີ່ໝູ່ 11 ບ້ານໃນໄຮ່ ຕໍາບົນ ທ່າໂພ ເປັນນາເຂົ້າອິນທີ ຊື່ ໜຸ່ມ ຈະຕຸລົງ ຊົມພູຜາ.

ໜຸ່ມ ຈະຕຸລົງ ເຜີຍວ່າ: ປີ ພ.ສ 2556 ຕົນນໍາເອົາເມັດເຂົ້າຈາກສຸພັນບູລີ ເປັນພັນເຂົ້າກໍ່າ ຫຼື ໄຣເບີລີ້ ເພື່ອນໍາມາປູກ ສ່ວນເຂົ້າສີບົວ ນີ້ຕົນເອງຕັ້ງຊື່ສາຍພັນວ່າ ເຂົ້າ Pink Lady ຕົ້ນພັນຂອງມັນແມ່ນຖືກພົບຢູ່ນາເຂົ້າກໍ່າຂອງຕົນນີ້ແຫຼະ ເຈົ້າໜ້າທີ່ມາກວດເບິ່ງເຫັນແລ້ວກໍບອກໃຫ້ຕົນລົກຖິ້ມ ແຕ່ຕົນເອງບໍ່ໄດ້ຖິ້ມລອງເກັບໄວ້ ເອົາໄປຂະຫຍາຍພັນໄວ້ຫຼັງເຮືອນໄປເລື້ອຍໆ,

ກ່ອນທີ່ຈະໄດ້ຊຸດນີ້ ນັບເປັນຄັ້ງທີ 4 ທີ່ຕົນປູກເຂົ້າສີບົວ ແລະ ນາເຂົ້າຂອງຕົນທັງໝົດບໍ່ມີສານເຄມີແຕ່ຢ່າງໃດ ໃຊ້ພຽງນໍ້າໝັກທີ່ເຮັດຈາກທໍາມະຊາດເທົ່ານັ້ນ.

ໜຸ່ມ ຈະຕຸລົງເຜີຍວ່າ: ການທີ່ມີຄົນສົນໃຈກໍເປັນການດີ ແຕ່ອີກທາງກໍຢ້ານຄົນຈະມາຫຼາຍ ຈະໄປໃສກໍບໍ່ໄດ້ ເຮົາເຮັດນາແບບຄົບວົງຈອນພຽງ 3 ຄົນ ພໍ່, ແມ່, ລູກ ເວລາທີ່ຈະຕ້ອນຮັບແຂກຄົນອາດຈະຄ່ອຍມີ

ຖ້າຈະມາຊົມ ມາເບິ່ງກໍຢ່າໄປຈັບ ໄປຫັກ ຫຼ້ ເດັດມັນ, ຢາກໃຫ້ເຂົ້າສີບົວຢູ່ບ່ອນນີ້ ບໍ່ໄດ້ຢາກຫາກິນກັບເຂົ້າສີບົວ ຫຼື ເຂົ້າຕົ້ນດໍາທີ່ຕົນປູກ ແຕ່ກໍຢາກເຮັດເປັນຈຸດທ່ອງທ່ຽວຈຸດໜຶ່ງທີ່ສາມາດດຶງດູດຄວາມສົນໃຈນັກທ່ອງທ່ຽວ ທັງໄທ ແລະ ຕ່າງຊາດ ມາທ່ຽວກັນ


ໜຸ່ມ ຈະຕຸລົງ ຮຽນຈົບສັດຕະວະສາດ ຄະນະກະເສດສາດ ຊັບພະຍາກອນທໍາມະຊາດສິ່ງແວດລ້ອມ ແລະ ຈົບຈາກມະຫາວິທະຍາໄລສາຂາ ການຈັດການ ຫຼັງຈາກທີ່ຮຽນຈົບກໍເຮັດວຽກປະຈໍາ ແຕ່ກໍລາອອກມາໄດ້ 3 ປີ ແລ້ວ ເພາະຢາກຮູ້ວ່າເປັນຫຍັງຊາວນາຈຶ່ງຍັງທຸກຈົນຢູ່ ເລີຍອອກມາຮຽນຮູ້ຕາມທີ່ພໍ່ເຄີຍບອກ ຕ້ອງເຂົ້າໃຈ ເຂົ້າເຖິງຈະພັດທະນາ ຕ້ອງເຮັດເອງລົງມືເອງຮຽນຮູ້ດ້ວຍຕົນເອງ ຈາກຄົນຮອບຂ້າງ ຈາກໝູ່ ບໍ່ຊັ້ນເຮົາຈະບໍ່ສາມາດພັດທະນາບ້ານເຮົາໄດ້ແທ້ໆ

ສໍາລັບຄຸນນະພາບຂອງເຂົ້າສີບົວ ແມ່ນຍັງບໍ່ທັນໄດ້ພິສູດ ຫຼື ທົດສອບເທື່ອ ເພາະບັດຈຸບັນເມື່ອປູກແລ້ວຈະເກັບກ່ຽວພັນເມັດເຂົ້າໄວ້ທົດລອງປູກຕໍ່ ຈົນສາມາດປູກໄດ້ໃນພື້ນທີ່ 4 ຕາລາງແມັດເທົ່າທີ່ເຫັນຕອນນີ້ ແຕ່ການທີ່ຈະໄດ້ເຂົ້າສີບົວຕ້ອງຂຶ້ນຢູ່ໃນຊ່ວງເວລາທີ່ປູກ ຄືຕ້ອງປູກໃນຊ່ວງລະດູໜາວ ໂດຍໃຊ້ເວລາ 120 ວັນ ຈຶ່ງຈະເກັບກ່ຽວໄດ້ ສ່ວນເຂົ້າໄລເບີຣີສີດໍາ ຜົນຜະລິດທີ່ໄດ້ແມ່ນເປັນເມັດຂະໜາດສັ້ນ ອ້ວນ ແລະ ປ້ອມ ຄ້າຍກັບເຂົ້າຢີ່ປຸ່ນແຕ່ຈະປ້ອມກວ່າ.