ຊົມເຊີຍການນຳແຂວງເຊກອງ! ມອບເຮືອນ 1 ຫຼັງໃຫ້ແມ່ຍິງທຸກຍາກ ຂາດທີ່ຢູ່ອາໄສ

ຊົມເຊີຍການນຳແຂວງເຊກອງ! ມອບເຮືອນ 1 ຫຼັງໃຫ້ແມ່ຍິງທຸກຍາກ ຂາດທີ່ຢູ່ອາໄສ

13th November 2019 0 By Admin

ສະຫະພັນແມ່ຍິງແຂວງ ເຊກອງ ຮ່ວມກັບສະຫະພັນແມ່ຍິງເມືອງ ທ່າແຕງ ໄດ້ມອບເຮືອນ 1 ຫຼັງໃຫ້ທ່ານ ນາງ ຈັນ ເຊິ່ງຜູ້ກ່ຽວແມ່ນແມ່ຍິງທຸກຍາກ, ດ້ອຍໂອກາດ ແລະ ຂາດທີ່ຢູ່ອາໄສ ຢູ່ ບ້ານ ໜອງບົວໃສ ເມືອງ ທ່າແຕງ ແຂວງ ເຊກອງ.

ພິທີດັ່ງກ່າວ ໄດ້ຈັດຂຶ້ນໃນວັນທີ 8 ພະຈິກ 2019 ນີ້ ຢູ່ທີ່ເຮືອນຂອງຜູ້ກ່ຽວບ້ານໜອງບົວໃສ, ເຊິ່ງເຮືອນທີ່ມອບໃຫ້ທ່ານນາງ ຈັນ ໃນຄັ້ງນີ້ ແມ່ນສ¬ຫະພັນແມ່ຍິງແຂວງເຊກອງ ໄດ້ຮັບທຶນສະໜັບສະໜູນຈາກສະມາຄົມສະຫະພັນແມ່ຍິງ ສສ ຫວຽດນາມ ແຂວງ ກວາງນາມ ຈຳນວນ 50 ລ້ານດົ້ງ ຫຼື 18 ລ້ານກີບ, ທຶນສົມທົບຈາກໂຮງງານຜະລິດເຫຼົ້າບອງໂສມກາດອກຮັກແຂວງ ເຊກອງຈໍານວນ 2 ລ້ານກີບ,ທຶນສົມທົບຈາກສະຫະພັນແມ່ຍິງເມືອງ ທ່າແຕງ ຈໍານວນ 3 ລ້ານກີບ ແລະ ຮັບຈາກທຶນສົມທົບພາຍໃນບ້ານ ໜອງບົວໃສຈໍານວນ 11 ລ້ານ 5 ແສນກີບ, ລວມມູນຄ່າການກໍ່ສ້າງທັງໝົດ 34 ລ້ານ 5 ແສນກີບ.


ເພື່ອແກ້ໄຂນໂຍບາຍປຸກສ້າງເຮືອນຢູ່ອາໄສ ໃຫ້ທ່ານນາງ ຈັນ ເຊິ່ງເປັນແມ່ຍິງທຸກຍາກ, ດ້ອຍໂອກາດ ແລະ ຂາດທີ່ຢູ່ອາໄສ ຈຳນວນ 1 ຫຼັງ. ໂດຍແມ່ນປະຊາຊົນພາຍໃນບ້ານ ໜອງບົວໃສເປັນຜູ້ຮັບເໝົາກໍ່ສ້າງ ໄດ້ຊ່ວຍເຫຼືອເຊິ່ງກັນ ແລະ ກັນ. ເຮືອນດັ່ງກ່າວມີຂະໜາດ 5 x 8 ແມັດ, ໂຄງສ້າງປະກອບດ້ວຍໄມ້, ມຸງດ້ວຍສັງກະສີ, ປູດ້ວຍແປ້ນ, ແອ້ມແປ້ນ, ມີ 1 ຫ້ອງນອນ, 1 ຫ້ອງຮັບແຂກ ແລະ 1 ຫ້ອງນໍ້າ, ໃຊ້ເວລາໃນການກໍ່ສ້າງ 11 ວັນ ເຊິ່ງເລີ່ມແຕ່ວັນທີ 2-12 ສິງຫາ 2019 ນີ້ ຈຶ່ງສໍາເລັດ.

ຂໍ້ມູນ: ຂ່າວເມືອງ ທ່າແຕງ