ຮັບຮອງ 4 ໜ່ວຍພັກໃນສະຖາບັນຍຸຕິທໍາພາກເໜຶອເປັນໜ່ວຍພັກ ປອດໃສເຂັ້ມແຂງໜັກແໜ້ນ

ຮັບຮອງ 4 ໜ່ວຍພັກໃນສະຖາບັນຍຸຕິທໍາພາກເໜຶອເປັນໜ່ວຍພັກ ປອດໃສເຂັ້ມແຂງໜັກແໜ້ນ

11th March 2020 0 By Admin

ວັນທີ 6 ມິນາ 2020 ຜ່ານມານີ້,ຢູ່ສະຖາບັນຍຸຕິທໍາພາກເໜຶອ ໄດ້ຈັດພິທີມອບ-ຮັບໃບຢັ້ງຢືນໜ່ວຍພັກປອດໃສ,ເຂັ້ມແຂງ,ໜັກແໜ້ນ ປະຈໍາປີ 2019 ໂດຍໃຫ້ກຽດເຂົ້າຮ່ວມຂອງສະຫາຍ ສິງຕັນ ໄຊລືຊົ່ງ ຄະນະປະຈຳພັກແຂວງ, ຮອງປະທານສະພາປະຊາຊົນແຂວງ, ມີຄະນະພັກຮາກຖານ, ເລຂາໜ່ວຍພັກ ພ້ອມດ້ວຍສະມາຊິກພັກ ແລະ ແຂກຖຶກເຊີນເຂົ້າຮ່ວມ.

.

ພິທີຕາງໜ້າຄະນະຈັດຕັ້ງແຂວງ ກໍໄດ້ຜ່ານຂໍ້ຕົກລົງຂອງຄະນະປະຈໍາພັກແຂວງ ວ່າດ້ວຍການເລື່ອນສະມາຊິກພັກສໍາຮອງເຂົ້າເປັນສະມາຊິກພັກສົມບູນ ຈໍານວນ 6 ສະຫາຍ ຍິງ 3 ສະຫາຍ,ຈາກນັ້ນ ໄດ້ຜ່ານຂໍ້ຕົກລົງຂອງຄະນະປະຈຳພັກແຂວງ ຫຼວງພະບາງ ວ່າດ້ວຍ ການຮັບຮອງເອົາຈຳນວນ 4 ໜ່ວຍພັກ ທີຂື້ນກັບຄະນະພັກຮາກຖານສະຖາບັນຍຸຕິທໍາພາກເໜຶອ ເປັນໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈໍາປີ 2019.

ໂດຍໃຫ້ກຽດມອບຂອງສະຫາຍ ສິງຕັນ ໄຊລືຊົ່ງ ຄະນະປະຈຳພັກແຂວງ,ຮອງປະທານສະພາປະຊາຊົນແຂວງ ພ້ອມທັງມີຄຳເຫັນ ເນັ້ນໃຫ້ຄະນະພັກ ແລະ ສະມາຊິກພັກສົມບູນໃໝ່ ຂອງໜ່ວຍພັກສະຖາບັນຍຸຕິທໍາ ພາກເໜຶອ ຈົ່ງສຸມໃສ່ຜັນຂະຫຍາຍແນວຄິດການເມືອງຕາມນະໂຍບາຍຂອງພັກ,ສືບຕໍ່ຝຶກຝົນຫຼໍ່ຫຼອມຕົນເອງໃຫ້ກາຍເປັນສະມາຊິກພັກທີ່ດີ ຮັກສາມາມູນເຊື້ອນາມມະຍົດໜ່ວຍພັກ ປອດໃສ ເຂັ້ມແຂງ ໜັກແໜ້ນ ຕິດພັນກັບການນໍາພາຈັດຕັ້ງປະຕິບັດໜ້າທີ່ວິຊາສະເພາະຂອງຕົນ ໃຫ້ບັນລຸຕາມຄາດໝາຍ ໂດຍສະເພາະຕ້ອງຍົກສູງຄຸນນະພາບການຮຽນ-ການສອນ ແນໃສ່ກໍ່ສ້າງວິຊາການທາງດ້ານກົດໝາຍ ອອກຮັບໃຊ້ສັງຄົມຢ່າງມີຄຸນນະພາບ.

.

ຂ່າວ: ເພັດສາຄອນ ສິມມະວົງ