ສັງຄົມທຸກມື້ນີ້ຢູ່ຍາກອີຫຼີ!! ສຸດໂຫດ ໂຈນບຸກຈີ້ຊິງຊັບຄາຫ້ອງແຖວ

ສັງຄົມທຸກມື້ນີ້ຢູ່ຍາກອີຫຼີ!! ສຸດໂຫດ ໂຈນບຸກຈີ້ຊິງຊັບຄາຫ້ອງແຖວ

13th November 2019 0 By Admin

ບັນຫາປາກົດການຫຍໍ້ທໍ້ ຂີ້ລັກ, ງັດແງະ, ປຸ້ນຈີ້ຊິງຊັບ ຍັງພົບເຫັນຫຼາຍໃນສັງຄົມລາວ. ຫຼ້າສຸດ, ໄດ້ເກີດເຫດໂຈນບຸກຈີ້ຊິງຊັບຄາຫ້ອງແຖວໃນວັນເກີດຂອງຕົນເອງ. ເຊິ່ງເປັນເລື່ອງທີ່ສະຫຼົດໃຈຫຼາຍ ສັງຄົມນັບມື້ຢູ່ຍາກຂຶ້ນນັບມື້, ສະນັ້ນ,  ຈຶ່ງເຕືອນມາຍັງບັນດາທ່ານ ຕ້ອງມີສະຕິຕົວສູງ ໃນການໃຊ້ຊີວິດ ບໍ່ຄວນປະໝາດຢ່າງເດັດຂາດ.

 

 

ເຫດການດັ່ງກ່າວເກີດຂຶ້ນຕັ້ງແຕ່ວັນທີ 9 ພະຈິກ 2019 ໂດຍຜູ້ໃຊ້ເຟສບຸກຊື່ (ຫລ້າ ຄໍ້າ ຫຼຽນຕະກຸນ) ໂພສພາບພ້ອມຂໍ້ຄວາມກ່າວເຕືອນໄພກ່ຽວກັບເຫດການທີ່ເກີດຂຶ້ນກັບໝູ່ຂອງຕົນເອງວ່າ: “ວັນເກີດໝູ່ກາຍເປັນມື້ຮ້າຍໂດຍບໍ່ຄາດຝັນ ໃນວັນທີ 9 ພະຈິກ 2019 ເວລາປະມານ 18:44ໂມງ ໄດ້ເກີດເຫດຮ້າຍຂຶ້ນກັບໝູ່ຂ້ອຍໃນຫ້ອງແຖວແຫ່ງໜຶ່ງໃກ້ກັບ ວິທະຍາໄລເຕັກນິກ-ວິຊາຊີບ ແຂວງຈຳປາສັກ ໃນຂະນະທີ່ຂ້ອຍໄດ້ອອກໄປຊື້ເຄັກເພື່ອມາເຊີໄພ້ໝູ່, ແຕ່ເມື່ອກັບມາ ກັບພົບເຫັນເຄື່ອງຂອງຊະຊາຍຢູ່. ໝູ່ໄດ້ເລົ່າວ່າ ໄດ້ມີໂຈນ 2 ຄົນຂັບລົດຈັກສີດໍາ ບໍ່ມີປ້າຍທະບຽນ, ໃສ່ໝວກກັນນັອກປົກປິດໃບໜ້າ ແລະ ໃຊ້ມີດເຂົ້າມາຈີ້ປຸ້ນເອົາເງິນ ແລະ ຂອງມີຄ່າລວມທັງບັດປະຈຳຕົວ, ບັດປະກັນສັງຄົມ, ບັດເຮັດວຽກ, ໃບທະບຽນລົດ ເຫຼືອພຽງກະເປົ໋າເປົ່າ” ສັງຄົມທຸກມື້ນີ້ຢູ່ຍາກອີຫຼີ.

ຝາກແຊ໌ບອກຕໍ່ເຕືອນກັນໄວ້ ໂດຍສະເພາະນັກຮຽນ, ນັກສຶກສາ ແລະ ຄົນທີ່ເຊົ່າຫ້ອງແຖວຢູ່ ຈົ່ງມີສະຕິລະວັງໂຕໄວ້ສະເໝີ. ສັງຄົມທຸກມື້ນີ້ເປັນຕາຢ້ານຫຼາຍ, ເຫັນຂ່າວແຕ່ໃນໂທລະພາບ-ໃນມືຖື ບໍ່ຄິດວ່າຈະເກີດຂື້ນກັບຕົນເອງ.